(၁) ဇနကဇာတ်
ဇာတ်ကြီးဆယ်ဘွဲ့တွင် ပါဝင်သော ဇနကဇာတ်ကို ပန်းချီဆရာကြီး ဦးစန်းလှိုင်-က သရုပ်ဖော်ရေးဆွဲထားသည်။ ဇနကဇာတ်အကျဉ်းကို တင်ပြအပ်ပါသည်။
ရှေးသရောအခါ ၀ိဒေဟရာဇ်တိုင်း မိထိလာပြည်တွင် မဟာဇနကမင်းကြီး နန်းစံသည်။ ထိုမင်းကြီး နတ်ရွာစံလျှင် သားတော်ကြီး အရိဋ္ဌဇနက မင်းပြု၍ သားတော်ငယ် ပေါလဇနကကို အိမ်ရှေ့အရာ ပေးသည်။
ထိုသို့ပြုရာမှ နောင်တော်မင်းသည် သူတပါးကုန်းချောမှုကြောင့် ညီတော်ကို မယုံကြည်၍ ဖမ်းဆီးရာမှ ညီနောင်နှစ်ဦး စစ်ပြိုင်ကြသည်။ နောင်တော် စစ်ရှုံး၍ စစ်ပွဲ၌ ကျဆုံးသွားသည်။ မိဖုရားကြီးလည်း ကိုယ်ဝန်အရင့်အမာရှိနေရာ သူဆင်းရဲအသွင်ဆောင်၍ ထွက်ပြေးတိမ်းရှောင်သွားရသည်။
မိဖုရားကြီးသည် ကာလစမ္ပာနဂိုရ်ပြည်သို့ ရောက်သွားသည်။ ဒိသာပါမောက္ခ ဆရာကြီးက ပြုစုစောင့်ရှောက်ထားသည်။ အချိန်ရောက်သော် ဘုရားလောင်း သားတော်ကို ဖွားမြင်သည်။ မဟာဇနက-ဟု အမည်ပေးသည်။
မဟာဇနကမင်းသား အရွယ်ရောက်လျှင် ခမည်းတော်၏ မိထိလာပြည်ကို ပြန်သိမ်းနိုင်ရန် ဥစ္စာများ စုဆောင်းသည်။ ဥစ္စာများရရန် သင်္ဘောဖြင့် ကုန်ကူးထွက်သည်။ ပင်လယ်ခရီးလမ်းတွင် လေပြင်းကျကာ သင်္ဘောနစ်သည်။ မင်းသားလည်း ဇွဲလုံ့လ မလျှော့။ အနိုင်မခံ အရှုံးမပေး။ ပင်လယ်တွင် ကူးခတ်သည်။ ပင်လယ်စောင့် မဏိမေခလာ နတ်သမီးက လျစ်လျူရှု၍ မထားနိုင်။ မင်းသားကို ဆယ်တင်၍ မိထိလာပြည်သို့ ပို့ဆောင်ကာ ကျောက်ဖျာထက်၌ တင်ထားခဲ့သည်။
ထိုအချိန်တွင် ပေါလဇနကမင်းကြီး နတ်ရွာစံသွားသည်မှာ ၇-ရက်ရှိပြီ ဖြစ်သည်။ သားတော် မရှိ၊ သမီးတော် သီဝလိဒေ၀ီ တပါးသာ ကျန်ရစ်သည်။ ထို့ကြောင့် မင်းလောင်းရှာရန် ဖုတ်သွင်းရထား စေလွှတ်ထားသည်။ ရထားသည် ဇနကမင်းသား အိပ်စက်ရာ ကျောက်ဖျာ၌ ဆိုက်၍ မင်းသားကို နန်းတော်သို့ ခေါ်ဆောင်သွားသည်။
ဇနကမင်းသားလည်း ရာဇပလ္လင်၏ ဦးခေါင်းဘက်ကို ပြနိုင်ခြင်း၊ လေးတော် တင်နိုင်ခြင်း၊ ရွှေအိုး ၁၆-လုံးကို ဖော်ပေးနိုင်ခြင်းဖြင့် အစွမ်းပြခဲ့သည်။ အားလုံးပင် မင်းသားကို ဘုန်းရှင်၊ ကံရှင်မှန်း သိကာ နန်းတင်ကြသည်။
မဟာဇနကမင်းသည် မင်းပြုနေရာမှ တနေ့သော် သရက်ဥယျာဉ်သို့ ထွက်စဉ် သံဝေဂရသွားသည်။ နန်းစည်းစိမ်ကို မပျော်ပိုက်တော့ဘဲ တောထွက်ရန် ဆုံးဖြတ်လိုက်သည်။ နန်းတော်အထက် ပြာသာဒ်၌ ရဟန်းပြုပြီးလျှင် တောသို့ ထွက်ကြွသွားသည်။ မိဖုရားနှင့် အခြွေအရံများသည် တောသို့လိုက်၍ တောင်းပန်ကြသော်လည်း ဘုရားလောင်း မဟာဇနကမင်းက လက်မခံ။ နန်းတော်သို့ ပြန်မကြွ။ တော၌သာပင် တရားအားထုတ်နေထိုင်လေသည်။
အကိုး။ ။ ၅၅၀-ဇနကဇာတ်။
သုဝဏ္ဏသာမဇာတ်
မောင်ငယ် ညီမလေးတို့ရေ ဒီတလတော့ မမပေဖူးလွှာက မိဘစကား နားထောင်ပြီး မိဘကို ပြုစုလုပ်ကျွေးတဲ့ သုဝဏ္ဏသာမလေးရဲ့ အကြောင်းကို ပြောပြမယ်ကွဲ့။
ဟိုးရှေးရှေးတုန်းက ဟိမဝန္တာတောကြီးထဲက ကျောင်းသင်္ခမ်းတခုမှာ ရသေ့တပါးနဲ့ ရသေ့မတပါး သစ်သီးသစ်ဖုတွေကို စားသုံးပြီး တရားအားထုတ်လျက် ရှိတယ်ကွဲ့၊ သိကြားမင်းရဲ့ တိုက်တွန်းချက်အရ တနေ့မှာ သားယောက်ျားကလေး တယောက် ဖွားမြင်သတဲ့။ အဲဒီသားကလေးကို သုဝဏ္ဏသာမလို့ အမည်ခေါ်တွင်စေသတဲ့ကွယ်။
သားကလေး ငယ်စဉ်အရွယ်မှာ မိဘတွေ ရသေ့များ သစ်သီးသစ်ဖု သွားရှာနေတဲ့အချိန်မှာဆိုရင် ကိန္နရီများက နို့လာတိုက်ပေးကြသတဲ့ကွယ်။ အဲဒီလိုနဲ့ သုဝဏ္ဏသာမလေးဟာ တဖြည်းဖြည်း ကြီးပြင်းလာလိုက်တာ မိဘကို ပြုစုလုပ်ကျွေးနိုင်တဲ့အရွယ်ကို ရောက်ရှိသတဲ့ ကလေးတို့ရယ်။
တနေ့ တောထဲမှာ လေပြင်းမုန်တိုင်းတိုက်ခိုက်ပြီး ရသေ့နဲ့ ရသေ့မဟာ သစ်ပင်ကြီးအောက် မိုးဝင်ခိုရင်း မိုးခိုတဲ့နေရာရဲ့ တောင်ဘို့အောက်ထဲက မြွေဆိုးက အခိုးလွှတ်တာနဲ့ အဆိပ်ငွေ့သင့်ပြီး မျက်စေ့ ကွယ်ပါရောတဲ့ကွယ်။ အဲလို မျက်စိကွယ်သွားတဲ့ မိဘနှစ်ပါးကို သုဝဏ္ဏသာမလေးဟာ အစားအသောက် ရှာဖွေကျွေးမွေးရှာသတဲ့။ သုံးရေ ချိုးရေများကိုလည်း ခတ်ပြီး မိဘနှစ်ပါး အဆင်သင့်သောက်သုံးနိုင်အောင် ဂရုတစိုက် ပြုစုရှာသတဲ့ ကလေးတို့ရယ်။
သုဝဏ္ဏသာမလေးရဲ့ အဖော်လေးတွေကတော့ တောထဲမှာ သဘာဝအတိုင်း ကြီးပြင်းတဲ့ ရွှေသမင်လေးတွေပဲ ကလေးတို့ရဲ့၊ ရွှေသမင်လေးတွေဟာ သုဝဏ္ဏသာမလေးနဲ့အတူ သောက်သုံးရေ ဝိုင်းခတ်ပေးနေကျ သတဲ့ကွယ်။
တနေ့တော့ သမင်သားကို အလွန်ကြိုက်နှစ်သက်တော်မူတဲ့ ဗာရာဏသီပြည့်ရှင် ပီဠိယက္ခမင်းကြီးဟာ သမင်သားစားချင်တာနဲ့ ရေသောက်ဆင်းလာသည့် သမင်အုပ်ကို အမဲပစ်ရန် ထွက်လာသတဲ့ကွယ်။
သမင်သား အလွန်တရာကြိုက်တဲ့ဘုရင်ကြီးဟာ သမင်အုပ်နဲ့အတူ ရေခပ်ဆင်းလာတဲ့ သုဝဏ္ဏသာမလေးကို တွေ့သတဲ့။ တောတောင်ထဲမှာ ဆိုတော့ သုဝဏ္ဏသာမလေးကို လူလို့ မထင်မိဘူးပေါ့။
တိုတိုပြောရရင်တော့ သမင်သားကြိုက်တဲ့ ဘုရင်ကြီးဟာ သုဝဏ္ဏသာမလေးကို အမြင်မှားပြီး မြားနဲ့ခွင်းလိုက် ပါရော ကလေးတို့ရယ်။
သုဝဏ္ဏသာမလေး မြားထိခွေကျသွားတဲ့အခါမှ ဘုရင်ကြီးဟာ လူမှန်းသိသတဲ့။ လူမှန်းသိတဲ့အခါမှာ ဘုရင်ကြီးဟာ အရမ်းတုန်လှုပ်သွားတာပေါ့ ကလေးတို့ရယ်။
ဘုရင်ကြီးကို တွေ့တော့ သုဝဏ္ဏသာမလေးဟာ သူ့ရဲ့မြှားမှန်တဲ့ဒဏ်ရာကို မပူပင်ဘဲနဲ့ ကျောင်းသင်္ခမ်းမှာ ကျန်ရစ်ခဲ့တဲ့မျက်မမြင် မိဘနှစ်ပါးကို ပူပင်သောကရောက်ကြောင်း ပြောသတဲ့ကွယ်။
“မျက်မမြင် မိဘနှစ်ပါးဟာ အချိန်တန်လို့ သား-ပြန်မလာရင် သောကရောက်မှာ စိုးရိမ်မိကြောင်းပါဘုရား” လို့ ပြောသတဲ့။ ဘုရင်ကြီးလည်း အင်မတန်မှ စိတ်မကောင်းဖြစ်တော်မူတယ်တဲ့ ကလေးတို့ရယ်။ ကလေးတို့ဆိုရင်ရော မြှားမှန်တာ မပြောနဲ့ ဓားကလေး လက်ကို ရှရင်တောင် ငိုနေကြမှာပဲလားကွယ်။
သုဝဏ္ဏသာမလေးဟာ ဘယ်လောက် သနားစရာကောင်းလိုက်သလဲကွယ်။ ကလေးတို့ရော သုဝဏ္ဏသာမလေးလို မိဘကို စိတ်ပူကြဖူးကြသလားကွယ်၊ မမပုံပြင်လေးကို ဆက်ပြောမယ်နော်။
စိတ်မကောင်းကြီးစွာ ဖြစ်မိတဲ့ ဘုရင်ကြီးဟာ ကျောင်းသင်္ခမ်းကို လိုက်သွားပြီး အကျိုးအကြောင်း ပြောပြသတဲ့။ သားလေး သုဝဏ္ဏသာမ မြားမှန်တယ်လို့ သိကြတဲ့အခါမှာ မျက်မမြင် ရသေ့မိဘနှစ်ပါးဟာ သားကလေး မြားမှန်လို့ လဲကျနေတဲ့ဆီကို အမြန်ပို့ခိုင်းကြသတဲ့ကွယ်။
သုဝဏ္ဏသာမလေး အနားရောက်လျှင် ရသေ့တို့သည် သားကလေး သုဝဏ္ဏသာမအတွက် တတွတ်တွတ်ပြောဆိုရင်း သစ္စာဆိုကြသတဲ့။
“ငါ့သား သုဝဏ္ဏသာမသည် ကုသိုလ်တရားကို ကျင့်၍ မိနှင့်ဘကို လုပ်ကျွေးပြုစု၍ လူကြီးများကို ရိုသေပါ၏။ ဤမှန်ကန်သော သစ္စာတရားကြောင့် ချစ်သားသုဝဏ္ဏသာမသည် မြားအဆိပ်ပြေပါစေသတည်း”လို့ သစ္စာဆိုကြသတဲ့။
အဲဒီလို ရသေ့မိဘနှစ်ပါးက သစ္စာဆိုတဲ့အခါ သုဝဏ္ဏသာမဟာ လူးလွန့်လှုပ်ရှားလာပြီး အနည်းငယ် အိပ်ပျော်သွားသတဲ့။
သုဝဏ္ဏသာမလေး အိပ်ပျော်နေချိန်မှာ ယခင် ခုနစ်ဘဝက မိခင်တော်စပ်ဖူးတဲ့ ဗဟုသုန္ဒရီ နတ်သမီး ရောက်လာပြီး သစ္စာဆိုသတဲ့ ကလေးတို့ရယ်။
ကလေးတို့ စဉ်းစားကြည့်စမ်းပါကွယ်။ ယခုဘဝ ရသေ့မိဘနှစ်ပါးသာမက အရင်ဘဝ မိခင်နတ်သမီးကပါ ရောက်လာပြီး သစ္စာဆိုတယ်ဆိုတာ သုဝဏ္ဏသာမကလေးဟာ ဘဝတိုင်း ဘဝတိုင်းမှာ မိဘအပေါ် လိမ္မာသိတတ်တဲ့ ကလေးဖြစ်လို့ပေါ့ ကလေးတို့ရယ်။
မိဘတွေ သစ္စာဆိုအပြီးမှာ သုဝဏ္ဏသာမလေးလည်း မြားဆိပ်ပြေပြီး ထထိုင်သတဲ့။ သုဝဏ္ဏသာမလေးရဲ့ မျက်စိကွယ်နေတဲ့ မိဘနှစ်ပါးလည်း မျက်စိ ပြန်မြင်သွားသတဲ့ကွယ်။
သုဝဏ္ဏသာမကို မြားနှင့်ပစ်မိတဲ့ ဘုရင်ကြီးလည်း သစ္စာတရားကို အံ့သြလွန်းလို့ သူအင်မတန် ကြိုက်တဲ့ သမင်သားကိုပါ မစားဘဲ စွန့်လွှတ်ပြီး တရားရသွားကာ တိုင်ပြည်သို့ ပြန်သွားပါလေရောလား ကလေးတို့ရယ်။
မိဘပေါ်မှာ သိတတ် လိမ္မာတဲ့ သုဝဏ္ဏသာမကလေးကတော့ မိဘတွေနဲ့အတူ ဒဏ်ရာတွေလည်း ပျောက်ပြီး မိဘနှစ်ပါးကို ပြုစုရင်း အသက်ထက်ဆုံး ပျော်ရွှင်စွာနေထိုင်သွားသတဲ့ကွယ်။ ပုံပြင်လေးကတော့ ဒါပါပဲကွယ်။
ဒီပုံပြင်လေးကို ကြည့်ပါဦး ကလေးတို့ရယ်။ မိဘအပေါ် ပြုစုသိတတ်တဲ့ သားသမီးဟာ မြားမှန်တာတောင် အသက်ဘေးက လွှတ်ခဲ့သတဲ့။ ကလေးတို့လည်း ကျောင်းကနေ အိမ်ပြန်ရောက်တဲ့အခါကျရင် မိဘကို ပြုစုကြနော်။
မိဘကို ပြုစုပြီး မိဘစကားကို နားထောင်တဲ့ ကလေးဆိုရင် ဘာအန္တရာယ်မှ မဖြစ်ဘဲ အပြစ်ဖြစ်ရင်တောင်မှ အပြစ်က လွတ်တယ် ကလေးတို့ရဲ့။ ကလေးတို့တတွေလည်း မိဘကို ပြုစုတဲ့ သားလိမ္မာ သမီးလိမ္မာလေးတွေ ဖြစ်ကြပါစေကွယ်။
သုဝဏ္ဏသာမ ဇာတ်တော်ကြီး
တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ၀ိ၊ ဝေ-ဟူသော
စကားကြီးဆယ်လုံးသည် ဗုဒ္ဓမြတ်စွာ၏ ဘ၀ဖြစ်စဉ် ဇာတ်တော်ဆယ်ဘွဲ့ကို ဖော်ပြသည့်
အတိုကောက်များ ဖြစ်ကြသည်။
တတိယစကားလုံးဖြစ်သည့် (သု) ဟူသည်မှာ သုဝဏ္ဏသာမ-၏ ဘ၀အကြောင်းကို ဆိုလိုသည်။
ဗာရာဏသီပြည်အနီး မိဂသမ္မဒါမြစ်ကမ်း၏ တဘက်တချက်တွင် တံငါရွာကြီး နှစ်ရွာရှိသည်။ ထိုနှစ်ရွာတွင် တံငါအကြီးအကဲ တဦးစီရှိသည်။ ထိုတံငါအကြီးအကဲတို့သည် တဦးနှင့်တသီး ခင်မင်သည်။ မိမိတို့၏ သားသမီးများ အရွယ်ရောက်လျှင် အချင်းချင်း လက်ဆက်ထိမ်းမြားပေးရန် ကတိက၀တ်ပြုထားကြလေသည်။
တံငါအကြီးအကဲ တယောက်တွင် ဒုကူလ သတို့သားကို ဖွားမြင်ပြီး အခြားတယောက်တွင် ပါရိကာ သတို့သမီးကို ဖွားမြင်ပါသည်။ ဒုကူလနှင့်ပါရိကာတို့သည် ဗြဟ္မာပြည်မှလာသူများဖြစ်ကြ၍ ကာမဂုဏ်ကို အလိုမရှိကြချေ။ အရွယ်ရောက်လာကြ၍ နှစ်ဘက်မိဘသဘောတူ လက်ထပ်ပေးကြသော်လည်းကာမဂုဏ်၌ ပျော်မွေ့ လိုက်စားခြင်း မရှိကြချေ။
မိဘများကွယ်လွန်ပြီးနောက် နှစ်ဦးတိုင်ပင်ကာ တောထွက်ကြသည်။ ဒုကူလနှင့်ပါရိကာတို့ တောထွက်လာသည်ကို သိကြားမင်းက သိမြင်သည်။ ထို့ကြောင့် ၀ိသကြုံနတ်သားကို စေလွှတ်ကာ ကျောင်းသင်္ခမ်း ဖန်ဆင်းထားစေသည်။ တရားရှာရန် တောထွက်လာသူများသည် ကျောင်းသင်္ခမ်းကို၎င်း၊ ကျောင်သင်္ခမ်းတွင်းရှိ သင်္ကန်းပရိက္ခရာတို့ကို၎င်း သုံးဆောင်နိုင်ပါကြောင်း ရေးသားထားလေသည်။
ဒုကူလနှင့် ပါရိကာတို့သည် ရေးသားထားသော ကမ္ဗည်းအက္ခရာတို့ကို ဖတ်၍ နတ်တို့၏တန်ခိုးကြောင့်ဖြစ်သော လျှော်တေသင်္ကန်းကို ၀တ်၍ ရသေ့ပြုကာ တရားဓမ္မကျင့်ကြံအားထုတ် နေထိုင်ကြလေသည်။
ဤဒုကူလနှင့် ပါရိကာသူမြတ် နှစ်ယောက်တို့သည် တနေ့တွင် မျက်စိကွယ်ကာ ဘေးသင့်မည့်အကြောင်းကို သိကြားမင်း သိရှိလေသည်။ ထို့ကြောင့် သိကြားမင်းကိုယ်တိုင်ပင် ကျောင်းသင်္ခမ်းသို့လာပြီး သားထောက်သမီးခံ ရရေးအတွက် လူတို့၏အကျင့်ဖြစ်သော မေထုန်မှုဖြင့် ကိုယ်လက်နှီးနှောပါရန် လျှောက်ထားတိုက်တွန်းသည်။ ဒုကူလနှင့် ပါရိကာတို့က အပြင်းအထန် ငြင်းဆိုပါသည်။
သို့နှင့် သိကြားမင်းက ပါရိကာ ဥတုလာသောအချိန်တွင် ဒုကူလ-က ပါရိကာ၏ ချက်တော်ကို လက်တော်နှင့် သုံးသပ်စေသည်။ ထိုသို့ သုံးသပ်သောအခါ ဘုရားအလောင်းသည် နတ်ပြည်မှစုတေခဲ့၍ ပါရိကာ ရသေ့မ၏ ၀မ်း၌ ပဋိသန္ဓေ ကိုယ်ဝန် စွဲယူလေ၏။ ဆယ်လလွန်သောအခါ ရွှေအဆင်းနှင့်တူသော သားယောက်ျားလေး တယောက်ကို ဖွားမြင်လေသည်။ ရွှေအဆင်းနှင့်တူသော အဆင်းရှိသောကြောင့် ဘုရားလောင်းအား သုဝဏ္ဏသာမ-ဟူသော အမည်ကို မှည့်ကြလေကုန်၏။
ဒုကူလနှင့် ပရိကာတို့က သုဝဏ္ဏသာမကို ကျောင်းတွင်ထားကာ တောတွင်းသို့သွား၍ သစ်သီးသစ်ဥ ရှာဖွေသည်။ ထိုအခါ ကိန္နရီ ကိန္နရာတို့က သုဝဏ္ဏသာမသတို့သားကို ပြုစုစောင့်ရှောက်ကြသည်။ ရေးချိုးပေးသည်။ နံ့သာလိမ်းပေးသည်။ ပန်းဖြင့်လုပ်သော ဒန်းတွင်အိပ်စက်စေသည်။ နို့ချိုတိုက်သည်။ နတ်အများကလည်း ၀ိုင်းဝန်းစောင့်ရှောက်ပေးကြလေသည်။
သုဝဏ္ဏသာမ ၁၆-နှစ်သို့ရောက်လာသည့်တိုင်အောင် အမိအဖတို့သည် အစဉ်စောင့်ရှောက်လျက် ကျောင်းသင်္ခမ်း၌ နေစေလျက် မိမိတို့အလိုလိုသာလျှင် တောသစ်သီး သစ်မြစ်တို့ကို ရှာအံ့သောငှါ တောသို့သွားကြလေကုန်၏။
တနေ့တွင် အချိန်လွန်သည့်တိုင်အောင် ကျောင်းသင်္ခမ်းသို့ ရသေ့များပြန်မလာသဖြင့် အရွယ်ရောက်ပြီဖြစ်သော သုဝဏ္ဏသာမသည် စိတ်ပူလာသောကြောင့်-တောထဲသို့ အရဲစွန့်ကာ လိုက်ရှာရင်း အဖေ-အမေ ဟု အော်ခေါ်လေ၏။ တနေရာသို့ရောက်လျှင် ရသေ့တို့သည် သစ်သီးရှာရင်း လေကြီးမိုးကြီးကျလို့ သစ်ပင်အောက် မိုးဝင်ခိုပြီး တောင်ပို့ပေါ်ထိုင်လိုက်သည့်အခါ တောင်ပို့ထဲက မြွေဆိုး အခိုးလွှတ်သဖြင့် အဆိပ်ငွေ့သင့်ပြီး မျက်စိကွယ်ကြောင်း ပြောကြကုန်၏။ ထိုအခါ သုဝဏ္ဏသာမသည် ငိုလဲငို၏၊ ရယ်လဲရယ်၏။
(ငိုရခြင်းအကြောင်းကား ငယ်ငယ်ရွယ်ရွယ်နှင့် မျက်စိကွယ်ရခြင်းကြောင့်တည်း။
ရယ်ရခြင်းအကြောင်းကား မိဘတို့ကို လုပ်ကျွေးခွင့် ရခြင်းကြောင့်တည်း။) ဟု ဆို၏။
ထို့နောက် သုဝဏ္ဏသာမသည် မိဘတို့အား အားပေးစကား ပြောဆိုရင်း ကျောင်သင်္ခမ်းသို့လက်တွဲကာ ခေါ်ဆောင်သွားလေသည်။ ကျောင်းသင်္ခမ်းသို့ပြန်ရောက်လျှင် သုဝဏ္ဏသာမသည် မိဘများ တနေရာမှ တနေရာသို့ သွားရလွယ်ကူစေရန် ကြိုးတန်း တန်းပေးခြင်း၊ သောက်ရေနှင့် သစ်သီးများ အနား၌ ချပေးခြင်း စသည်တို့ကို ဆောင်ရွက်လေတော့သည်။
နောက်တနေ့မှစ၍ ကျောင်းသင်္ခမ်းတွင် သန့်ရှင်းရေးလုပ်ကာ မိဘတို့အတွက် လိုရာကိစ္စများပြုလုပ်ပြီးလျှင် သမင်အဖော်များကို ခေါ်၍ တောထဲသို့ သစ်သီးရှာ ထွက်သွားလေ့ရှိသည်။
သုဝဏ္ဏသာမသည် နေ့စဉ်နေ့တိုင်း ရေခပ်ထွက်သောအခါ အဖော်ဖြစ်သော သမင်များကလည်း ၀ိုင်းဝန်းကူညီကြလေသည်။
တနေ့သောအခါ သမင်သားကို အလွန်နှစ်သက်သော ပီဠိယက္ခမင်းကြီးသည် မယ်တော်ကို ခေတ္တနန်းအပ်ကာ သမင်များကို လိုက်လံပစ်ခတ်စားသောက်ရင်း ရသေ့များ၏ ကျောင်းသင်္ခမ်းနားသို့ ရောက်လာ၏။
ညနေဘက်၌ သမင်ခြေရာများ အလွန်ပေါသော မြစ်ကမ်းစပ်တွင် သမင်များကိုပစ်ရန်ချောင်းနေစဉ် သုဝဏ္ဏသာမသည် သမင်များနှင့်အတူ ရေခပ်ဆင်းလာသည်ကို တွေ့လေသော်-လူလော နတ်လော မစူးစမ်းနိုင်တော့ဘဲ မြှားဖြင့်ပြစ်လိုက်လေတော့၏။
သုဝဏ္ဏသာမသည် မြှားထိသဖြင့် မိခင်ဖခင်ရှိရာသို့ ဦးခေါင်းထား၍ သဲသောင်ခုံပေါ်တွင် ခွေကျသွားပြီး အော်၍ ညည်းတွားမိလေသည်။ သမင်တို့သည် ကြောက်လန့်၍ ထွက်ပြေးကြကုန်၏။
ဤတွင်မှ ပီဠိယက္ခမင်းလည်း လူသားစစ်စစ်မှန်း သိသည်။ သုဝဏ္ဏသာမ မိန်းမောခြင်းသို့ မရောက်မီ ပီဠိယက္ခမင်းနှင့် သုဝဏ္ဏသာမတို့ အပြန်အလှန် စကးဆိုဖြစ်ကြသည်။ ဒေါသမရှိသော၊ ရန်လိုခြင်း မရှိသော၊ သိမ်မွေ့နူးညံ့သော သုဝဏ္ဏသာမ၏ ဖြစ်အင်ကို ကြားသိရသောအခါ ယခင်က စိတ်ဓာတ်ကြမ်းတမ်း မာန်တက်သော ပီဠိယက္ခမင်းကြီး၏ စိတ်ဓာတ်သည်ပင်လျှင် များစွာပျော့ပျောင်း၍ သွားလေသည်။ ထို့ကြောင့် သုဝဏ္ဏသာမ၏ မိဘနှစ်ပါးအား လုပ်ကျွေးမည်ဖြစ်ကြောင်း ကတိပြုလေသည်။
ဒုကူလနှင့် ပါရိကာတို့၏ ကျောင်းသင်္ခမ်းသို့ ပီဠိယက္ခမင်းကြီး ရောက်သွားလေသည်။ သား သုဝဏ္ဏသာမ မဟုတ်ကြောင်း ရသေ့နှစ်ပါးတို့ ချက်ချင်းပင်သိသည်။ အပြန်အလှန် စကားဆိုဖြစ်ကြသည်။ ပီဠိယက္ခမင်းကြီးက သုဝဏ္ဏသာမ၏ ကိုယ်စား လုပ်ကျွေးပြုစုမည်ဖြစ်ကြောင်း ပြောသည်။ ဒုကူလ နှင့် ပါရိကာတို့က လက်မခံချေ။ သုဝဏ္ဏသာမရှိရာသို့ ပို့ပေးရန် တောင်းပန်သည်။
ပီဠိယက္ခမင်းလည်း လိုက်၍ပို့သည်။ သဲသောင်ခုံပေါ်တွင် လဲလျောင်းနေသော သားသုဝဏ္ဏသာမကို စမ်းသပ်မိကြသည်။ အသက်မသေသေးကြောင်း သိသည်။ သို့နှင့် ဒုကူလ နှင့် ပါရိကာတို့သည်၎င်း၊ ဘုရားလောင်း သုဝဏ္ဏသာမ၏ ခုနစ်ကြိမ်မြောက်သော ကိုယ်၏အဖြစ်၌ မိခင်တော်စပ်ခဲ့ဖူးသော ဗဟုသုန္ဒရီ နတ်သမီးသည်၎င်း သစ္စာအဓိဋ္ဌာန်ပြုကြသည်။ သစ္စာ၏တန်ခိုး အာနုဘော်ကြောင့် မြားဆိပ်တို့ လျောကျသည်။ သုဝဏ္ဏသာမလည်း အသက်ဘေးမှ လွတ်မြောက်လေသည်။သိကြားမင်းကပါ ဆုပေးသည်။ ဒုကူလနှင့် ပါရိကာတို့ပါ မျက်စိနှစ်ကွင်း အလင်းရကြသည်။
သုဝဏ္ဏသာမသည် ပီဠိယက္ခမင်းကြီးအား သီလစောင့်ရန်၊ အလှူဒါနပြုရန်၊ တိုင်းသူပြည်သားကို ရင်ဝယ်သားနဲ့မခြား မေတ္တာထား၍ မင်းကျင့်တရားနှင့် အညီ တိုင်းပြည်အုပ်ချုပ် မင်းလုပ်ရန် ဟောကြားလေသည်။ ဗဟုသုန္ဒရီနတ်သမီးနှင့် အခြားနတ်အပေါင်းတို့အားလည်း တရားရေအေး တိုက်ကျွေးလေသည်။ ထိုအချိန်မှစ၍ ပီဠိယက္ခမင်းကြီးသည် သမင်သားတပ်မက်ခြင်းကို စွန့်၍ တရားရကာ တိုင်းပြည်သို့ ပြန်လေတော့၏။
မိဘကျေးဇူးကို သိတတ်သူတို့အား ဘေးဒုက္ခအန္တရာယ်အပေါင်းမှ လွတ်မြောက်မြဲဖြစ်ပါသည်။ မျက်မှောက်ဘ၀၌၄င်း၊ သံသရာ၌၄င်း ကောင်းကျိုးချမ်းသာကို ခံစားရမြဲ ဖြစ်ပါသတည်း။
မှတ်ချက်။
အကျယ်ကိုသိလိုမူ မင်းဘူးဦးသြဘာသ-ရေး ဇာတ်ကြီးဆယ်ဘွဲ့ ပထမအုပ်၌ ကြည့်လေ။
မဟာဇနကဇာတ်တော်ကြီး
တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ၀ိ၊ ဝေ-ဟူသော
စကားကြီးဆယ်လုံးသည် ဗုဒ္ဓမြတ်စွာ၏ ဘ၀ဖြစ်စဉ် ဇာတ်တော်ဆယ်ဘွဲ့ကို ဖော်ပြသည့်
အတိုကောက်များ ဖြစ်ကြသည်။
ဒုတိယစကားလုံးဖြစ်သည့် (ဇ) ဟူသည်မှာ မဟာဇနက-မင်းသား၏ ဘ၀အကြောင်းကို ဆိုလိုသည်။
ရှေးအခါက မိတ္ထီလာပြည်တွင် စိုးစံသည့် အရိဋ္ဌဇနကမင်းနှင့် ညီတော် အိမ်ရှေ့စံမင်းသား ပေါလဇနကတို့သည် တပါးနှင့်တပါး အထင်အမြင်လွဲမှားကြပြီး စစ်ထိုးကြလေသည်။ ထိုစစ်ပွဲတွင် နောင်တော်ဘုရင်ကြီး ကျဆုံးလေသောကြောင့် ကိုယ်ဝန်အရင့်အမာရှိသော မိဖုရားသည် ဆင်းရဲသူမယောင်ဆောင်ပြီး ထွက်ပြေးလေရာ ကာလစမ္ပါနဂိုပြည်သို့ ရောက်သွား၏။
မြို့ပြင်ဇရပ်တခုတွင် ရပ်နားနေခိုက် ဒိသာပါမောက္ခဆရာကြီးနှင့် ဆုံမိ၍ အကျိုးအကြောင်းပြောပြသဖြင့် ပါမောက္ခကြီးက ကြင်နာသနားစိတ်ဝင်ကာ အိမ်တွင်နေထိုင်ရန် လက်ခံထားလိုက်လေသည်။ များမကြာမီ မိဖုရားကြီးတွင် သားတော်တပါး ဖွားမြင်လေရာ မဟာဇနကဟု အမည်ခေါ်တွင်စေလေသည်။
ကျောင်းနေစဉ် အခြားကျောင်းသားတချို့က မင်းသားလေးအား မုဆိုးမသား-ဟု မကြာခဏ လှောင်ပြောင်ကြရာ မခံမရပ်နိုင်ဖြစ်သဖြင့် မယ်တော်မိဖုရားကြီးအား မေးလေရာ သားတော်မှာ ငယ်ရွယ်သူဖြစ်နေသေး၍ ပထမသော် လှည့်ပတ်ပြောဆိုထားသော်လည်း အချိန်အရွယ်ရောက်လာသောအခါ၌ကား ဖြစ်ရပ်ကုန်စင် ဖွင့်ဟပြောလိုက်လေသည်။
ထိုနေ့မှစ၍ မဟာဇနကမင်းသားလေးသည် မိမိ၏ဘ၀မှန်ကို သိရှိပြီး ထီးစိတ်နန်းစိတ် ဇာတိမာန်ပေါ်လာကာ ဖခမည်းတော်၏ ထီးနန်းကို မတရားသိမ်းပိုက်ထားသော ဦးရီးတော်ပေါလဇနကကို စစ်ခင်းတိုက်ခိုက်ပြီး ထီးမွေနန်းမွေကို ပြန်ရအောင်လုပ်ရမည်ဟု ကြံစည်ကာ မယ်တော်ပါလာခဲ့သောပစ္စည်းများကိုယူ၍ တိုးပွားအောင်ပြုလုပ်ရန် သင်္ဘောကုန်သည်များနှင့် အတူ ထွက်သွားလေသည်။
မင်းသားလေးလိုက်ပါသွားသော သင်္ဘောသည် ပင်လယ်သမုဒ္ဒရာထဲတွင် လှိုင်းလုံးကြီးများ ရိုက်ခတ် သောကြောင့် အက်ကွဲ ရေ၀င်ပြီး တဖြည်းဖြည်း နစ်လေရာ အခြားသောကုန်သည်များသည် ကြောက်အားလန့်အားဖြင့် ရေထဲသို့ ခုန်ချကြလေသည်။
သတိကြီးသော မဟာဇနကမင်းသားကား စိတ်အေးအေးထားကာ အားအင်ပြည့်စေမည့် ထောပတ်များကို စား၏။ အင်္ကျီပုဆိုးများကိုလည်း ရေလုံစေရန် ထောပတ်များဖြင့် လူးလိုက်၏။ ထို့နောက် ဘုရား တရား သံဃာ မိဘ ဆရာသမားများကို ရည်စူး၍ ကန်တော့တိုင်တည်ပြီး သီလဆောက်တည်လိုက်သည်။ ထိုသို့ပြုလုပ်ပြီးမှ-
ရွက်တိုင်ထိပ်ဖျားသို့တက်သွားကာ ငါးမန်း ငါးတန်များ လွတ်ရာဖက်သို့ ရှိသမျှအားယူလျက် ခုန်ချလိုက်၏။
ဇွဲ လုံ့လ ၀ီရိယ ကြီးစွာဖြင့် နေ့ရောညပါ မနေမနား ကူးခတ်ရာ ရေမျောပါလာသော အစားအစာတွေ့လျှင်ပင် နေ့လွဲညစာဖြစ်နေက သီလအပျက်မခံဘဲ စိတ်တင်းကာ မစားဘဲနေလေသည်။
မဟာဇနကသည် ယောက်ျားတို့ဇွဲ သေကာမှလျှော့မည်-ဟု ဇွဲကြီးစွာဖြင့် ကူးခတ်ရင်း ခုနစ်ရက်မြောက်သော နေ့၌ သမုဒ္ဒရာပင်လယ်ပြင်တွင် ဒုက္ခကြုံနေသော သူတော်ကောင်းများကို ကူညီရန် တာဝန်ရှိသော မဏိမေခလာနတ်သမီးက ပွေ့ချီကာ မိတ္ထီလာပြည် ဥယျာဉ်တွင်းရှိ ကျောက်ဖျာထက်၌ သိပ်ထားပြီး အ၀တ်ခြုံထားခဲ့၏။
(ထိုနေ့သည်ကား) မိတ္ထီလာပြည်နန်းတွင်း၌ ပေါလဇနကမင်းကြီး နတ်ရွာစံပြီး ခုနစ်ရက်မြောက်သောနေ့ဖြစ်၏။ ထီးမွေနန်းမွေခံရန် သားတော်မရှိသဖြင့် ဖုဿရထားလွှတ်ရန် စီစဉ်နေကြသည်။
ဖုဿရထားသည် ရွှေနန်းတော်ကို လက်ယာရစ် သုံးပတ်ပတ်၍ မြို့တွင်းသို့လှည့်ပြီးလျှင် မမျှော်လင့်ဘဲ မြို့တံခါးမှ မြို့ပြင်သို့ ထွက်သွားသဖြင့် တာဝန်ကျသော မှူးမတ်ခြွေရံများမှာ ရင်တမမဖြင့် ပြေးလိုက်ရတော့သည်။
ဥယျာဉ်တော်အတွင်းရှိ မဟာဇနကမင်းသား အိပ်ပျော်နေသော ကျောက်ဖျာသို့ ဖုဿရထားဆိုက်ရာ ထိုက်တန်သူမင်းသား ဟုတ်-မဟုတ် စမ်းသပ်လို၍-
တူရိယာပညာရှင်များ တပြိုင်နက်တီးမှုတ်၍ ပြိုင်တူထွက်ပေါ်လာသော တူရိယာသံများကြောင့် နိုးလာသော်လည်း မင်းသွေးပင်ဖြစ်သဖြင့် မဟာဇနကမင်းသားမှာ တုန်လှုပ်ခြင်းမရှိဘဲ မျက်စိဖွင့်ကြည့်ကာ ပရိသတ်ကြီးကို မြင်သော်လည်း စိတ်အေးလက်အေးနှင့်ပင် နံတောင်းတဖက်သို့သာ ပြောင်းအိပ်လိုက်သည်။
ပုရောဟိတ်ပုဏ္ဏားများက အ၀တ်လပ်နေသော ခြေဖ၀ါးကိုကြည့်ကာ ခြေခဏာဖတ်ကြပြီး ဘုန်းလက်ရုံး ဉာဏ်ပညာနှင့် ပြည့်စုံသော မင်းယောက်ျားပင် ဧကန်ဖြစ်ရမည်-ဟုဆိုကာ မင်းမြောက်တန်ဆာငါးပါး ဆက်ကပ်ဝတ်ဆင်စေလျက် မင်းခမ်းမင်းနားဖြင့် ခေါ်သွားကြလေသည်။
ထို့နောက် ၀တ္တရားရှိသည့်အတိုင်း ပေါလဇနကမင်းကြီး၏ သမီးတော်ထံ အကြောင်းစုံကို လျှောက်တင်စေလေရာ-
သမီးတော်က မင်းလောင်းဆိုသူကို အကဲခတ်လို၍ ထိုသူအား အဆောင်တော်သို့ လာတွေ့ရန် အကြောင်းကြားလေသည်။
အထိန်းတော်က ထိုသို့ အကြိမ်ကြိမ်အကြောင်းကြား လျှောက်တင်သည်ကို မဟာဇနကသည် မကြားလေဟန်ဆောင်ကာ မှူးမတ်များနှင့် စကားပြောမြဲသာ ပြောနေလိုက်သည်။
အထိန်းတော်ကြီးပြန်သွား၍ အတန်ကြာမှသာ မိမိအလိုအတိုင်း ရွှေနန်းဆောင်များသို့ လျှောက်ကြည့်လေဟန်ဖြင့် သွားရာ သမီးတော်သီဝလိဒေ၀ီအဆောင်နား ရောက်လျှင်-
လာရောက်ဦးညွတ်သော သီလ၀ိဒေ၀ီအား ရွှေလက်တော်တွဲ၍ ရွှေပလ္လင်ထက်တွင် ထိုင်လိုက်စဉ် ဦးရီးတော်ပေါလဇနကမင်းကြီး၏ အလိုတော်ကျ မှူးကြီးမတ်ရာများ တင်လျှောက်သော ပြဿနာများကို ဖြေဆိုနိုင်သဖြင့် သမီးတော် သီဝလိဒေ၀ီနှင့် ရွှေဂဟေဆက်၍ နန်းတက်ပွဲသဘင် ဆင်ယင်လေသည်။
မင်းအဖြစ်သို့ရောက်လျှင် ကာလစမ္ပာနဂိုပြည်သို့ရောက်နေသော မယ်တော်မိဖုရားကြီးအား၎င်း၊ ဒိသာပါမောက္ခကြီးအား၎င်း၊ မိတ္ထီလာပြည်သို့ပင့်ကာ သူကောင်းပြု၍ တရိုတသေ ကိုးကွယ်ထားလေသည်။
မဟာဇနကမင်းနှင့် သီဝလိဒေ၀ီမိဖုရားတို့သည် သားတော်တပါးရသောအခါ ၀မ်းမြောက်ဝမ်းသာရှိကြ၍ မြပုခက်တင်ကာ ဒီဃာဝုမင်းသား-ဟု ခေါ်တွင်စေသည်။
ဒီဃာဝုမင်းသားလေး အတတ်ပညာစုံ၍ အသက် ၁၆-နှစ် ပြည့်သောအခါ သူ့ကိုအိမ်ရှေ့မင်းအရာ အပ်နှင်းလေတော့သည်။
တနေ့ မဟာဇနကမင်းကြီးသည် သားတော်ကိုခေါ်ကာ ဥယျာဉ်နန်းသို့ စံမြန်းရန်သွားစဉ် အ၀င်ဝ၌ အသီးများ ပြွတ်သိပ်စွာ သီးနေသော သရက်ပင်ကိုတွေ့ရာ မင်းကြီးနှင့် အိမ်ရှေ့မင်းသားပါ ဆွတ်ခူးစားသောက်ပြီးဖြစ်သဖြင့် နောက်မှပါလာသော ခြွေရံသင်းပင်းများကလည်း ခူးခွင့်ရပြီဖြစ်ရာ သူ့ထက်ငါ ပျော်ရွှင်စွာ ဆွတ်ယူစားသောက်ကြကုန်၏။
သစ်ခက်တဲနန်းတွင် တနေကုန်စံမြန်းပြီးမှ ညနေဘက်၌ ပြန်လာရာ ဥယျာဉ်ဝရှိ ပြွတ်သိပ်စွာသီးနေသော သရက်ပင်မှာ အခက်အလက်များ ကျိုးပဲ့ပျက်စီးနေသည်ကိုတွေ့၍ အကျိုးအကြောင်းကိုမေးလေရာ အသီးရှိသည့်အတွက် ထိုကဲ့သို့ဖြစ်ရကြောင်း ဘေးနားက အပင်ကား အသီးမရှိသည့်အတွက် ထိုကဲ့သို့ မဖြစ်ရကြောင်း လျှောက်တင်ကြလေသည်။
ထိုအချိန်မှစ၍ မင်းကြီးသည် ငါတို့၏ မင်းစည်းစိမ်ကား အသီးပြွတ်စွာသီးနေသော သရက်ပင်နှင့် တူလေစွတကား၊ ရန်သူများနှင့် နေ့စဉ်ဆက်ဆံနေရသော ဘ၀မျိုး ဖြစ်တော့သည်တကား။ ရန်သူနှင့်ကင်းသော အဖြစ်ကား ရသေ့ရဟန်းဘ၀ပင်တည်း။ အသီးလုံးဝမသီးသော သရက်ပင်နှင့်တူ၏။
ငါလည်း သက်တော်ကြီးလေပြီ၊ ထို့ကြောင့် အသက်အရွယ် နုပျိုသေးသော သားတော်ကို ရွှေနန်းစည်းစိမ် အပ်နှင်းကာ ရသေ့ဝတ်လဲ၍ တောထွက်အံ့ဟု မိန့်တော်မူကာ မကြာမီ တောထွက်သွားလေတော့သတည်း။
တေမိယဇာတ်တော်ကြီး
( ဇာတက-)
ဇာတ်-ဟူသောစကားမှာ ဇာတက-ဟူသောပါဠိမှ ဆင်းသက်လာခြင်းဖြစ်ပြီး အဖြစ်တော်ဟူ၍ အဓိပ္ပါယ်ရှိသည်။ ပါဠိလို ဇာတက-မှာ မြန်မာလိုအားဖြင့် ဗုဒ္ဓ၏ ဘုရားလောင်းဘ၀ အဖြစ်တော်စဉ်များကို ဖော်ပြဟောကြားထားရာ ကျမ်းပင် ဖြစ်သည်။ သို့ရာတွင်-
၁။ တေမိယဇာတကသည် ဘုရားအလောင်းတော် တေမိမင်းသား၏ ဘ၀အဖြစ်တော်စဉ်။
၂။ ဇနကဇာတကမှာ ဘုရားအလောင်းတော် ဇနက မင်းသား၏ ဘ၀အဖြစ်တော်စဉ်။
၃။ သုဝဏ္ဏသာမဇာတကမှာ ဘုရားအလောင်းတော် သုဝဏ္ဏသာမ၏ ဘ၀အဖြစ်တော်စဉ်။
၎။ နေမိယဇာတကမှာ ဘုရားအလောင်းတော် နေမိမင်း၏ ဘ၀အဖြစ်တော်စဉ်။
၅။ မဟောသဓဇာတကမှာ ဘုရားအလောင်းတော် မဟောသဓာ၏ ဘ၀အဖြစ်တော်စဉ်။
၆။ ဘူရိဒတ္တဇာတကမှာ ဘုရားအလာင်းတော် ဘူရိဒတ်နဂါးမင်း၏ ဘ၀အဖြစ်တော်စဉ်။
၇။ စန္ဒကုမာရဇာတကမှာ ဘုရားအလောင်းတော် စန္ဒကုမာရမင်းသား၏ ဘ၀အဖြစ်တော်စဉ်။
၈။ နာရဒဇာတကမှာ ဘုရားအလောင်းတော် နာရဒ၏ ဘ၀အဖြစ်တော်စဉ်။
၉။ ၀ိဓူရဇာတကမှာ ဘုရားအလောင်းတော် ၀ိဓူရသုခမိန်၏ ဘ၀အဖြစ်တော်စဉ်။
၁၀။ ဝေဿန္တရဇာတကမှာ ဘုရားအလောင်းတော် ဝေဿန္တရာမင်းကြီး၏ ဘ၀အဖြစ်တော်စဉ်တို့ပင် ဖြစ်သည်။
( နုမှာငါးရာ ရင့်မှာတစ်ကျိပ်-)
ဗုဒ္ဓဘာသာတို့တွင် နုမှာငါးရာ ရင့်မာတကျိပ်-ဟု ဆိုရိုးစကားတခုရှိသည်။ အဓိပ္ပါယ်မှာ ဘုရားအလောင်းတော်၏ ပါရမီတော်များ၊ ဖြည့်ကျင့်တော်မူနေစဉ် ပါရမီတော်နုစဉ်ဘ၀ အဖြစ်တော်စဉ်များနှင့် ဘုရားဖြစ်ခါနီး ပါရမီတော်များ ရင့်ကျက်ချိန် အဖြစ်တော်စဉ်ဘ၀များကို မှတ်သားသိရှိကြစေရန် ဆိုရိုးစကားပြုခဲ့ကြခြင်း ဖြစ်သည်။
ဘုရားရှင်သည် ပါရမီတော်များ ပြည့်ကာ သဗ္ဗညုတရွှေဉာဏ်တော်ရပြီး ဗုဒ္ဓအဖြစ်သို့ ရောက်တော်မူသောအခါ ဘုရားအလောင်းတော် ဘ၀တုန်းက အဖြစ်တော်စဉ်များကို အကြောင်းအားလျော်စွာ တပည့်သာဝက စသည်တို့အား ပြန်လည်၍ ဟောကြားတော်မူခဲ့သည်။ ဘုရားရှင် ပြန်လည်ဟောဖော်ခဲ့သော အတိတ်အလောင်းလျာ ဘ၀အဖြစ်တော်စဉ်များကို ဇာတက အမည်ဖြင့် ပိဋကတော်တွင် ကျမ်းတစောင်ရှိသည်။
( ဇာတ်တော်တို့` အရေအတွက် )
ဇာတကကျမ်း၌ ၀တ္ထုပေါင်း ၅၄၇-ပုဒ၊ ကဏ္ဍပေါင်း ၁၁-ခုရှိသည်။
ပထမကဏ္ဍကို ဧကနိပါတ (ဧကနိပါတ်) ဟုခေါ်သည်။
ဂါထာတပုဒ်သာ ပါရှိသောောကာင့် ဧကနိပတါဟုခေါ်ခြင်း ဖြစ်သည်။
ဂါထာနှစ်ပုဒါပါသည်ကို ဒုကနိပါတ်၊ သုံးပုဒ်ပါသည်ကို တိကနိပါတ်၊ လေးပုဒ်ပါသည်ကို စတုက္ကနိပတ်၊ ငါးပုဒ်ပါသည်ကို ပဉ္စကနိပါတ်၊ ခြောက်ပုဒ်ပါသည်ကို ဆက္ကနိပါတ်၊ စသည်ဖြင့် ဂါထာအရေအတွက်အလိုက် အမည်ပေးထားသည်။
အရေအတွက်အားဖြင့်
ဧကနိပါတ်တွင် ဇာတက (၀တ္ထု) ၁၅၀-ပါရှိသည်။
ဒုကနိပါတ်၌ ၁၀၀။
တိကနိပါတ်၌ ၅၀။
စတုက္ကနိပါတ်၌ ၅၀။
ပဉ္စကနိပါတ်၌ ၂၅။
ဆက္ကနိပါတ်၌ ၂၀။
သတ္တကနိပါတ်၌ ၂၁။
အဋ္ဌကနိပါတ်၌ ၁၀။
န၀ကနိပါတ်၌ ၁၂။
ဒသကနိပါတ်၌ ၁၆။
ဧကာဒသကနိပါတ်၌ ၉။
ဒွါဒသကနိပါတ်၌ ၁၀။
တေရသကနိပါတ်၌ ၁၀။
ပကိဏ္ဏကနိပါတ်၌ ၁၃။
ဝီသတိနိပါတ်၌ ၁၄။
တိံသနိပါတ်၌ ၁၀။
စတ္တာလီသနိပါတ်၌ ၅။
ပဏ္ဏာသနိပါတ်၌ ၃။
သဋ္ဌိနိပါတ်၌ ၂။
သတ္တတိနိပါတ်၌ ၂။
အသီတိနိပါတ်၌ ၅။
မဟာနိပါတ်၌ ၁၀-ပါရှိသည်။
စုစုပေါင်း ဇာတက ၅၄၇ ဖြစ်သည်။
ထို ၅၄၇-ဘ၀တွင် နုစဉ်ဘ၀ပေါင်း ၅၃၇-ဘ၀နှင့် အရင့်အမာဘ၀ ၁၀-ဘ၀ ပါဝင်သည်။ ဤသည်တို့ကိုပင် စုပေါင်းကာ မှတ်သားရ လွယ်ကူစေခြင်းငှာ နုမာငါးရာ ရင့်မှာတကျိပ်-ဟု ပြောစမှတ်ပြုခဲ့ကြခြင်း ဖြစ်သည်။ အမှန်အားဖြင့် ဇာတ်တော်ငါးရာ့ငါးဆယ် မပြည့်ဘဲ ၅၄၇-သာရှိသည်။ ထိုဇာတ်တော်များသည် မြန်မာမှုနယ်ပယ်၌ ဇာတ်တော် ၅၅၀-နှင့် ဇာတ်တော်ကြီး ၁၀-ဘွဲ့ဟု ထင်ရှားသည်။
တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ၀ိ၊ ဝေ ဟု အစီအစဉ်အလိုက်ဖြစ်အောင် အတိုကောက်မှတ်သားကြလေ့ရှိသည်။
ဇာတ်တော်ဘွဲ့တို့၏ အမည်အပြည့်အစုံနှင့် ရေးသားသူနှင့် ပြီးစီးခုနှစ်မှာ-
( ဇာတ်တော်အစဉ် )
၁။ (တေ) တေမိယဇာတ် (မင်းဘူးဆရာတော် ဦးသြဘာသ) ကောဇာ-၁၁၄၈-ခုနှစ်၊ တပို့တွဲလ၊
၂။ (ဇ) မဟာဇနကဇာတ် (မင်းဘူးဆရာတော် ဦးသြဘာသ)ကောဇာ-၁၁၄၇-ခုနှစ်၊ နယုန်လ၊
၃။ (သု) သုဝဏ္ဏသာမဇာတ် (ဦးပညာတိက္ခ) ကောဇာ-၁၁၈၈-ခုနှစ်၊ နယုန်လ၊
၎။ (နေ) နေမိဇာတ် (မင်းဘူးဆရာတော် ဦးသြဘာသ)ကောဇာ-၁၁၄၈-ခုနှစ်၊ ၀ါဆိုလ၊
၅။ (မ) မဟောသဓာဇာတ်(ပ၊ဒု) (မင်းဘူးဆရာတော် ဦးသြဘာသ)ကောဇာ-၁၁၄၆-ခုနှစ်၊ တန်ဆောင်မုန်းလ၊
၆။ (ဘူ) ဘူရိဒတ္တဇာတ် (ရှင်နန္ဒမေဓာ)ကောဇာ-၁၁၄၈-ခုနှစ်၊ နတ်တော်လ၊
၇။ (စန်) စန္ဒကုမာရဇာတ် (မင်းဘူးဆရာတော် ဦးသြဘာသ)ကောဇာ-၁၁၄၄-ခုနှစ်၊ ပြာသိုလ၊
၈။ (နာ) နာရဒဇာတ် (မင်းဘူးဆရာတော် ဦးသြဘာသ)ကောဇာ-၁၁၄၄-ခုနှစ်၊ တပေါင်းလ၊
၉။ (၀ိ) ဝိဓူရဇာတ် (မင်းဘူးဆရာတော် ဦးသြဘာသ)ကောဇာ-၁၁၄၅-ခုနှစ်၊ ၀ါခေါင်လ၊
၁၀။ (ဝေ) ဝေဿန္တရာဇာတ် (မင်းဘူးဆရာတော် ဦးသြဘာသ)ကောဇာ-၁၁၄၅-ခုနှစ်၊ တပေါင်းလ၊
(ကျမ်းပြီးခုနစ် အစဉ်)
- စန္ဒကုမာရဇာတ် (မင်းဘူးဆရာတော် ဦးသြဘာသ)ကောဇာ-၁၁၄၄-ခုနှစ်၊ ပြာသိုလ၊
- နာရဒဇာတ် (မင်းဘူးဆရာတော် ဦးသြဘာသ)ကောဇာ-၁၁၄၄-ခုနှစ်၊ တပေါင်းလ၊
- ဝိဓူရဇာတ် (မင်းဘူးဆရာတော် ဦးသြဘာသ)ကောဇာ-၁၁၄၅-ခုနှစ်၊ ၀ါခေါင်လ၊
- ဝေဿန္တရာဇာတ် (မင်းဘူးဆရာတော် ဦးသြဘာသ)ကောဇာ-၁၁၄၅-ခုနှစ်၊ တပေါင်းလ၊
- မဟောသဓာဇာတ်(ပ၊ဒု) (မင်းဘူးဆရာတော် ဦးသြဘာသ)ကောဇာ-၁၁၄၆-ခုနှစ်၊ တန်ဆောင်မုန်းလ၊
- မဟာဇနက္ကဇာတ် (မင်းဘူးဆရာတော် ဦးသြဘာသ)ကောဇာ-၁၁၄၇-ခုနှစ်၊ နယုန်လ၊
- နေမိဇာတ် (မင်းဘူးဆရာတော် ဦးသြဘာသ)ကောဇာ-၁၁၄၈-ခုနှစ်၊ ၀ါဆိုလ၊
- ဘူရိဒတ္တဇာတ် (ရှင်နန္ဒမေဓာ)ကောဇာ-၁၁၄၈-ခုနှစ်၊ နတ်တော်လ၊
- တေမိယဇာတ် (မင်းဘူးဆရာတော် ဦးသြဘာသ) ကောဇာ-၁၁၄၈-ခုနှစ်၊ တပို့တွဲလ၊
- သုဝဏ္ဏသာမဇာတ် (ဦးပညာတိက္ခ) ကောဇာ-၁၁၈၈-ခုနှစ်၊ နယုန်လ၊
တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ၀ိ၊ ဝေ-ဟူသော စကားကြီးဆယ်လုံးသည် ဗုဒ္ဓမြတ်စွာ၏ ဘ၀ဖြစ်စဉ် ဇာတ်တော်ဆယ်ဘွဲ့ကို ဖော်ပြသည့် အတိုကောက်များ ဖြစ်ကြသည်။ ပထမစကားလုံးဖြစ်သည့် (တေ) ဟူသည်မှာ တေမိယ-မင်းသား၏ ဘ၀အကြောင်းကို ဆိုလိုသည်။
ရှေးအခါက ကာသိကရာဇ်မင်းကြီးနှင့် စန္ဒာဒေ၀ီမိဖုရားတွင် တေမိယကုမာရ-ခေါ် မင်းသားလေးတပါး ဖွားမြင်လေသည်။ သားတော်ဟူ၍ ဤတပါးပင်ရှိသည်။
ငယ်စဉ်က ခမည်းတော် ကာသိကရာဇ်မင်းကြီးသည် တနေ့တွင် တေမိယမင်းသားလေးကို ရင်ဝယ်ထားလျက် ခိုးသားလေးဦးကို ထိတ်လန့်ဖွယ် ပြစ်ဒဏ် အမျိုးမျိုးခတ်လေသည်။
ထို့နောက် ထီးဖြူအောက်တွင် ချသိပ်ထားစဉ် မင်းသားငယ်သည် ထိုသို့ သူတပါးအား ထိတ်လန့်ဖွယ် ပြစ်ဒဏ် စီရင်ရခြင်းများကို မနှစ်မြို့သဖြင့် စိတ်အဆင်းရဲကြီး ဆင်းရဲကာ မှိန်း၍ ဤသို့စဉ်းစားမိ၏။
ဘုရားလောင်းဖြစ်၍ နောက်နောက် ဘ၀များကို ပြန်လည်တွေးမြင်နိုင်စွမ်းရှိလေသည်။
ငါသည်လည်း တနေ့တွင် ဘုရင်လုပ်ရချေဦးမည်။ ဤသို့ သူတပါးအား အပြစ်ဒဏ်စီရင်ရာ၌ အကယ်၍ မှားယွင်းစွာစီရင်မိအံ့ ငါ့၌ ဆင်းရဲပူပန်မှုရောက်လတံ့။ ငါသည် ယခင်ဘ၀က မင်းပြုကာ ပြစ်ဒဏ်များကို မှားယွင်းစွာစီရင်မိသဖြင့် ငရဲပြည်တွင် ကြာမြင့်စွာ ခံခဲ့ရသလို ယခုတဖန် ခံရဦးမည်၊ ယခု မည်သို့ကြံရမည်နည်း။
ထိုအချင်းအရာကို ယခင် ၇-ဘ၀က မိခင်တော်စပ်ခဲ့ဖူးသော ထီးချက်စောင့်နတ်သမီး တွေ့သိ၍ ကိုယ်ထင်ပြပြီးလျှင် မေးမြန်းရာ ဘုရင်မလုပ်လိုသော ဆန္ဒကို သိရသဖြင့်-
မင်းသားသည် ငရဲလားမည့်ဘေးကိုသာ တွေးကြောက်လှလေသောကြောင့် ထိုနေ့မှစ၍ နတ်သမီးအကြံပေးချက်အတိုင်း ဆွံ့အ နားထိုင်းသူများကဲ့သို့ မလှုပ်မယှက် ကြောင်တက်တက် နေထိုင်လိုက်တော့သည်။
ထိုအချင်းအရာကို အထိန်းတော်များ တွေ့ကြသော် မိဖုရားကြီးထံ ချက်ချင်းဝင်၍ သံတော်ဦးတင်လေလျှင်-
မိဖုရားကြီးသည် ကိုယ်တိုင်ကိုယ်ကျ သားတော်အား စမ်းသပ်ပြီးနောက် ဧကန်အမှန်ဖြစ်ကြောင်း သိရှိရသောကြောင့် ဘုရင်ကြီးထံ ချဉ်းကပ်ပြီး အကျိုးအကြောင်း တင်ပြသောအခါ ဘုရင်ကြီးက
ပုဏ္ဏားတော်များအား သားတော်လေး စကားပြောရန် အမျိုးမျိုးပြုလုပ်စေ၏။
အစားအသောက် ကစားစရာတို့ဖြင့် မြူဆွယ်သော်လည်း မရ။
ပွဲတော်တည်ချိန် မကြွေးဘဲ ငိုအောင်ထားသော်လည်း မငို၊
ထိတ်လန့်တုန်လှုပ်၍ အော်ဟစ်အောင်လုပ်သော်လည်း မရ၊
ပျော်ရွှင်မြူးတူး၍ အော်ဟစ်အောင်လုပ်သော်လည်း မရ၊
ဒေါသထွက်၍ အော်ဟစ်အောင်လုပ်သော်လည်း မရ၊
ချစ်မေတ္တာစိတ် ယိုဖိတ်၍ ရယ်ပြုံးအောင်လုပ်သော်လည်း မရ၊
ကျွမ်းဘား မျက်လှည့် ရုပ်သေးပွဲများဖြင့် စမ်းသပ်သော်လည်း မတုန်လှုပ်၊
ဆင်လိမ္မာများ၊ အစွယ်မဲ့ မြွေများ၊ လက်နက်များ မီးများဖြင့် စမ်းသပ်သော်လည်း မကြောက်၊
တင်လဲလူးခြင်း၊ အပုပ်နံ့ပေးခြင်း၊ မှိုင်းတိုက်ခြင်းပြုသော်လည်း မရ၊
လှပသော မိန်းမပျိုများနှင့် ဆိတ်ကွယ်ရာတွင် တွေ့ဆုံစေသော်လည်း မရ။
မင်းသားလေး စိတ်ထဲတွင်ကား ငရဲခံရသည်ကိုသာ မြင်နေသည်။
မင်းသားလေး ၁၇-နှစ်သို့ရောက်သည့်တိုင် ထူးခြားမှုမရှိဖြင့် ပုဏ္ဏားတော်များအား ခေါ်ယူပြောဆိုရာ ပုဏ္ဏားတော်များက-
မင်းသားလေး တည်ရှိနေမည်ဆိုလျှင် အရှင်မင်းကြီးသည်၎င်း၊ မိဖုရားကြီးသည်၎င်း၊ တိုင်းပြည်သည်၎င်း၊ ပျက်စီးခြင်းသို့ ရောက်ပါလိမ့်မည်။ ဤဘေးဆိုးကြီးက လွတ်မြောက်လိုက မင်းသားအား မြေတွင်း၌ မြှုပ်နှံရပါမည်-ဟု လျှောက်တင်သောအခါ ဘုရင်ကြီး တုန်လှုပ်ချောက်ချားသွား၏။
ထိုအခါ မိဖုရားကြီးက မင်းသားအား စိတ်ပြောင်းစေရန် ထီးနန်းစည်းစိမ်ဖြင့် အပ်နှင်းလေသည်။ သို့သော် ၇-ရက်စေ့သည့်တိုင် မထူးခြားသဖြင့် ဘုရင်ကြီးက ဒေါသထွက်ပြီး ရထားမှူးကိုခေါ်၍ နက်ဖြန်နံနက် မိုးသောက်လျှင် ဤမင်းသားအား ဘုရင်အသုံးအဆောင်ချွတ်၍ တောရပ်မြိုင်လယ်သို့ ရထားနှင့် ခေါ်ဆောင်သွားပြီး တွင်းတူးမြေမြှုပ်စေ-ဟု အမိန့်တော်မှတ်သည့်အတိုင်း ရထားမှူးလည်း အမိန့်တော်ကို မလွန်ဆန်နိုင်သဖြင့် တေမိယမင်းသားကို ခေါ်သွားပြီး တွင်းတူးနေစဉ်-တွင်းအထက်မှ အသံကြား၍ မော့ကြည့်လိုက်ရာ-
အိုရထားမှူး ဘာကိစ္စအတွက် တွင်းတူနေရသနည်း-
သင် မင်းမှုထမ်းသည် အပြစ်လည်းလွတ်၍ ဆုလာဘ်များပင် ရစေခြင်းငှါ ယခုပင်လျှင် ရွှေနန်းတော်သို့ပြန်၍ အကြောင်းစုံ သံတော်ဦးတင်လော့-ဟု မင်းသားဆိုလေသော် ရထားမှူးသည် ၀မ်းပန်းတသာဖြင့် အမြန်သွားလေတော့၏။ ခမည်းတော် မည်တော်နှင့်တကွ အားလုံး ၀မ်းသာမဆုံးရှိကြ၏။
ဘုရင်မင်းကြီးသည် သားတော်အား တောတွင်း၌ပင် ဘိသိက်သွန်း နန်းအပ်ကာ ပြန်ခေါ်မည်ဟုကြံစည်၍ အချိန်ယူလျက် မင်းခမ်းမင်းနားပြည့်စုံစွာ ဖန်တီးစေပြီးမှ သားတော်ရှိရာ တောရပ်မြိုင်ခြေသို့ လေးရက်မြောက်သောနေ့၌ ကြွချီတော်မူလေသည်။
ခရီးဆိုက်၍ သားတော် တေမိမင်းသားမှာ ရသေ့ဝတ်နှင့်ဖြစ်နေသည်ကို တွေ့လျှင် ၀တ်ပြုလျက်-
သားတော် တောတွင်း၌ အဘယ်ကဲ့သို့သော အစာအာဟာရများ မှီဝဲနေရ၍ ဤမျှအသားအရေ အရောင်အဆင်း ၀င်း၍ ကြက်သရေမင်္ဂလာ ဆောင်ပါသနည်း။
ဖခမည်းတော် တောတွင်း၌ ဆားမပါသော သစ်ရွက်စိမ်းကိုသာ မှီဝဲရပါသည်။
အရောင်အဆင်းဟူသည်ကား-စိတ်ငြိမ်သက်သောသူ၊
ပူပင်သောက ဒေါသကင်း၍ တပ်မက်ခြင်းမရှိသူများအတွက်သာ ဖြစ်သည်။
ကောင်းပေစွ သားတော် ခမည်းတော်သည်ပင် ဤသောကကင်းဝေးသော ရသေ့ဘ၀ကို လိုလားလာချေပြီ။ သားတော်ကား အသက် နုပါသေး၏။ တရားဓမ္မလည်း ပြည့်ဝ၏။ ထို့ကြောင့် ခမည်းတော် တောထွက်နိုင်စေ ခြင်းငှါ ထီးမွေနန်းမွေ လက်ခံပြီး နုပျိုစဉ် ရွှေနန်းစည်းစိမ် ခံစားပါ။ အသက်ကြီးလာမှ သားတော်ရှိက သားတော်ကို နန်းအပ်ကာ တောထွက်မည်ဆိုလျှင် တိုင်းသူပြည်သားများအားလည်း ကူညီရာရောက်မည် မဟုတ်ပါလော။
အို ဖခမည်းတော် သတ္တ၀ါတို့မည်သည် ကြီးသည် ငယ်သည်မဟုတ် သေခြင်းဘေးက အချိန်မရွေး လာသည်မဟုတ်ပါလော၊ ရွှေနန်းစည်းစိမ်ကိုလည်း ခံစားလိုစိတ် မရှိ၍ ဆွံ့အ နားထိုင်းဟန် နေခဲ့ပြီ။ စသည်ဖြင့်
တေမိယ ရသေ့လေးက အကျယ်တ၀င့် တရားပြပြီးသည့်အဆုံး၌ ဘုရင်ကြီး မိဖုရားကြီးနှင့် တကွ အားလုံးသော မင်းချင်းတို့ ကျွတ်တန်းဝင်ကာ ရသေ့ဝတ်ကြကုန်သတည်း။
No comments:
Post a Comment