ဝန်ချတောင်းပန်ရမဲ့အပြစ်ဆိုရင် ၀န်ချတောင်းပန် ပါမှ ဒီအပြစ်ပြေပျောက်တယ်။ ဘယ်လိုကောင်းမှုတွေ လုပ်ပါစေ မတောင်းပန်ရင် ဒီအပြစ်မပြေပျောက်ဘူး။ ဒီအပြစ်ကနေ သက်သာခွင့်မရဘူးဆိုတာပါဘဲ။
ဒါနဲ့ပတ်သတ်လို့ ကျမ်းဂန်မှာပြဆိုထားတဲ့ ဖြစ်ရပ် တစ်ခုကိုကြည့်ရအောင် မထေရ်ကြီးတစ်ပါးနှင့်ရဟန်းငယ်တစ်ပါးရွာတစ်ရွာကို ဆွမ်းခံဝင်ကြပါသတဲ့။ ပဌမ ဆုံးအိမ်က နှစ်ပါးလုံးကို ရာဂုဆန်ပြုတ်လောင်းလိုက် ပါတယ်။ ဒီအခါမထေရ်ကြီးက ဆန်ပြုတ် ပူပူနွေးနွေးဆိုတော့ လေနာရောဂါနဲ့ သင့်လျော်တယ်။...
အေးမသွားမှီ သုံးဆောင်လိုက်ရင်ကောင်းမယ်လို့ စဉ်းစားမိတယ်။ ဒါနဲ့အနီးအနားက သစ်တုံးတစ်ခုပေါ် ထိုင်ပြီး ဘုန်းပေးပါတော့တယ်။ မထေရ်ကြီးရဲ့ အပြု အမူကိုမြင်တော့ ရဟန်းငယ်ရဲ့စိတ်ထဲ အတော်လေး
သဘောမကျ ဖြစ်သွားတယ်။ ဒါကြောင့် ကိုယ်တော်ကြီး အစားအသောက်နဲ့ ပတ်သက်ရင် သည်းကိုမခံနိုင်ဘူး။ အတော် ဆာတတ်လွန်းတယ်။ အရှင်ဘုရား လုပ်တာနဲ့ တပည့်တော်ပါ အရှက်ရနေပြီလို့ ပြော
လိုက်မိပါတယ်။
ဆွမ်းကိစ္စပြီးလို့ကျောင်းသို့ပြန်ရောက်တဲ့အခါမှာ မထေရ်ကြီးက ငါ့ရှင် တရားထူးများရပြီးပြီလား လို့ ရဟန်းငယ်ကိုမေးပါတယ်။
ရဟန်းငယ်က သောတာပန်ဖြစ်ကြောင်းလျှောက် ပါတယ်။ ဒီတော့ မထေရ်ကြီးက ငါ့ရှင် အထက် မဂ် ဖိုလ်ကိုရဖို့ မကြိုးစားနဲ့တော့။ ငါ့ရှင်ဟာ ရဟန္တာကို ကဲ့ရဲ့ရှုတ်ချမိပြီ လို့မိန့်တော်မူလိုက်ပါတယ်။ ဒီတော့
မှရဟန်းငယ်ဟာ အနှုးအညွှန့်တောင်းပန်ကန်တော့ ပါတော့တယ်။ တောင်းပန်ကန်တော့လိုက်လို့မို့ မဂ္ဂ န္တရာယ် အပြစ် ပြေပျောက်သွားတယ်။ အထက်မဂ် ဖိုလ်ကို သိမြင်ခွင့်ရသွားတယ်လို့ ကျမ်းဂန်မှာ ပြဆို ထားပါတယ်။
ဒီဖြစ်ရပ်က ဘာကိုပြသလဲဆိုရင် သိမြင်လောက် ရောပေါ့။ ကန်တော့တောင်းပန်မှပျောက်တဲ့အပြစ်ကို ကန်တော့တောင်းပန်မှုမလုပ်ရင် အဲဒီအကုသိုလ်ပြစ် က သောတာပန်ပုဂ္ဂိုလ်ကိုပင် အထက်မဂ်ဖိုလ်ကိုမရ
နိုင်အောင် အန္တရာယ်ပေးကြောင်း ပြဆိုတာ ဖြစ်ပါတယ်။ သူလိုငါလို သာမာန်ပုထုဇဉ်အဖို့တော့ပြော မနေနဲ့တော့၊ ဒါကြောင့်ကန်တော့တောင်းပန်သူဖြစ်ဖို့ အထူးလိုအပ်ပါတယ်။
ကန်တော့တောင်းပန်တာနဲ့ ပတ်သတ်လို့ ကျမ်းဂန်မှာ ဘယ်လောက်ထိပြဆိုထားလဲဆိုရင် သောတာပန်စတဲ့ အရိယာပုဂ္ဂိုလ်တစ်ပါးပါးကို ကာယကံနဲ့ဖြစ်ဖြစ်၊ ၀စီကံနှင့်ဖြစ်ဖြစ်၊ မနောကံနှင့်ဖြစ်ဖြစ် ကျူးလွန် စော်ကားမိရင် အနူးအညွန့် ၀န်ချတောင်းပန်ရမယ်။
အရိယာပုဂ္ဂိုလ်ပါလားလို့ သိသည်ဖြစ်စေ၊ မသိသည် ဖြစ်စေ၊ အပြစ်ဟာအပြစ်ပဲ။ သောတာပန်၊ သကဒါဂါမ် ပုဂ္ဂိုလ်တွေဟာ ဒေါသကိုပယ်ပြီးသားပုဂ္ဂိုလ်တွေမဟုတ်လို့ ၀န်ချတောင်းပန်ပေမဲ့ လက်မခံရင် ဒါမှမဟုတ် တစ် နေရာရာကို ထွက်သွားရင် အခြား တစ်ဦးဦးဆီမှာ သွားပြီး တောင်းပန်နိုင်တယ်။ ဘယ်ပုဂ္ဂိုလ်အပေါ် ဘယ်လို ပြစ်မှားမိခဲ့ပါတယ်။
အဲဒီအတွက် ၀န်ချတောင်းပန်ပါတယ် လို့အပြစ်ကို ဖော်ပြပြီး တောင်းပန်ရမယ်။ နောက်ဆုံးကုန်ကုန်ပြောရ
ရင် အဲဒီပုဂ္ဂိုလ် ကွယ်လွန် ဒါမှမဟုတ် ပရိနိဗ္ဗာန်ပြုသွားရင် ကွယ်လွန်တဲ့နေရာ၊ ပရိနိဗ္ဗာန်ပြုတဲ့ နေရာကို သွားပြီး တောင်းပန်ရမယ်။ တောင်းပန်မှသာ သဂ္ဂ န္တရာယ်၊ မဂ္ဂ န္တရာယ်ကနေ လွတ်မြောက်ပြီး ကြိုးစား အားထုတ်ရင် ဒီဘ၀မှာ တရားထူးရနိုင်ခွင့်ရှိသွားတယ်။ နောင်ဘ၀မှာလည်း သုဂတိသို့ရောက်နိုင်ခွင့် ရှိသွားတယ်လို့ မိန့်ဆို ထားပါတယ်။
ဒီလောက်ဆိုရင် ကျူးလွန်စော်ကားမိတဲ့ အပြစ်တွေ ကန်တော့တောင်းပန်ရင်ပျောက်ပျက်သွားသလား ဆိုတဲ့ အမေးနဲ့ပတ်သတ်လို့ အတော်အသင့်လေ့လာခဲ့ပြီးပါပြီ။
ဘယ်လိုအခြေအနေမျိုးနဲ့ဘယ်လိုကန်တော့တောင်းပန်ရင် ဘယ်လိုအပြစ်တွေ ဘယ်လိုအခြေအနေတွေအထိ ကွယ်ပျောက် ဘယ်လိုအပြစ်တွေ ဘယ်လို အပြစ်တွေ ဘယ် အခြေအနေတွေ ကွယ်ပျောက်တယ်တော့ နားလည်ရောပေါ့။
အရှင်နန္ဒမာသေနာလင်္ကာရ
ဘာသာရေးအနှစ်သာရများ
No comments:
Post a Comment