မိတ်ဆွေ လေးမျိုးရှိတဲ့အထဲမှာ
အတ္ထက္ခာယီ မိတ်ဆွေဆိုတာ ရှိပါတယ်။ မြန်မာလိုပြောရရင် တော့ အကျိုးရှိအောင် ပြောပြတတ်တဲ့ မိတ်ဆွေလို့ခေါ်ပါတယ်။
အ...ဲဒီမိတ်ဆွေဖြစ်ဖို့ အင်္ဂါလေးပါးနဲ့ ပြည့်စုံရပါတယ်။
အင်္ဂါလေးပါးဆိုတာက…
၁။ မကောင်းမှု အကုသိုလ်လုပ်နေရင် တားမြစ်ပြောပြပေးရပါတယ်။
၂။ ကောင်းမှုကုသိုလ်လုပ်အောင် တိုက်တွန်းပြောပြပေးရပါတယ်။
၃။ မကြားဖူးတဲ့ တရားစကားကို ပြောပြပေးရပါတယ်။
၎။ ချမ်းသာရောက်ကြောင်းဖြစ်တဲ့ နတ်ပြည်လမ်း၊ မဂ် ဖိုလ် နိဗ္ဗာန်လမ်းကိုညွှန်ကြား ပြောပြ ပေးရပါတယ်။ ဒီလေးမျိုးပါ။
ကိုယ်က ဒီအင်္ဂါလေးချက်ကို အာရုံပြုပြီး ကိုယ်ချစ်တဲ့ မိတ်ဆွေတွေကို တားသင့်တာကို တားပြီး တိုက်တွန်းသင့်တာကို တိုက်တွန်းရမှာပါ။
တရားစကားတွေကို ပြောပြပေးရမှာ ဖြစ်သလို နတ်ပြည် မဂ်ဖိုလ်
ရကြောင်း တွေကိုလည်း ညွှန်ကြားပြောပြ ပေးရမှာပါပဲ။
ကိုယ်တားတာ တိုက်တွန်းတာတွေကို သူမကြိုက်ပေမယ့် ကိုယ်ချစ်တဲ့ သူကိုယ့်မိတ်ဆွေ ဆိုးကျိုးမဖြစ်ဖို့ သူကြိုက်ကြိုက် မကြိုက်ကြိုက် တားရ၊ တိုက်တွန်း ရမှာပါ။
ဒါမှအတ္ထက္ခာယီ မိတ်ဆွေ ပီသမှာပါ။
ဆရာတော်အရှင်ရဝေနွယ်(အင်းမ)
မြတ်ဗုဒ္ဓ ၏ ဓမ္မ စာစုများ
ငွေရှိရင် ရွှေဝယ်လို့ ရတယ်။
အဲဒီဝယ်ထားတဲ့ ရွှေကို ခရီးစရိတ်လုပ်ပြီး
လိုက်ရှာရင်တောင် မိတ်ဆွေကောင်းရှာတွေ့  ဖို့ က
ခက်ပါတယ်။
သတိပြုရမှာက မိမ်ိအနေနဲ့  မိတ်ဆွေကောင်းလိုချင်ရင်
မိမိလည်း အခြားသူများအတွက်လည်း
မိမိက မိတ်ဆွေကောင်းတစ်ယောက်ရဲ့ 
စိတ်ဓါတ်အင်္ဂါရပ်တွေနဲ့ ကိုက်ညီနေဖို့ လိုအပ်ကြောင်း
မှန်ကန်သောနှလုံးသွင်းမှုရှိရပါမယ်။
No comments:
Post a Comment