ဤခေါင်းစဉ်သည် သာသနာကို ချစ်သောစိတ်ဖြင့် ရေးသားလိုက်ခြင်းဖြစ်ပါသည်။ သာသနာ ဆိုတာ အဆုံးအမလို့ သိရပါတယ်။ အဆုံးအမဆိုတာ လိုက်နာရန်၊ ရှောင်ရန်တို့ကို ပြောဆိုခြင်းဖြစ်ပြီး ထို လိုက်နာရန်နှင့် ရှောင်ရန်တို့သည် လူသားအဖြစ် ရှိနေဆဲကာလအဖို့အပြင် မည်သည့်ကာလအထိ အကျိုးဆက်လက် ခံစားစေလိုသနည်း။ ယခု လိုက်နာ ယခုအကျိုးရ၊ ယခုရှောင် ယခုအေးငြိမ်း အလွန်ကောင်းပြီပေါ့။
သာသနာဆိုတာ ဆည်းကပ်သူလူတွေကို ငြိမ်းချမ်းစေတဲ့အရာ၊ ဗဟုဇနဟိတာယ လူတွေအကျိုး စီးပွားများဖို့ သာသနာဆိုတာ ရှိရတာလို့ ခံစားမိပါတယ်။ သာသနာအတွက် လူတွေရှိနေရတာ မဟုတ်၊ လူတွေအတွက် သာသနာရှိနေရတာလို့ နားလည် မိပါတယ်။ သာသနာကို ဆည်းကပ်သူတွေကို လွန်စွာမှလည်း ကြီးပွားတိုးတက်စေချင်ပါတယ်။ နှလုံးစိတ်ဝမ်း ငြိမ်းချမ်း စေလိုပါတယ်။
သည်းခံပြီး ဖတ်ပေးစေလိုပါတယ်။ လှူရင်ချမ်းသာရမယ်ဆိုပြီး အလှူအတန်းအများဆုံး ဦးဇင်းတို့ နိုင်ငံ ဘာကြောင့်မွဲနေတာလဲ၊ အဖြေကတော့ သာသနာအဆုံးအမ အစစ်နဲ့ လွှဲနေလို့လား၊ သာသနာ့အဆုံးအမနဲ့ မကျင့်သုံးမနေထိုင်လို့လား။ သီလရှိရင် ချမ်းသာရမယ်ဆိုပြီး ဥပုတ်တိုင်း သီလတွေယူနေကြသူတွေ ဘာကြောင့် ကမ္ဘာမှာ ဗုဒ္ဓဘာသာမြန်မာကွလို့ မကြွေးကျော်နိုင်တာလဲ၊ နေ့စဉ်ညစဉ် ဟောပြောပို့ချနေတဲ့ ဦးဇင်းတို့ သာသနာကို ဆည်းကပ်ကြတဲ့ ဦးဇင်းတို့ နိုင်ငံက ပြည်သူ/သားတွေ ရဲ့စိတ်တွေ ဘာကြောင့်နိမ့်ကျနေရတာလဲ၊ ဓမ္မကထိက ဟောပြောချက်နဲ့၊ စာရေးဆရာတစ်ယောက် ဟောပြောချက် ဘယ်ဟာက လက်တွေ့ကျပြီး လိုက်နာလို့ရသလဲ ဆိုတာ နာသူရော၊ ဟောသူပါ သိဖို့ လိုအပ်လှပါတယ်။ဗုဒ္ဓဘာသာ မြန်မာနိုင်ငံက ထောင်တွေအချုပ်တွေလဲ ဗုဒ္ဓဘာသာမဟုတ်တဲ့ နိုင်ငံက ထောင်တွေအချုပ်တွေလိုပဲ ခိုး၊ ဆိုး၊ နှိုက်၊ သတ်၊ မဒိန်းကောင်တွေ ပြည့်လို့ပါပဲ၊
ဦးဇင်းတို့ ရဲ့ သံဃာထုအတွင်းမှာလည်း လူသားငြိမ်းချမ်းဖို့၊ တိုးတက်ဖို့ပြောဆိုတာတွေကို ကိုယ့်အယူအဆနဲ့ မတူတာတွေရင် အဓမ္မလို့ပြောဖို့ သံဃာထုစုပြီး အကြီးအကဲအဖွဲ့ကို တင်ပြီး အလုပ်ပေးတော့တာပဲ၊ ဒါလဲ အလွန်မကောင်းတဲ့ လုပ်ရပ်ပါ။
No comments:
Post a Comment