တျဖာ႟တြမ္႞တျဖာ႟ ယံခြင္႟လြစ္ေႏြာင္႟ေသြာ႕ဝင္႟
ေလြာင္႞ဗူ႞မုတအဲဥ္တဝ္းခင္႞လမ္း၊က်ိဳ႟စာ႟မုတအဲဥ္
တဝ္းဒါ႞ပုဂၢိဳလ္႞ယို မဲုင္႟ကိုကိုယို ထဲ့ဆဲုင္႟လဲဥ္းဆဲုင္ေသ႞ေသ႞ဗာ႞ဝင္႟သြဴ။နီသြဥ္းသီး ပအိုဝ္႞လို႟မ်ိဳ႟ကိုလဲ့နဲုင္းနဝ္႟သြဴ။တျဖာ႟တြမ္႞တျဖာ႟ ေလြာင္႞ဗူ႞မုမဥ္႞တအဲဥ္တဝ္း၊က်ိဳ႟စာ႟မုမဥ္တအဲဥ္တဝ္းနဝ္႟ ထဲ့ဆဲုင္႟ဗာ႞ဒါ႞ဝင္႟အေလာင္႞အလင္လို႟မ်ိဳ႟ဖံု႞သြဴ။
ကြပ္နဝ္႟မ႟မူ႞မူ႞ခိုခို ေပ႞ေပ႞တန္တန္ ျဖားျဖားဆားဆား
ဖံု႞ စြဳမ္႞နီ႟နီ႟ထုမ္႞က်ံ႞ဗာ႞စီ႟ပြာ႟ေရ႟၊က်ိဳ႟စာ႟သြဥ္ဗာ႞
ပညာ႞ေရ႟စတဲင္ ဖဝအာ႞ကြိဳ႟အီတာ႞ အဝ္႞လို႞က်ိဳ႟စာ႟လြဝင္႟ပငါပရာ႟သြဴ။ တျဖာ႟တြမ္႞တျဖာ႟ ေဒါ့႟ရီေဒါ့႟ျဖဝ္႞ဗာ႞အံုေနာင္လူ႞လဲုင္႞ဗာ႞ဝင္႟သနယ္႟၊ဒံုတဒံု၊ေက်ာင္႟တေက်ာင္႟၊ေဝင္႟တေဝင္႟၊ခမ္းတခမ္းတြမ္႞တခမ္႞အံုေနာင္လူ႞လဲုင္႞ဗာ႞ဝင္႟သြဴ။
အံုေနာင္လူ႞လဲုင္႞ဝင္႟ကရို႟ေနာဝ္႟"ေလြာင္႞ဗူ႞မုယို
မဥ္႞အဝ္႞မ႟"အရန္႞ထိုထို ကေရ႞႐ြယ္႞ဒါ႞ေအာင္႞မ်င္႞
မုယို အီ႞လ႟ေႏြာင္႟သြဴ။ ေလြာင္႞ဗူ႞မုေဖ႞ကအဝ္႞ကရို႟နဝ္႟တျဖာ႟တြမ္႞တျဖာ႟"ေသနာ႞မု၊ခြင္႟လြစ္မု"ယို
မဥ္႞အဝ္႞မ႟ေလြာင္႞ဗူ႞ေရ႟ယိုထြာေႏြာင္႟သြဴ။ေအာင္႞မ်င္႞
မုယိုလဲ့ အီ႞လ႟ေႏြာင္႟သြဴ။
"ေသနာ႞မု ကရို႟ေနာဝ္႟ အဓိပၸာယ္႞ထာ႟မဲုင္႟"
ခမ္းတခမ္း၊ေဝင္႟တေဝင္႟၊ဒံုတဒံု၊တျဖာ႟တြမ္႞တျဖာ႟
အံုညီ႟တြမ္႞အမ်ာ႟နဝ္႟သြဴ။အံုညီ႟တြမ္႞အမ်ာ႟နဝ္႟
ေနးတြမ္းအမ်ာ႟သ႟ဓာတ္ေတြာ႕႟အံုအဝ္႞ဗာ႞သြဴ။
အမ်ာ႟မဥ္႞မာ႟ထာ႟မာ႟ မာ႟နဲုင္းဗာ႞အမ်ာ႟သြဴ။အြိဳး
အမ်ာ႟နဝ္႟ မာ႟လြိဳဒ်ာ႞ထာ႟မာ႟၊တြိဳးေဝြ႟တျဖာ႟ မာ႟တဝ္း
ထာ႟မာ႟ မဥ္႞ထြာနဲုင္းနဝ္႟နဝ္႟ အမ်ာ႟လဲ့သ႟တခ်ံ႟သာ႞
တဝ္း၊ပြိဳးအေက်ာင္႟ထာ႟မဲုင္႟နဲးကရို႟နဝ္႟ကြပ္စြဥ္႞
ပါ႟တျဖာ႟ေသနာ႞မုတအဲဥ္တဝ္းနဝ္႟မ႟သြဴ။
(ထာ႟သူ႞ေသအဲဥ္တဝ္း)ခင္႞လမ္းအေလာင္႞လင္လဲ့
ဗြိဳန္ဗြိဳန္နဝ္႟ေနေနသြဴ။
"ခြင္႟လြစ္မုကရို႟နဝ္႟ အဓိပၸာယ္႞ထာ႟မဲုင္႟"
ခြင္႟လြစ္မုကရို႟နဝ္႟ ခ်ံ႟သာ႞/ခြ႟ရ်ဴ႞/ငိမ္႟ခ်ံ႟ေမြးစြဥ္႞
လ႟အဓိပၸာယ္႞နဲုင္းနဝ္႟၊ယင္းတမ်ိဳ႟လဲ့ ခြင္႟လြစ္မုယ္ို
ေမတၱာ႞တရာ႟ဒ်ာ႞သြဴ။ေမတၱာ႞တရာ႟ယုိ ခ်ံ႟သာ႞
ခြ႟ရ်ဴ႞ ငိမ္႟ခ်ံ႟ အဓိပၸာယ္႞နဝ္႟ဗြိဳန္ဗြိဳန္ယင္းဒ်ာ႞သြဴ။
တျဖာ႟တြမ္႞တျဖာ႟လို႟အြဥ္႞ငါ႞ေမတၱာ႞သနယ္႟။
"ေလြာင္႞ဗူ႞မု ကၿပဲဳင္လီဗာ႞အေက်ာင္႟"နဝ္႟
တေဝင္႟တြမ္႞တေဝင္႟၊တဒံုတြမ္႞တဒံု၊တေက်ာင္႟
တေက်ာင္႟၊တျဖာ႟တြမ္႞တျဖာ႟၊တစြိဳ႟တြမ္႞တစြိဳ႟၊
(အခ်င္႟အခ်င္႟)ထင္းဖြီထီ႞ဖြီလြ႟ထီ႞ဝင္႟ယိုလဲ့သင္၊သံ႞သယဖံု႞လဲ့သေဘာ္႟တရာ႟ကြဲ႟လြဲ႟မုယိုလဲ့သင္တျဖာ႟မဥ္႞ထင္႞ထို တျဖာ႟နာ႞လို႞တဝ္းဝင္႟ ဟြိဳန္ကဲဥ္းဝင္႟ ယိုဖံု႞နဝ္႟ နီလို႟မ်ိဳ႟ နီဒံုအတြက္ အႏၱရယ္႞တန္ေမြးငါ႞ထီ႞ေသြာ႕ဝင္႟စြဳမ္႞ၿဖီ႞စြဳမ္႞ျဖာ႟နဲုင္းနဝ္႟၊ေလြာင္႞ဗူ႞မုကၿပဲဳင္လီဗာ႞နဝ္႟ကြပ္စြဥ္႞တရာ႟ခံ႞နဲုင္းယိုဖံု႞သြဴ။
ဥပမာ႞ = ဒံုတဒံု တလမ္းကို တမာဝါ႟ဝင္႟နီ တျဖာ႟တြမ္႞တျဖာ႟ ေလြာင္႞ဗူ႞တဝ္း ႐ြိဳ႕႟ရန္႞ဝင္႟၊လြ႟ထီ႞ဝင္႟ပ်ႆနာ႞နဲုင္းယို မဥ္႞အဝ္႞လြဥ္လဲဥ္းနဝ္႟ အႏၲရယ္႞အဝ္႞အာငါ႞ေမြးသြဴ၊၊(××××)။
"တျဖာ႟တြမ္႞တျဖာ႟ ယံေဖ႞ေနး ေသနာ႞ကခြင္႟လြစ္
ေႏြာင္႟ကရို႟ေနာဝ္႟"=
(၁) 'ထာ႟သူ႞ေသထာ႟ဒါ႞ဉာဏ္႞ပညာ႞ တအဲဥ္တဝ္း
ဒါ႞ပုဂၢိဳလ္႞' အေလာင္း 'ထာ႟သူ႞ေသ ထာ႟ဒါ႞ဉာဏ္႞
ပညာ႞ကအဝ္႞ဒါ႞ ပုဂၢိဳလ္႞'နဝ္႟ခြင္႟လြစ္႟ဗာ႞သြဴ။
(၂) ထာ႟သူ႞ေသထာ႟ဒါ႞"အဝ္႞ေဆ့႟ဒါ႞"ပုဂၢိဳလ္႞အေလာင္းနဝ္႟ထာ႟သူ႞ေသ"ကအဝ္႞အာဒါ႞"ပုဂၢိဳလ္႞နဝ္႟ ခြင္႟လြစ္ေႏြာင္႟ဗာ႞သြဴ။
(၃) ပြိဳးအေက်ာင္႟ထာမဲုင္႟နဲးကရို႟ေနာဝ္႟ တျဖာ႟တြမ္႞
တျဖာ႟မဥ္႞ခြင္႟လြစ္ေနာဝ္႟ ထြာငိမ္႟ခ်ံ႟ေရ႟နဝ္႟သြဴ။
ကြပ္နဝ္႟မ႟ တျဖာ႟တြမ္႞တျဖာ႟ လြ႟ထီ႞တဝ္း၊သေဘာ္႟တရာ႟မဥ္႞ကြဲ႟တဝ္း၊မဥ္႞ေလြာင္႞ဗူ႞၊ေျဖာင္ေျဖာင္ညီ႞ညီ႞နဝ္႟၊နမ္းသ႟နီပါ႟ခ်ံ႟သာ႞ ထြဴတဲင္ ထြာဒ်ာ႞ငိမ္႟ခ်ံ႟ေရ႟အ႐ြီ႞တဖူ႟စဲဥ္႞သြဴ။ တျဖာ႟တြမ္႞တျဖာ႟ တလမ္းတြမ္းတလမ္းတဒံုတြမ္႞တဒံု၊တေက်ာင္႟တြမ္႞တေက်ာင္႟ အခ်င္႟ခ်င္႟မဥ္႞ေလြာင္႞ဗူ႞ဝင္႟နဝ္႟ နီလဲ့ခ်ံ႟သာ႞ ဝင္႟တဲ့ခ်ံ႟သာ႞အတၱဟိတ အက်ိဳ႟ ပရဟိတအက်ိဳ႟ လဲ့ေဗြတဲင္ပစၥဳပၸဳန္႞ယို ေအာင္႞မ်င္႞မုထြဴေတြာ႕႟ အနာ႞ဂါတ္
သူ႟ နီပအိုဝ္႞ နီရပ္ရာ႞ေဒ႞သယို အီ႞ထင္႞ထိုထိုေသြာင္႞ဗာ႞ ကမ႓ာ႞အေလာင္း အစဲစ္အမဲဥ္႞နဝ္႟သြဴ။
@Nandobharsa
ဒဲဥ္ကံေလာင္း(၁)နီ႟
၂၅.၁.၂၀၁၆
No comments:
Post a Comment