ကသဲင္ထြာလို႟ ကသဲင္႟စို႟မႏုႆာ႞ယိုနဝ္႟ အံုအဝ္႞ဒ်ာ႞
တျဖာ႟လြဳမ္႟တလ႟တဝ္း အံုရဝ္းအဝ္႞ညီ႟ဗာ႞ မြိဳးဖာဖူးေဝးတြမ္႞
အေသာင္အရင္႟ဖံု႞သြဴ။
ကြပ္အံုကြဴ႞တဝ္း ဖူးေဝးမြိဳးဖာအေသာင္အရင္႟တဲင္ မဟာမစာ႞
ကလဲဥ္းခို႞ခ်ာ ခင္႞လမ္းကကဲုင္ၿပဲဳင္႟ဖိုဒါ႞ အထြာအကဲုင္နဝ္႟ မဥ္တဲမ္းနယ္ေဖ႞တစိ႟ငါ႞သြဴ။
ကရီးခါ ခမ္းဗာ႞ရာဏာ႞သီ႞ ျဗဟၼဒတ္ခြန္ေဟာ္ခံ႟ အဝ္႞အုပ္ခ်ဳပ္ေနယံတြင္႟ နီေဗြ႞ဘုရာ႟အေလာင္႞ေတာ႞ဖဝနဝ္႟ အဝ္႞ထြာခြန္လူ႟
ရုကၡစို႟(ေသင္႞ေပြားလူ႟)ဟိမဝႏၱာ႞တျခာတန္ကိုသြဴ။
တြိဳ႞တနီ႟ဘုရာ႟ေလာင္႟ခြန္လူ႟ရုကၡစို႟ သြဥ္သင္ဆြံဳ႟မေဖ႞ခန္း
အဖူးအေဝးအစြိဳးအခြိဳ႟လူ႟ဖံု႞နဲုင္းယိုသြဴ။
""အေသာင္အရင္႟ တအဲဥ္တဝ္းဒါ႞ ထာ႟ျပင္႞ကို ကေဒါ့႟လြဥ္ဒါ႞ ေသင္႞ဝါ႞ဖံု႞အကို သီမဥ္႞ထုမ္႞ဒါ႞ ခင္႞လမ္းအံု
ဗိမာန္႞အေန႞နဝ္႟ ထုမ္႞အံုလြိဳက္ေ႐ြ႟ဒ်ာ႞ေသြာ႕ဝင္႟ အေသာင္
အရင္႟ကအဝ္႞ဒါ႞ ေသင္႞ဝါ႞ဖံု႞ကိုနဝ္႟ေနာ၊နဝ္႟မ သီအတြက္တာ႞
အီ႞အံုအဝ္႞ခ်ံ႟သာ႞ဗာ႞သနယ္႟""ဘုရာ႟ေလာင္႟ရုကၡစို႟
ေဒါ့႟သြဥ္သင္ဆြံဳ႟မေဖ႞နဲုင္းယိုသြဴ။
အဝ္႞နဝ္႟ထြဴ လူ႟ယဟန္႞နဝ္႟နာ႞ဘုရာ႟ေလာင္႟ငါဝ္းသားတဲ့အဝ္႞
နာ႞တဝ္းသားတဲ့အဝ္႞ဒ်ာ႞သြဴ။ ကနာ႞ဒါ႞ဘုရာ႟ေလာင္႟ငဝ္းသားနဝ္႟
အံုအဝ္႞ေထ့အံုေဗာ့ခ်ာဒ်ာ႞ဘုရာ႟ေလာင္႟ထ်႟ဟိမဝႏၱာ႞တျခာကိုနဝ္႟သြဴ။ တနာ႞တဝ္းဘုရာ႟ေလာင္႟ငဝ္း လူ႟ယဟန္႞ဖံု႞နဝ္႟
စူ႟ဒ်ာ႞အသ႟ဖံု႞တဲင္""နီလူ႟ဖံု႞ယို တျခာကိုအေန႞တလို႞
တဝ္းဗိမာန္႞ အံုအဝ္႞အံုေဗာ့႟ဒ်ာ႞ လို႟ဒံုသီးထ်႟ လို႟
ေသာင္႟ယိုနဝ္႟မ႟ လာဘ္လာဘအံ႞အြ႟ခရာ႞ဖံု႞လြိဳင္႞ကြိဳန္႟
လို႟သီးပူ႞ေဇာ႞အာသနယ္႟ နဝ္႟မ႟နီအံုေဗာ့ေဗာ့႟တြမ္႞ ဒံုေသာင္႟ထ်႟
ဖံု႞ယို ေဒါ့႟ရို႟လြ႟ခန္းဝင္႟နဲုင္းနဝ္႟သြဴ။ ထြိဳင္႞တြိဳ႞တနီ႟တဲင္ခါခမ္းတြမ္႞တလီ႟ ကထြိဳင္႞သန္လြဥ္နဝ္႟ ထာ႟ျပင္႞ကို အေသာင္အရင္႟ကကင္႟ဒါ႞ေသင္႞မြဴးဖံု႞နဝ္႟ တလီဝစ္႟ထြာ႞
တလီ႟လြဥ္တြဴ႞ဖာ႞ထံတဲင္ ဝ႟ထံစြဥ္႞တြမ္႞အ႐ြီးအခို႞ဖံု႞
သြဴ။အေသာင္အရင္႟ကအဝ္႞ဒါ႞ေသင္းမြဴးဖံု႞နဝ္႟တဲ့
ခံ႞ေႏြာင္႟တလီ႟တံ႞ဖံု႞သြဴ။
ခင္႞လမ္းအံုဗိမာန္႞ တလီ႟ထြာ႞တဲင္ ကကဲုင္ၿပဲဳင္႟ဒါ႞
လူ႟ယဟန္႞ဖံု႞နဝ္႟ စြီ႞အပိုအလီ႟ထြဴတဲင္ ေလြ႟ေထ့(သဲင္႟ေထ့)ခ်ာခန္း ဘုရာ႟ေလာင္႟ထ်႟နဝ္႟သြဴ။
ထြိဳင္႞သဲင္႟တြိဳ႞ေထ့ခ်ာဘုရာ႟ေလာင္႟နဝ္႟ တြိဳးနဝ္႟ခါ
ဘုရာ႟ေလာင္႟ေဒါ့႟ေဖ႞ယင္းနဲုင္းယိုု "" မြိဳးဖာဖူးေဝးစြိဳးခြိဳ႟
အေသာင္အရင္႟ မဥ္႞အဝ္႞မ႟ဟဝ္၊ မဥ္႞အဝ္႞တြမ္႞အေသာင္အရင္႟မဟဝ္႟၊ ေပါ႞အံုေခၚတျဖာ႟ ေဒါ့႟ေခၚဒ်ာ႞ဝင္႟တမြဴးနဝ္႟
တလီ႟မဥ္႞ထြာ႞ မဥ္႞တြဴ႞ဖာ႞နဝ္႟ အရဲးအပါ႞ကင္႟တဲင္
ဝ႟ယိုု ေအာ့ယို႟ ငါ႞သြဴ""ေဒါ့႟ေဖ႞ခန္းနဲုင္းနဝ္႟သြဴ။
နဝ္႟မ႟တဲင္.....
နီလို႟သီးဖံု႞ယိုလဲ့ မဥ္႞အံုေခၚဒ်ာ႞တျဖာ႟နဝ္႟ တနီခါေမာ့ဒါ႞
ထာ႟ဒုကၡသြဴ။ဒံုေဆာင္႞ရပ္ရာ႞ကိုတဲ့နဝ္႟ လမ္းပါ႞ကိုတဲ့နဝ္႟
ေလြာင္႞ဗူ႞ေရ႟မဥ္႞တအဲဥ္တဝ္းနဝ္႟ ဝင္႟လြဥ္႟(ရန္႞သူ႞)
ႏြိဳ႕ယားယို႟လြဳမ္႟သြဴ။မဥ္႞ေမာ့ဒါ႞အယပ္႟အခဲုင္႞တြင္႟ အစြဲး
အကမ္းမဥ္႞အဝ္းတဝ္းနဝ္႟ သ႟ယပ္႟ဒုကၡဗာ႞သြဴ။
နဝ္႟မ႟အေသာင္႟အရင္႟ယို လို႞အြဥ္႞ကင္႟တဝ္႞သြဴ။
အေရ႟ကိစၥမဥ္႞ေပါ႞လြဥ္ သြီ႞ခ်င္႟ခ်င္႟ လို႞ေဗာ့လို႔ဝင္႟တဲ့၊
ဒံုေဆာင္႞ကိုအခ်င္႟ခ်င္႟ လမ္းကိုအခ်င္႟ခ်င္႟ အဝ္႞လို႞
အေသာင္႟အရင္႟တြမ္႞ ေလြာင္႞ဗူ႞မုသြဴ။မဥ္႞ေလာင္႞ဗူ႞
လြ႟ဝင္႟နဝ္႟ ဗြိဳန္ပီနဲုင္း ကေလြာင္႞ခါထြဴသို႞ေလာင္႞နဝိ႟သြဴ႟၊
သိုးယို မဥ္႞တေလြာင္႞ဗူ႞တဝ္းနဝ္႟တလီ႞ခ်င္႞ ဗ်ာ႞ထို႔ယို႔ဒ်ာ႞
သြဴ။ မဥ္႞ေလြာင္႞ဗူ႞ထြဴနဝ္႟ အီ႞ဗ်ာ႞ထို႔ဗာ႞တဲ့တယို႟တဝ္း။
ပြိဳးနဝ္႟မ႟တဲင္ ထြားနဲုင္းေသြာ႕သို႞ေလြာင္႞ဥပမာ႞ယိုတဲင္
အခ်င္႟ခ်င္႟ လို႞ေလြာင္႞ဗူ႞ငါ႞လြ႟ဝင္႟ အေသာင္အရင္႟တဲ့
တလို႞အံု႟ကင္႟တဝ္းသြဴ။
ဖို႞ထန္႞အဖံု႞ ေကငင္႞ဒါ႞၊ေဖ႞ကထြာဗာ႞မြိဳန္း ေဖ႞ကခံ႞ဗာ႞
မြိဳန္း ပါ႟တိတ္႟ႏ်႟ ၊အခ်င္႟ခ်င္႟ စြဲးပင္းထြားကိုေသြာ႕ဝင္႟၊
ေလြာင္႞ဗူ႞ေသြာ႕ဝင္႟ ႁဖြမ္႞ဗူ႞လြ႟ဝင္႟မ႟ ထြာရဲင္႟အာ႞သြဴ။
မာ႟ထာ႟မာ႟အမ်ိဳ႟မဲုင္႟တဲ့တရို႟တဝ္း၊ထူ႞ဗဲင္းေသြာ႕ အမ်ာ႟ရဲင္႟အာ႞
ဖူးေဝးစြိဳးခိြဳ႟အေသာင္အရင္႟ရဲင္႟အာ႞ အေက်ာင္႟........
#အံုေႏြာင္လိတ္-ဇာတ္ေတာ႞၅၅၀၊ရုကၡဓမၼဇာတ္ေတာ႞။
No comments:
Post a Comment