#ကွပ်ထာꩻယွုမ်းမာႏကိုꩻကွယ်ႏမာႏဆရာႏတဲင် #ဝင်ꩻမူႏတဲ့သွုမ်ꩻ၊ရွဉ်တဲ့သွုမ်ꩻ၊အချိန်ႏတဲ့လို့ခြေင်

#ကွပ်ထာꩻယွုမ်းမာႏကိုꩻကွယ်ႏမာႏဆရာႏတဲင်
#ဝင်ꩻမူႏတဲ့သွုမ်ꩻ၊ရွဉ်တဲ့သွုမ်ꩻ၊အချိန်ႏတဲ့လို့ခြေင်
***********************************************
     အွိုးမွော့လဲင်ႏစခါခါးလားနီဗွေႏဘုရာꩻကပွင်ꩻခိန်ႏဗာႏရာႏဏာႏသီႏခမကိုခိုဗင်ႏတဖြာꩻနောဝ်ꩻခွိုက်သꩻထီႏစွယ်ꩻမွေးမူႏနံꩻဒုံတဒုံတဲင်ဟဲ့ꩻတွမ်ႏအသွꩻလွေꩻလယ်ႏဒေါ့ꩻရီထွူတွော့ ထွာလွေꩻခန်းဒျာႏဝင်ꩻမူႏဝင်ꩻခိုသွူ။

ဝွေꩻသီးဝင်ꩻနီ ထွာဝင်ꩻမူႏဝင်ꩻခိုမွူးနီꩻေပါင်ꩻကထွိုင်ႏအာ...လာꩻပေါင်ꩻကထွိုင်ႏညနောဝ်ꩻ"ဝင်ꩻခိုအွဉ်ႏညထွာတယူႏဝင်ꩻမူႏအွဉ်ႏည ထွာတနန်း" ငါဝ်းနဝ်ꩻအတွိုငꩻ် တဖြာꩻတွမ်ႏတဖြာႏ ထာꩻနန်းထာꩻယူႏတလို့တဝ်းလို့ဝင်ꩻအလောင်းတဲင်ပါခိုနဝ်ꩻဟဲ့ꩻတွမ်ႏအမွိုးဖါလွေꩻရီဖြောင်ခန်းလိုꩻမူႏမွိုးဖါတွော့လိုꩻမူႏမွိုးဖါလဲ့သꩻဘော်ꩻလꩻသꩻဘော်ꩻတူႏခန်းဒျာႏအပိုမူႏ။
မူႏခိုနီဖြာꩻလဲ့နဝ်ꩻမွိုးဖါနီဖြာꩻလဲ့နဝ်သꩻဘော်ꩻတူႏလို့ဝင်ꩻခါအွဉ်ႏထွော့လွေꩻဖေႏခန်းဒျာႏပွယ်ꩻစေနိန်းယာပွယ်ꩻမင်္ဂလာႏနီꩻနဝ်ꩻသွူ။ပွယ်ꩻမင်္ဂလာႏကိစ္စနဝ်ꩻခိုဖဖေႏခါထွူရွဉ်တဲင်အွဉ်ႏဒျာႏအမူႏဖဲ့စီႏရင်ႏဝွေႏဖန်ႏလွေꩻမင်္ဂလာႏဒျာႏအႏလမ်းနဝ်ꩻသွူ။ပွယ်ꩻမင်္ဂလာႏမွူးနီꩻထွိုင်ႏအီႏတွိုႏနဲုင်းမွူးရဝ်ꩻနဝ်ꩻအခိုဖဲ့ꩻထာꩻယူႏတလို့တဝ်းတဲင်ကအီႏမာꩻလွေꩻဒါႏပွယ်ꩻမင်္ဂလာႏမွူးရဝ်ꩻနီꩻနဝ်ꩻမွူးနီꩻဟဝ်တဟဝ်တဝ်းမဉ်သေစဲင်းငါႏတဲင်တွော့လွေꩻရီခန်းဝွေꩻသီးကဝကိုꩻကွယ်ႏကယွုမ်းအံႏဒါႏဆရာႏအာဇီဝကတက္ကတွဉ်ꩻတဖြာꩻထျꩻနဝ်ꩻသွူ။

ဝွေꩻထွိုင်ႏရီနဝ်ꩻဝွေꩻသီးဆရာႏအာဇီဝကလဲ့ မာန်ႏမာႏနအဝ်ႏတဲင် "ပါꩻစားယိုနဝ်ꩻ ထီႏဖွီ သွင်ꩻဖွီခွေ အွဉ်ႏထွော့ꩻသွူမွူးနီꩻမꩻ ကွဲးရီခွေ အပွယ်ꩻမင်္ဂလာႏဖေႏကကဲုင်နောဝ်ꩻ ခွေဒေါ့ꩻစွဉ်ႏနောဝ်ꩻမꩻ" ယူႏသꩻကိုထွူ နုဲင်းနဝ်ꩻတွော့ꩻ ဒေါ့ꩻထန်ႏခန်း "သီကအီႏမာꩻဒါႏပွယ်ꩻမင်္ဂလာႏမွူးရဝ်ꩻနီꩻယိုနဝ်ꩻ မွူးနီꩻလဲ့တဟဝ်တဝ်း နက္ခတ်လဲ့တဟဝ်တဝ်း ၊ မွူးရဝ်ꩻနီꩻယို မဉ်ႏမာꩻပွယ်ꩻမင်္ဂလာႏနဝ်ꩻခွိုက်ဒါႏလိုꩻခို လိုꩻခိုအွဉ်သီဒါႏ။ နဝ်ꩻတွော့ မွူးရဝ်ꩻနီꩻယိုနဝ် တွမ်ႏမာꩻမွိုန်း တရူꩻနီꩻမꩻ မာꩻဟဲုင်း" နဲုင်းနဝ်ꩻသွူ။

ထွိုင်ႏဟွိုန်ဆရာႏငါဝ်းနဲုင်းယိုနဝ်ꩻဝွေꩻသီးလဲ့သꩻတချမ်ꩻသာႏတဝ်း။ပိုတွမ်ႏမွိုးဖါသꩻဘော်ꩻတူႏလို့ဝင်ꩻတွော့ꩻနဲုင်းမွူးရဝ်ꩻနီꩻနဝ်ꩻဝွေꩻသီးတလွေꩻတဝ်းဒွုမ်ပွယ်ꩻမင်္ဂလာႏသွူ။တလွေꩻတဝ်းလဲ့သမ်းတပြန်ႏချာတဝ်းငါဝ်းသတင်ꩻနုဲင်းမဲုင်ꩻမဲုင်ꩻတွော့အမူႏဖဲ့နဝ်ꩻအဝ်ႏစီႏရင်ႏဒျာႏတွိုင်ꩻတွိုင်ꩻသွူ။မင်္ဂလာႏလိတ်ဖစ်နေင်းလွမ်ဖုံႏလဲ့ဝွေႏဖစ်လို့လဲဉ်းဒျာႏရင်ꩻသွူတဲင်နဲုင်းမွူးရဝ်ꩻꩻနောဝ်ꩻအသွꩻဖုံးအလောင်းအလင်နဝ်ဖျော်ရောင်ဝင်ꩻပငါပရာꩻလဲ့အခိုဖဲ့နဝ်ꩻသမ်းတဖျော်တဝ်းတွော့ရော့ရာꩻသင်ꩻရာꩻဝွေႏဖန်ႏစီႏရင်ႏလွေꩻခန်းဒျာႏ မင်္ဂလာႏတော်ႏဖေးခန်းဒျာႏတွမ်ႏခိုဗင်ႏဒုံကို တဖြာꩻနောဝ်ꩻသွူ။

မင်္ဂလာႏထွူနဲုင်းမွူးရဝ်ꩻနဝ်ꩻနဝ်ꩻ အခိုထွိုင်ႏဖျော်လွဉ်နဝ်အမူႏဖဲ့မွိုးဖါ ဒေါ့ꩻဆွုမ်ႏခန်းငါဝ်း နဲုင်းယို - သီနဝ်ꩻထီႏနီသွင်ꩻဖွီငါႏ အွဉ်ႏထွော့သွူ မင်္ဂလာႏမွူးနီꩻတဲ့အခိန်ꩻထွꩻထွꩻ သီတဖျော်လွဉ်တဝ်း နီနဝ်ꩻစင်ႏအွဉ်းတဝ်းမဲ့ငါတဲင် တွမ်ႏခိုဗင်ႏဒုံကိုတဖြာꩻ နီမင်္ဂလာႏဖေႏတော်းလဲဉ်းသီနဝ်ꩻလိုကတိသစ္စာႏတအဲဉ်တဝ်းတဲင်သီရွဉ်မင်္ဂလာႏစရေိပ်ယိုလဲ့နီတဖေႏချာနွောင်ꩻတဝ်းသီမဉ်ႏတကေႏနပ်တဝ်းလဲ့မဉ်ဒင်ႏအွိုးမဲုင်ဒင်ႏအဝ်ႏလꩻဒျာႏ။ထွိုင်ႏဟွိုန်ငါဝ်းနဲုင်းယိုနဝ်ꩻကဖျော်လွဉ်ဒါႏအခိုဖဲ့စွုမ်ႏစွိုꩻယိုယူႏသူႏသေဒွုမ်စင်းဒေါ့ꩻချာတဝ်းနဲုင်းမဲုင်ꩻမဲုင်ꩻတဲင်အွဉ်ႏတကဲုင်စွဉ်ႏအလွတဖြာꩻတွမ်ႏတဖြာꩻထွားသဲင်ꩻသွူဝင်ꩻလွိုးတဲင်ယိပ်ꩻတေ့ꩻလွဝင်မဲ့တွော့ꩻ ထွိုင်ႏသဲင်ꩻခန်းဒျာႏနဝ်ꩻသွူ။

ကွပ်စွဉ်ႏယွုမ်းမာႏပေႏတင်ႏ ကိုꩻကွယ်ႏမာႏဆရာႏရိုႏသေႏတဝ်း ထူႏရေꩻတဝ်းအခိန်ႏ၊ကတိသစ္စာႏအဲဉ်တဝ်းတဲင်အခိုဖဲ့နဝ်လိုꩻမူႏတဲ့သွုမ်ꩻ ရွဉ်တဲ့သွုမ်ꩻမွူႏနီꩻအချိန်ႏတဲ့သွုမ်ꩻတွော့ꩻ အဝ်ႏခြေင်ခြွစ်သဲင်ꩻခန်းဒျာႏ
နောဝ်ꩻသွူ။

စဉ်ꩻစာꩻစဲင်းစဲင်းယူႏစဲင်းစဲင်းဒျာႏဝင်ꩻပငါပရာꩻခွန်နင်ꩻသီးသြ...။

(ဇာတ် ၅၅၀ ၊ နက္ခတ္တဇာတ် အတိတ် ဝတ်ထု)
နမ်းသꩻနီပါꩻယံချမ်ꩻသာႏဒျာႏဝင်ꩻပငါပရာꩻအကျောင်ꩻ...