သောတာပန်ဆိုတာ
═════════════════
သောတာပန်ဆိုတာဘာဖြစ်သွားတာလဲ ? ဘုရားလက်ထက်က ဧဟိဘိက္ခုခေါ်လိုက်တာနဲ့ ၀ါတော် ၆၀ ရ ရဟန်းဝတ်စုံနဲ့ရဟန်းတစ်ပါးအဖြစ်ပြောင်းသွားတာမျိုးလား ? ဒါမှမဟုတ် ခုခေတ် Plastic surgery လုပ်သလို ရုပ်ဆိုးရာကနေချော်မော်လှပသွားတာလား ?
ရုပ်ရည်အနေနဲ့ဘာမှသိသိသာသာပြောင်းသွားတာမဟုတ်ပါဘူး။ စိတ်ကိုညစ်ပတ်စေတဲ့ ကိလေသာ အညစ်အကြေးတွေ ၂၅ ရာခိုင်နှုန်းခန့်လျော့သွားတာကြောင့် စိတ်ကြောင့်ဖြစ်တဲ့ စိတ္တဇရုပ် တွေမှာကိလေသာတွေလျော့သွားလို့ရုပ်အနေနဲ့အရင်တက်ပိုမိုကြည်လင်တာကို အနားနေတဲ့သူ၊ ဂရုစိုက်ကြည့်သူတွေအနေနဲ့သတိထားမိချင်တော့မိနိုင်ပါတယ်။
အရေးကြီးဆုံးပြောင်းလဲမှုကတော့ ကိလေသာ ၁၅၀၀ ထဲက ၁၄၉၉ ကိုချန်လှပ်၍ ဒိဋ္ဌိဝိစိကိစ္ဆာ ဆိုတဲ့ကိလေသာတစ်ခုကိုပယ်လိုက်နိုင်တာပါ။ ဒါပေမဲ့ ဒီကိလေသာကိုပယ်လိုက် တာကြောင့် ဘုရား၊ တရား၊သံဃာဆိုတဲ့ ရတနာသုံးပါးအပေါ်မှာယုံမှားသံသယတွေမရှိတော့ပါဘူး။ ကံ၊ကံရဲ့ အကျိုးတွေအပေါ်မှာလည်း ယုံမှားသံသယတွေမရှိတော့တာကြောင့် အပါယ်လေးပါး ရောက်ကြောင်း ဒုစရိုက်တွေကိုလည်းမလုပ်တော့တာမို့အပါယ်မရောက်နိုင်တော့ပါဘူး။
သောတာပန်ဆိုတာပါဠိဘာသာမှဆင်းသက်လာသောပါဠိသက်စကားဖြစ်ပါတယ်။ ပါဠိစကားသောတ + အာပန္န မှာ သောတ ဆိုတာက ရေအလျဉ်း။ အာပန္န ဆိုတာရောက်ရှိခြင်း။ ပေါင်းလိုက်တော့ ရေအလျဉ်းသို့ရောက်ရှိခြင်း။ ဆိုလိုရင်းအဓိပ္ပါယ်က နိဗ္ဗာန်ဆိုတဲ့ရေစီးကြောင်းထဲရောက်သွားတယ်။ အပါယ်တံခါးပိတ်သွားပြီ၊စိတ်ချရတဲ့ဘ၀ရောက်သွားပြီး၊ပုထုဇဉ်ဘ၀မှအရိယာသူတော်စဉ်ဘ၀ရောက်သွားလို့တစ်နေ့မှာနိဗ္ဗာန်ရောက်မယ် လို့အဓိပ္ပါယ်ရပါတယ်။
ဟိမ၀န္တာမှစီးဆင်းလာသောမြစ်ကြီးငါးရာ၊မြစ်ငယ်ငါးရာမှရေတို့သည်နောက်သို့ပြန်မစီးဘဲသမုဒ္ဒရာသို့သာစီးဝင်သကဲ့သို့ သောတာပန်တို့သည်လည်းပုထုဇဉ်ပြန်မဖြစ်ဘဲတစ်ဆင့်ထက်တစ်ဆင့်မြင့်သောအရိယာဘ၀များမှနောက်ဆုံးရဟန္တာအဖြစ်ဖြင့်နိဗ္ဗာန်စံဝင်သောကြောင့် သောတာပန် ဟု ခေါ် ဆိုသည်။
ပုထုဇဉ်တို့ကတော့ ၃၁ ပုံဖြစ်တဲ့ အထက်ဘ၀ဂ်မှအောက်အ၀ီစိ ထက်အောက်၊ဆုန်ဆန် ၊တက်ချီးဆင်းချီး ဖြစ်နိုင်ကြသည်။
သောတာပန်တည်သွားသည်နှင့် ဒိဋ္ဌိနှင့် ၀ိစိကိစ္ဆာကို အကြွင်းမဲ့ ပယ်သတ်သွား၏။
ရတနာသုံးပါးကို အသက်နှင့်လဲပြီး ယုံကြည်ကိုးကွယ်သွား၏။
ငါးပါးသီလကို အသက်နှင့်လဲပြီး လုံခြုံသွား၏။
ဝိပလ္လာသရှစ်ပါးကို အရှင်းပယ်သတ်သွား၏။
ဒိဋ္ဌိသံယောဇဉ်၊ သီလဗ္ဗတပရမာသသံယောဇဉ်၊ ၀ိစိကိစ္ဆာသံယောဇဉ်တို့ ကို ပယ်သတ်လိုက်၏။
မိမိမှာရှိသော အပြစ်ကို မရှိဟန်ဆောင်သော မာယာနှင့် မိမိ၌ မရှိသည့်ဂုဏ်ကို ရှိဟန်ဆောင်သည့် သာဌေယျတို့ ကိုလည်း ပယ်သတ်၏။
သောတာပန် ပယ်သတ်သည့် ၀ိပလ္လာသ(၈)ပါး
----------------------------------------------
- ခန္ဓာငါးပါးကို မြဲသည်ဟု အယူမှားမှု ဒိဋ္ဌိဝိပလ္လာသ၊
- ခန္ဓာငါးပါးကို မြဲသည်ဟု အမှတ်မှားမှု သညာဝိပလ္လာသ၊
- ခန္ဓာငါးပါးကို မြဲသည်ဟု အသိမှားမှု စိတ္တ၀ိပလ္လာသ၊
- ခန္ဓာငါးပါးကို အစိုးရသည်ဟု အယူမှားမှု ဒိဋ္ဌိဝိပလ္လာသ၊
- ခန္ဓာငါးပါးကို အစိုးရသည်ဟု အမှတ်မှားမှု သညာဝိပလ္လာသ၊
- ခန္ဓာငါးပါးကို အစိုးရသည်ဟု အသိမှားမှု စိတ္တ၀ိပလ္လာသ၊
- ခန္ဓာငါးပါးကို ချမ်းသာသည်ဟု အယူမှားမှု ဒိဋ္ဌိဝိပလ္လာသ၊
- ခန္ဓာငါးပါးကို တင့်တယ်သည်ဟု အယူမှားမှု ဒိဋ္ဌိဝိပလ္လာသ။
သောတာပန် မပယ်သေးသော ၀ိပလ္လာသလေးပါး
------------------------------------------------
- ခန္ဓာငါးပါးကို ချမ်းသာသည်ဟု အသိမှားခြင်း စိတ္တ၀ိပလ္လာသ၊
- ခန္ဓာငါးပါးကို ချမ်းသာသည်ဟု အမှတ်မှားခြင်း သညာဝိပလ္လာသ၊
- ခန္ဓာငါးပါးကို တင့်တယ်သည်ဟု အသိမှားခြင်း စိတ္တ၀ိပလ္လာသ၊
- ခန္ဓာငါးပါးကို တင့်တယ်သည်ဟု အမှတ်မှားခြင်း သညာဝိပလ္လာသ။
ဤဖောက်ပြန်မှားယွင်းသော အသိမှား၊ အမှတ်မှား၊ ၀ိပလ္လာသလေးချက်
ကျန်နေသောကြောင့် သောတာပန်၊ သကဒါဂါမ်များသည်
အိမ်ထောင်သားမွေး ပြုလုပ်ကြခြင်းဖြစ်၏။
မြေတပြင်လုံး၌ ဧကရာဇ်မင်းဖြစ်ရသည်ထက်လည်းကောင်း၊ နတ်ပြည် ဗြဟ္မာ့ပြည်သို့ ရောက်ရသည်ထက် လည်းကောင်း၊ တစ်လောကလုံးကို အစိုးရသည်ထက် လည်းကောင်း သောတာပန်ဖြစ်ရခြင်းသည် မြတ်၏။
(ဓမ္မပဒ)
အဘယ်ကြောင့်နည်း၊ စကြာမင်း သိကြားမင်း ဗြဟ္မာမင်းတို့ သည်သေလျှင် အပါယ်လေးပါးသို့  ကျနိုင်သေးသော်လည်း သောတာပန်သည် ဘယ်သောအခါမျှ အပါယ်သို့  မကျနိုင်သောကြောင့်တည်း။
(ကျမ်းကိုး)
ဆရာတော် အရှင်ဇ၀န (မေတ္တာရှင်-ရွှေပြည်သာ) (သီလအစွမ်း အံ့မခန်း မှ)နှင့်
ဦးကျော်ဇေယျ၏(သောတာပန်)
No comments:
Post a Comment