မြန်မာ့ဆယ့်နှစ်လရာသီတွင် တပေါင်းလသည် တစ်ဆယ့်နှစ်လမြောက်ဖြစ်သည်။ တပေါင်းလနှင့်စပ်လျဉ်း
ပြီး ရှေးစာဆို ပညာရှင်များသည် တပေါင်းလ၏ သာယာ
လှပပုံကို အမျိုးမျိုးရေးစပ်သီကုံး ချီးကျူးဖွဲ့ဆိုခဲ့ကြ
သည်။ တပေါင်းလသည် ခါနွေဆန်းကာလလည်းဖြစ်၍
လေခမြေသက် ဈာန်ဝိတက်သို့ သစ်ရွက်ရော်ယီ
ဣန္ဒနီဝယ် သိဂီ င်္တစ်ဝက် ဖက်၍ဆေးစုံ ခြယ်သောပုံသို့
ရဂုံမြိုင်တွင်း တောလုံးလင်းသား ဟု ရှင်ဥတ္တမကျော်က
ချီးကျူးဖွဲ့ဆိုထားလေသည်။
သာသနာအလိုအားဖြင့် တပေါင်းလပြည့်နေ့ကို ဗုဒ္ဓ
မြတ်စွာ ပြည်တော်ဝင်အခါတော်နေ့အဖြစ် သတ်မှတ်
ကျင်းပကြသည်။ ဘုရားရှင်သည် ရာဇဂြိုဟ်ပြည် ဝေဠု
ဝန်ကျောင်းတော်၌ သီတင်းသုံး၍ အင်္ဂတိုင်းနှင်း မာဂဓ
တိုင်းတို့မှ ဒါယကာ ဒါယိကာမများအား တရားရေအေး
တိုက်ကျွေးလျက်ရှိပါသည်။ ဤသတင်းကို ကြားသိ
သော ခမည်းတော် သုဒ္ဓေါဒနသည် ခေါင်းဆောင်အမတ်
ကြီး ဆယ်ဦးကို နောက်ပါအခြံအရံ တစ်ထောင်စီဖြင့်
၁၀ ကြိမ်ခွဲကာ ရာဇဂြိုဟ်သို့ ဘုရားပင့်ရန် စေလွှတ်
တော်မူခဲ့သည်။
နောက်ဆုံးအသုတ်တွင် ကာဠုဒါယီအမတ်ကြီး
ဦးဆောင်သွားရပြီး ဘုရားတရားတော် နာကြားရ၍
ရဟန္တာဖြစ်ပြီးနောက် ကာဠုဒါယီမထေရ်က တပေါင်းလ
အခါသမယခရီး၏ သာယာပုံနှင့် ကပိလဝတ်နေပြည်
တော်သို့ကြွသင့်ကြောင်းကို ဂါထာပေါင်း ၆၄ဂါထာဖြင့်
သီကုံး၍ ခမည်းတော်၏ ကျေးဇူးကို သိသောအားဖြင့်
ဖွားတော်မူရာဇာတိ ကပိလဝတ်နေပြည်တော်သို့
ကြွချိန်တန်ပြီဖြစ်ကြောင်း လျှောက်ထားလေသည်။့
ထိုနေ့မှော မဟာသက္ကရာဇ် ၁၀၃ ခုနှစ် တပေါင်း
လပြည့်နေ့ဖြစ်ပါသည်။
တပေါင်းလပြည့်ကျော် ၁ ရက်နေ့၌ မြတ်စွဘုရားသည်
ရာဇဂြိုဟ်မှ ကပိလဝတ်ပြည်သို့ တစ်ရက်လျှင် တစ်ယူ
ဇနာခရီးဖြင့် ရက်ပေါင်း ၆၀ ဒေသစာရီကြွချီတော်မူခဲ့
လေသည်။
ပြည်သူများသည် တပေါင်းလပြည့်နေ့တွင်
စေတီပုထိုးများ၌ ဗုဒ္ဓပူဇနိယပွဲတော်များ ကျင်းပကြ
သည်။ ပဋ္ဌာန်းတရားများ ရွတ်ဖတ်ပူဇော်ကြသည်။
လှူဒါန်းမှုစသည်တို့ကို ဗုဒ္ဓဘာသာဝင် အားလုံး ရိုးရာ
မပျက် အစဉ်အမြဲ ကျင်းပလာခဲ့သည်မှာ ယနေ့အထိ
တိုင်ပင်ဖြစ်သည်။
သာယာချမ်းမြေ့ ထူးမြတ်လှသည့် တပေါင်းလပြည့်နေ့
အခါသမယတွင် ပြည်သူအပေါင်းသည် တရားဘာဝနာ
များ ပွားများပြီး ကုသိုလ်ကောင်းမှု ပြု၍ တစ်ဦးနှင့်
တစ်ဦး မေတ္တာ မပျက် ချစ်ခင်လျက် သည်းခံခြင်း
ခွင့်လွှတ်ခြင်း ကရုဏာပွားများခြင်း တို့ဖြင့် ရှေးကပင်
တည်ရှိခဲ့သည့် ကောင်းမြတ်သော အစဉ်အလာတစ်ရပ်
ကို ဆက်လက်ကျင့်ကြံအားထုတ်သွားကြရမည်
ဖြစ်ပါသည်။့
No comments:
Post a Comment