အကာကိုဓားနဲ့ခုတ်မယ်
~~~~~~~~~~~~~~~
"သင်္ကန်းခြုံကို ဆွဲချွတ်သင့်တယ်..
ဆိုတဲ့ ခေါင်းဆောင်နဲ့
သာသနာပိုင်ဆရာတော်"
တစ်ခါက မြန်မာနိုင်ငံမှာ လုပ်ပိုင်ခွင့်အာဏာအပြည့်ရှိတဲ့
နိုင်ငံခေါင်းဆောင်က သာသနာပိုင်ဆရာတော်ကြီးရဲ့
အထံကို ရောက်လာတယ်။
"အရှင်ဘုရား ..ဝိနည်းနဲ့မနေတဲ့
ကိုရင်ငယ်..ဦးပဇင်းငယ်တွေနဲ့အမြင်မတော်တဲ့
သင်္ကန်းခြုံတွေကို တပည့်တော် အာဏာရှိတဲ့အချိန် လုပ်ပိုင်ခွင့်
ရှိတဲ့အချိန် အကုန်ဖမ်းပြီး လူဝတ်ချွတ် အရေးယူပေးမယ်ဘုရား။
တီဗွီကြည့်၊ဘောကန်၊ဟိုအရေး ဒီအရေးဝင်ပါဆိုတော့..
တပည့်တော်တို့ ဘာသာ၊သာသနာ သိက္ခာကျတယ်ဘုရား..။
ဒါကြောင့် သာသနာသန့်ရှင်းသွားအောင် တပည့်တော် ကူညီမယ်
ဘုရား"လို့ ဂုဏ်ယူ ဝင့်ကြွားစွာဖြင့်ပြောပါတယ်။
သာသနာတော်ကို ကြည့်တဲ့ ဆရာတော်က
ကိုယ့်ကိုကိုယ် အထင်ကြီးပြီ အသိဉာဏ်မပြည့်စုံ
သနားစရာကောင်းတဲ့ နိုင်ငံခေါင်းဆောင်ကို
ဘာမှမပြောဘဲ ထသွားပြီ...မီးဖိုချောင်ထဲမှ ထင်းခုတ်တဲ့
ဓားနှစ်ချောင်းယူလာပါတယ်။
"ရော့...ဒကာကြီး ဓားတစ်လတ်ယူ...ဒကာကြီးကိုမေးမယ်၊
သစ်ပင်တစ်ပင်မှာ အကာနဲ့အနှစ် ဘယ်က တန်ဖိုးရှိလဲ.."လို့
မေးပါတယ်။
"အရှင်ဘုရားရယ်..အနှစ်က တန်ဖိုးရှိတာ လူတိုင်းသိနေတာပဲ..ဘုရား"
"ဒါဆို ..ဒီဓားယူပြီး ဒကာကြီးနဲ့ဆရာတော် အကာတွေ အကုန်
လိုက် ခုတ်ပစ်ရင် မကောင်းဘူးလား.."လို့လည်း မိန့်လိုက်ရော...။
နိုင်ငံခေါင်းဆောင်ကြီးဟာ
ကိုယ့်ရဲ့မပြည့်စုံတဲ့ အသိဉာဏ်၊ မခိုင်မာတဲ့ဆုံးဖြတ်ချက်
ကိုယ့်ဘာသာအထင်ကြီးမှုကို
နောင်တလည်းရ ရှက်လည်းရှက်သွားပါတယ်။
"တပည့်တော် မှားတော့မလို့၊သာသနာဖျက်ဖြစ်တော့မလို့၊
တော်သေးတယ်။တပည့်တော်ကိုယ် တပည့်တော် ဟုတ်လှပြီ
ထင်တာ။သူများပြောတဲ့စကားအပေါ်မှာ လမ်းဆုံးခဲ့မိတယ်။
တပည့်တော်ကို ခွင့်လွှတ်တော်မူပါ၊အခုလို အသိဉာဏ်ဖွင့်ပေးတဲ့
အတွက် ကြည်ညိုမိတဲ့အကြောင်းနဲ့ ကျေးဇူးတင်ကြောင်း လျှောက်
ထားပါတယ်။"
ကိုယ်မကျွမ်းကျင်တဲ့ အရာတွေမှာ ဝင်မပါခြင်းကလည်း
အကုသိုလ် ကင်းခြင်းတစ်မျိုးပါ။
သီလမရှိတဲ့သူတွေရှိနေခြင်းဟာ
သီလရှိတဲ့သူတွေရဲ့ တန်ဖိုးတတ်စေတာပါ။
လူမိုက်ရှိမှ လူလိမ္မာရဲ့တန်ဖိုးသိပါတယ်။
အနှစ်ရဲ့တန်ဖိုးဟာ အကာကြောင့်ဆိုတာသိခဲ့ရင်ဖြင့်
အလွယ် အပြစ်တင်အပြစ်မြင်တတ်တာတွေ
ကင်းဝေးကြပါစေ......။
ငယ်စဉ်စာသင်သားဘဝက ဆရာတော်တစ်ပါး
မိန့်ဖူးတာလေးသတိယလို ရေးတင်မိတာပါ...။
အကာလည်း အကာတန်ဖိုး
အနှစ်လည် အနှစ်တန်ဖိုးကို
ခွဲခြားပြီး နားလည်နိုင်ပါစေ...
နားလည်၍လည်း တန်ဖိုးထားစောင့်ရှောက်နိုင်ပါစေ...
No comments:
Post a Comment