တပို့တွဲလတွင် မြန်မာမင်းများ လက်ထက်က မီးပုန်းပွဲဟူသော ဘာသာရေး ပွဲတော်ကို ကျင်းပခဲ့ကြသည်။ မီးပုန်းပွဲဟူသည် တပို့တွဲလတွင် အအေးဓာတ် လွန်ကဲမှုကြောင့် မြတ်စွာဘုရားရှင်အား ရည်စူးလျက် စေတီပုထိုး ရုပ်ပွားတော်များ၌ တပို့တွဲလပြည့်နေ့ နံနက်အာရုဏ်တက်ချိန်တွင် စေတီပုထိုး ရုပ်ပွားတော်များ၏ ပတ်ပတ်လည်၌ အမွေးနံ့သာတုံးများ၊ သနပ်ခါးများ၊ ဥာဏ်ရိုးစသည်တို့ဖြင့် မီးပူဇော် ကုသိုလ်ပြု ပွဲတော်ဖြစ်သည်။ ယင်းသို့ မီးပုန်းပွဲသို့ လာရောက်ကြည်ညို ပူဇော်သူတို့အား တပို့တွဲလ ရာသီစာဖြစ်သော ထမနဲများထိုး၍ ပေးကမ်းခြင်း၊ စေတီပုထိုး ရုပ်ပွားတော်များကို ကပ်လှူခြင်းများ ပြုလုပ်ကြသောကြောင့် နှောင်းခေတ်များတွင် မီးပုန်းပွဲအစား ထမနဲပွဲအသွင်သို့ ပြောင်းလဲကျင်းပခဲ့ခြင်း ဖြစ်သည်။ ရှေးမြန်မာမင်းများ လက်ထက်တွင် တပို့တွဲလ၌ မီးပုန်းပွဲ ကျင်းပခဲ့မှုကို စာဆိုဦးယာ၏ ဆယ့်နှစ်လရာသီဘွဲ့လူးတား (တပို့တွဲလ)၌ "သုံးလူ့ချာကို ရှိန်ဝါရောင်ညီ၊ မီးပုန်းပူဇော်၊ လှူတော်မြဲ၊ ရာသီပွဲ" ဟူ၍ ဖွဲ့ဆိုမှတ်တမ်း တင်ခဲ့သည်။
No comments:
Post a Comment