သမထအားဖြင့်သမာဓိထူထောင်ခြင်း

အာနာပါန(ထွက်လေ၊ ၀င်လေ)နည်းကို ရှေ့အခန်းတွင် ပြဆိုပြီးသည့်အတိုင်း ရှုမှတ်အားထုတ်ပြီး ဥဂ္ဂဟနိမိတ်စွဲထင်ရရှိခဲ့သည်။ ထိုအချိန်မှစ၍ ယောဂီပုဂ္ဂိုလ်သည် နှာသီးဝက ထွက်နေ၀င်နေသည့် လေအာရုံရိုးရိုးကိုလွှတ်ကာ (လေအာရုံရိုးရိုးကို မရှုမှတ်တော့ဘဲ) နိမိတ်ကိုသာ စိတ်မှတ်လျှက် (နိမိတ်ကိုသာ အဓိက ကမ္မဋ္ဌာန်းအာရုံအဖြစ်ထားလျှက်) အထက်အဆင့်စသည်သို့ ကူးပြောင်းသင့်ကြောင်း အဋ္ဌကထာကြီးများတွင် မိန့်ဆိုထားသည်။ ထို့ကြောင့် ဤအခန်းတွင် ဒီဃ၊ ရသ (အတိုအရှည်)ရှုနည်းများကို ပြဆိုပါတော့မည်။

အရှည်ရှုနည်းအရ နိမိတ်တန်းဟူသော လေအာရုံကို ရှည်ရှည်ထုတ်၊ ရှည်ရှည်ရှူ၊ သို့မဟုတ် ပြင်းပြင်းမှုတ်၊ ပြင်းပြင်းရှိုက်ရမည်။ လေအာရုံကို တိုတိုထုတ်၊ တိုတိုရှူ၊ သို့မဟုတ် သာသာမှုတ်၊ သာသာရှိုက်ရမည်။ ထိုကဲ့သို့ အတို၊ အရှည်အားဖြင့် ရှူရှိုက်နေသော နိမိတ်ဟူသောလေအာရုံတန်းကို အမှတ်သတိထားပြီး ရှုမှတ်ပွားများ အားထုတ်နေခြင်းကိုပင် တို၊ ရှည်ရှုနည်း(ဒုမှာ တိုရှည်သိ)ဟု ခေါ်ပေသည်။

ဤရုပ်ပုံနံပါတ် ၁၀-တွင် လေနိမိတ်၏ အတိုအရှည်ရှုမှတ်နေပုံကို မြားပြထားသည်။ နှလုံးသွင်းရှုမှတ်ပုံကား မိမိရရှိစွဲမြဲစွာ ထင်မြင်နေသော လေနိမိတ်အာရုံတန်းကို လက်လေးသစ်ခန့် ရှည်ရှည်ထုတ်မည်၊ ပြန်၍ရှိုက်မည်ဟု ရှုမှတ်ရမည်။ ထိုမှတစ်ဆင့် တစ်ထွာခန့်၊ တစ်ပေခန့်၊ တစ်တောင်ခန့်၊ နှစ်တောင်ခန့်၊ သုံးတောင်ခန့် စသည်အားဖြင့် ရှည်ရှည်ထုတ်မည်၊ ပြန်၍ရှိုက်မည်ဟု တစ်ဆင့်ပြီးတစ်ဆင့် ပွားများအားထုတ်ရပါမည်။ ဤအဆင့်သည် မိမိ၏စိတ်ကို သတိပြုပြီး အာရုံကို ထင်ရှားပြတ်သားစေလျှက် ပြဓာန်းထားရသောကြောင့် သတုပ္ပဋ္ဌာနကာရီအဆင့်ဟု အဋ္ဌကထာ၌ ပြဆိုထားသည်။ သို့ဖြစ်၍ မိမိ၏စိတ်ကို ပြောင်းရွှေ့ပေးရခြင်း ဖြစ်သည်။

အားထုတ်ပုံ ထင်ရှားအောင် ဆိုပါအုံးမည်။ လေနိမိတ်တန်း တစ်တောင်ခန့် ရှေ့သို့ ထွက်စေဟု စိတ်ဖြင့် ထွက်လေကို ထုတ်လိုက်သောအခါ လက်နှိပ်ဓာတ်မီးခလုပ်ကို နှိပ်လိုက်ဘိသကဲ့သို့ ထင်းခနဲ့လင်းခနဲ အလင်းတစ်တောင်ခန့် ပြေးထွက်စေရမည်။ တစ်ဖန် မိမိစိတ်ဖြင့် ထိုအလင်းတန်း ပြန်ဝင်လာစေဟု စိတ်ကို ထိုအာရုံနှင့် တစ်ကိုက်တည်းလှစ်ခနဲ ပြန်ဝင်လာစေလျှက် အားထုတ်ရမည်။

နိမိတ်အာရုံတန်းကို တစ်တောင်ခန့်ရှေ့သို့ ထွက်စေဟု နှာသီးဝမှ ထုတ်လေနှင့်မှုတ်လိုက်သောအခါ ဖန်ချောင်းကြီးကို သွင်းလိုက်ထုတ်လိုက် လုပ်နေသကဲ့သို့ အလင်းတန်းကြီး ထွက်လိုက်ဝင်လိုက် လုပ်နေသည်ဟု ထင်မြင်လာတတ်ပါသည်။

ပြဆိုခဲ့ပြီးသော နိမိတ်ရအာနာပါနယောဂီသည် နံပါတ် ၁၁-ပုံမှာကဲ့သို့ တစ်တောင်၊ တစ်လံ စသည် ပို့လွှတ်၍ ရှုမှတ်ရာတွင် ယောဂီလေးမျိုး ကွဲပြားသွားတတ်ပါသည်။ ၎င်းတို့မှာ

၁။ နိမိတ်ကြောင်း၏ အစ၌သာ ထင်မြင်(ထင်ရှား)၍ အလယ်၊ အဆုံးတို့၌ မထင်မြင်သူ (အာဒိလဒ္ဓပုဂ္ဂိုလ်)

၂။ နိမိတ်ကြောင်း၏ အလယ်၌သာ ထင်မြင်(ထင်ရှား)၍ အစ၊ အဆုံးတို့၌ မထင်မြင်သူ (မဇ္စျေလဒ္ဓပုဂ္ဂိုလ်)

၃။ နိမိတ်ကြောင်း၏ အဆုံး၌သာ ထင်မြင်(ထင်ရှား)၍ အစ၊ အလယ်တို့၌ မထင်မြင်သူ (အန္တောလဒ္ဓပုဂ္ဂိုလ်)

၎။ နိမိတ်ကြောင်း၏ အစ၊ အလယ်၊ အဆုံး သုံးဌာနလုံး၌ ထင်မြင်သူ (တယောလဒ္ဓပုဂ္ဂိုလ်) တို့ဖြစ်ပါသည်။ ထိုလေးပါးတို့တွင် နံပါတ်လေးဖြစ်သော တယောလဒ္ဓဖြစ်အောင် အားထုတ်နိုင်သူဖြစ်မှသာ အထက်အထက် အဆင့်တို့သို့ ကူးပြောင်းရှုမှတ်သွားနိုင်လေသည်။

ထိုကဲ့သို့ အစ၊ အလယ်၊ အဆုံး သုံးပါးလုံးတို့ကို ထင်ထင်ရှားရှား ရှုမှတ်နိုင်သော တယောလဒ္ဓပုဂ္ဂိုလ်သည် မိမိပို့လွှတ်လိုက်သော နိမိတ်တန်းကြောင်းမှာ အရင်းအဖျား တညီတညာတည်းရှိလျှက် မီးရထားခေါင်းသင်္ဘောဦးဖျားက အဝေးကြည့် ဆလိုက်မီးတန်း လင်းနေသကဲ့သို့လည်းကောင်း၊ အလွန်အားကောင်းသော လက်နှိပ်ဓာတ်မီးကို ဖွင့်လိုက်သကဲ့သို့လည်းကောင်း၊ ရန်သူ၏လေယာဉ်ပျံကို ထိုး၍ရှာသော ဆလိုက်မီးတန်းကြီးကဲ့သို့လည်းကောင်း ကြည်လင်ပြတ်သားသော နိမိတ်မျိုး ဖြစ်လေတော့သည်။ ဤကဲ့သို့ ပွားများအားထုတ်ရကြောင်းကို “ဣတိ ဗဟိဒ္ဓါ ၀ါ ကာယေ ကာယာနုပဿီ ၀ိဟရတိ”ဟူ၍ ဟောတော်မူထားသည်။

ဤရုပ်ပုံနံပါတ် ၁၂-တွင်လည်း အစ၊ အဆုံးတို့၌ မထင်မြင်၊ အလယ်၌သာ ထင်မြင်သော ယောဂီပုဂ္ဂိုလ်မျိုးကို ပြသထားခြင်း ဖြစ်ပါသည်။ ထိုကဲ့သို့ဖြစ်နေလျှင် အစ၊ အလယ်၊ အဆုံးသုံးပါးလုံးကို ထင်မြင်အောင်အားထုတ်နိုင်သော တယောလဒ္ဓပုဂ္ဂိုလ်ဖြစ်အောင် အားထုတ်ဖို့ တိုက်တွန်းလိုပါသည်။ အစ၊ အလယ်၊ အဆုံးသုံးပါးလုံး၌ ထင်မြင်ပြီး ကြည်ကြည်လင်လင် ပြတ်ပြတ်သားသားဖြစ်မှသာ အာနာပါနဘာဝနာ၏ အထွတ်အထိပ်သို့ ရောက်ရှိပြီး ဘာဝနာဗလ(ဘာဝနာအား)ဖြစ်နိုင်လေသည်။

ထိုကဲ့သို့ ဘာဝနာအားရှိလာသောအခါ အထက်တွင်ပြဆိုခဲ့သော ဆလိုက်မီးတန်းစသော ဥပမာများကဲ့သို့ ထင်မြင်လာပေလိမ့်မည်။ ထိုသို့ နိမိတ်လွှတ်ရာ၊ သိမ်းရာတို့၌ လိုရင်းပဓာနအချက်ကား မြန်မြန်နှင့်လင်းလင်းပြေးစေ၊ ပြန်စေနိုင်ခြင်း၊ ကြီးလိုသမျှ ကြီးစေပြီး ငယ်လိုသမျှ ငယ်စေနိုင်ခြင်း၊ အ၀ါရောင်ဖြစ်စေ၊ ပြာစေ၊ နီစေ၊ စိမ်းစေ၊ ဖြူစေစသော အရောင်အနုအရင့် စသည်အားဖြင့် ယောဂီ၏စိတ်ကြိုက် လိုက်ပါစေခြင်းတို့ပင် ဖြစ်ပါသည်။

ထိုကဲ့သို့ ခန္ဓာကိုယ်ပြင်ပ (ဗဟိဒ္ဓ)သက်သက် ထွက်လေ၀င်လေတို့ကို ပွားများအားထုတ်ရခြင်းသည် ရှေ့တွင်အဓိကအာရုံဖြစ်လတံ့သော ပဋိဘာဂထင်လာစေရန်အတွက် ဖြစ်ပါသည်။ အကယ်၍ လေနိမိတ်ကား ပြေးစေ၊ ပြန်စေအောင် ပြုနိုင်ပါ၏။ အလင်းသဘောမရနိုင်ဘဲ ရှိပါမူ မိမိစိတ်ဖြင့် ဓာတ်မီးချောင်းကြီး မိမိ၏နှာခေါင်းဝမှ ထွက်ရမည်၊ ၀င်ရမည်ဟု စိတ်ဖြင့် ဥပါဒ်၍ (ဖန်ဆင်း၍) အားထုတ်ရမည်။ အချိန်အတိုင်းအတာတစ်ခုထိ အားထုတ်ပြီးသောအခါ အမှန်တကယ် လင်းထိန်နေသော ပဋိဘာဂနိမိတ်အလင်းတန်းကြီး ထင်ရှားဖြစ်ပေါ်၍ လာပေလိမ့်မည်။ နေမွန်းတည့်အချိန်တွင် ထွက်ပေါ်နေသော စူးရှနေသော နေမင်းကြီး၏အလင်းရောင်ကဲ့သို့ မိမိ၏ အလင်းနိမိတ်ကို လင်းထိန်နေအောင် စိတ်ကပြုပြင်ဖန်ဆင်း၍ ဆထက်ထမ်းပိုး ကြိုးစားအားထုတ်ကြရပါမည်။

ဒုမှာ တိုရှည်သိ (၂)

အလင်းနိမိတ်ရသည်အထိ အားထုတ်ပြီးသောအခါ ရှေ့ဆက်၍ အားထုတ်ဖွယ်များ ရှိပါသေးသည်။ မည်သည့်အရာမဆို ရအောင်အားထုတ်ဖို့ လိုအပ်သကဲ့သို့ ရပြီးသည်ကို မပျောက်ပျက်အောင် ထိန်းသိမ်းဖို့လည်း လိုအပ်ပါသည်။ မပျောက်ပျက်အောင် ထိန်းသိမ်းနိုင်ဖို့အတွက် နည်းတစ်နည်းသာ ရှိပါသည်။ ၎င်းမှာ အခြားမဟုတ် ဆက်လက်ပြီး ကြိုးစားအားထုတ်ခြင်းပင် ဖြစ်သည်။ အကြိမ်ကြိမ်အထပ်ထပ် အားထုတ်မှု (ဘာဝနာ၊ ဘာဝေတဗ္ဗ၊ ဗဟုလီကတ၊ အနုယုဉ္ဖန္တ)သည်ပင် ရှေ့အမှတ်သတိက နောက်အမှတ်သတိအား (အာသေ၀န၊ ဥပနိဿယ၊ အနန္တရ၊ သမနန္တရ စသောပစ္စည်းများဖြင့်) အဆင့်ဆင့် ကျေးဇူးပြုအားပေးပေလိမ့်မည်။ သို့မှသာ ဘာဝနာသည် (ဗလ၀တရ) အရှိန်ပြင်းပြစွာ အားရှိ လာလေတော့သည်။

ထိုသို့ အာနာပါနဘာဝနာအားရှိသည်ထက် အားရှိလာသောအခါ နေတစ်ရာ၊ လတစ်ရာတို့ထက် ပို၍လင်းသော အလင်းနိမိတ်များကို ရလာတတ်ပါသည်။ ထွက်လေ၀င်လေပဋိဘာဂနိမိတ်သို့ သိသိသာသာ သက်ရောက်လာတတ်သည်။ အာရုံနိမိတ်ထင်ရှားစွာ ထင်လာမြင်လာပြီဖြစ်၍ သုံးဆယ့်တစ်ဘုံအတွင်း ထွင်းဖောက်ခါ မြင်နိုင်စွမ်းသော ဒိဗ္ဗစက္ခုတန်ခိုးကို ရရှိနိုင်ပေသည်။

ထိုအခါ မိမိဖူးမြော်လိုသော ဘုရားစေတီအဆူဆူကို စိတ်က ရည်ရွယ်ပြီး နံပါတ် (၁၃)ပုံအတိုင်း ဖူးမြော်နိုင်စွမ်း ရှိလာပေလိမ့်မည်။ လေအာရုံအလင်း ပဋိဘာဂနိမိတ်တန်းကြီးသည် မြင်လိုရာ ဘုရားစသော အရာဝတ္ထုတို့အထိ သွယ်တန်းလျှက် ဆလိုက်မီးမိ၍နေသောလေယာဉ်ပျံကဲ့သို့ အရောင်အလင်းတန်း၏အဆုံးမှာ ထင်ထင်ရှားရှား ပေါ်ထွက်လာပြီး ဖူးတွေ့ရပေလိမ့်မည်။ အထက်ပါပုံသည် ကျိုက်ထီးရိုးဘုရားကို ဖူးမြော်နေပုံဖြစ်ပါသည်။ အခြားသော စေတီပုထိုးများကိုလည်း ရရှိထားသောအလင်းနိမိတ်ဖြင့် သွားရောက်ဖူးမြော်နိုင်ကြလေသည်။ မြန်မာပြည်ရှိ တန်ခိုးကြီးဘုရားစေတီများ၊ အိန္ဒိယရှိ သံဝေဇနိယလေးဌာနစသော အထွတ်အမြတ်နေရာများနှင့် စေတီပုထိုးများ၊ သီရိလင်္ကာရှိ ဗုဒ္ဓမြတ်စွယ်တော်၊ ဗောဓိညောင်ပင်စသော ပူဇော်ထိုက်သောနေရာများ၊ နတ်ပြည်၊ ဗြဟ္မာ့ပြည်ရှိ စူဠာမဏိစေတီ၊ ဒုဿစေတီစသော လူ့ပြည်၊ နတ်ပြည်ဘုရားများကိုလည်း အထက်ပါအတိုင်း ပကတိမျက်စိဖြင့် တွေ့မြင်နေရသကဲ့သို့ ပို့လွှတ်ဖူးမြော်နိုင်စွမ်းရှိလာပေလိမ့်မည်။

ထိုထက်ပို၍ ဘာဝနာအစွမ်းများ ပြည့်စုံလာသောအခါ ရှေးရှေးကမ္ဘာက ပွင့်တော်မူကြကုန်သော ဒီပင်္ကရာ၊ မေဓင်္ကရာ၊ ပဒုမုတ္တရ၊ ၀ိပဿီစသော ဘုရားရှင်များ၏ ဇာတိ၊ စုတိစသော အဖြစ်အပျက်များကိုပင် မြင်လာနိုင်ကြောင်း အဋ္ဌကထာကျမ်းကြီးများ၌ ပြဆိုထားသည်။

နံပါတ် ၁၄-တွင် ပြဆိုထားသည့်အတိုင်းလည်း ခရေပွင့်ပြထားရာ ငယ်ထိပ်၊ ပုခုံးစသော ဌာနများမှလည်းကောင်း၊ ကြွင်းကျန်သောခန္ဓာကိုယ်အစိတ်အပိုင်းများမှလည်းကောင်း အလင်းပဋိဘာဂနိမိတ်တန်းကြီး ပြေးစေပြန်စေရအောင် အားထုတ်ရပါမည်။ အမှန်တကယ် ကြိုးစားမှုရှိပါက အခက်အခဲ များစွာ မတွေ့နိုင်တော့ပေ။ ပါရမီအထူးရှိ၍ ထူးကဲစွာ ကြိုးပမ်းအားထုတ်သောသူတို့မှာ ဗြဟ္မာမင်း၏လက်ညှိုးကဲ့သို့ တစ်ကိုယ်လုံးမှ စကြာဝဠာအနန္တကို ထွင်းဖောက်ပြေးသွားစေနိုင်ပေလိမ့်မည်။

နံပါတ် ၁၄-ရုပ်ပုံ၏ သဘောတရားအထူးမှာ အားထုတ်သူယောဂီသည် “ငါ၏ အလင်းနိမိတ်ကို အကြင်အရပ်သို့ ပြေးစေရောက်စေမည်၊ ထိုအရပ်မှတစ်ဖန်ပြန်လာစေမည်”ဟု ပို့လွှတ်အရပ်ကို သက်မှတ်ပြီး ပို့လွှတ်တိုင်း ပို့လွှတ်တိုင်း ထွက်လေနှင့် တစ်ပြိုင်တည်းဖြစ်စေရသကဲ့သို့ ပြန်လာတိုင်းပြန်လာတိုင်း ၀င်လေနှင့်တစ်ပြိုင်တည်း ဖြစ်စေရမည်။ မိမိစိတ်က မြန်မြန်အာရုံပြုပေးရသည်။

လေထုတ်လေသွင်းကိုလည်း လွှတ်လိုရာအရပ်သို့ စိတ်က ပြောင်းရွှေ့ပြီး ရှူစေ၊ ထုတ်စေရမည်။ ဥပမာအားဖြင့် အလင်းနိမိတ်သည် ဗြဟ္မာ့ပြည်သို့တိုင်အောင် ထုတ်လိုက ထွက်လေသည် ငယ်ထိပ်မှ ထွက်သည်။ ထိုထွက်လေမကုန်ဆုံးမီ ဗြဟ္မာ့ပြည်ကို ကျော်တက်၍သွားသည်ဟု ထွက်လေကို ပြောင်းပေးရမည်။ ၀င်လေနှင့်ပြန်၍ အလင်းတန်းကြီးကို ဆွဲချလိုက်သောအခါမှာလည်း ၀င်လေသည် ငယ်ထိပ်အတိုင်း ပြန်ဝင်သွားသည်၊ ရှူသည်၊ ရှိူက်သည်ဟု ပကတိလေကို စိတ်အမှတ်ကပြောင်းရွှေ့ပေးရမည်။ သို့မှသာ ဘာဝနာပွား၍ ရပေလိမ့်မည်။ ဤအရာ၌ မိဂဇာတ်တော်တွင် ပဲခင်းရှင်၏ ပိုက်ကွန်အတွင်းမှ လွတ်မြောက်၍ လျင်မြန်စွာထပြေးသော သမင်းငယ်ကဲ့သို့ လေရှူ၊ လေမှုတ်၊ လေသွင်း၊ လေထုတ်ကို နားလည်နိုင်ပါသည်။ (အကျယ်ကို ၀ဋ္ဋပါရဂူကျမ်း၊ အာနာပါနပါရဂူကျမ်းများတွင် ကြည့်ရှူနိုင်ပါသည်)။

ဒုတိယအဆင့်ကို အားထုတ်ကြရာတွင် အဿာသပဿာသဟူ၍ ဟောတော်မူသော်လည်း မိမိနှာသီးဝမှ ပကတိနေ့စဉ်ဝင်ထွက်နေသော လေရိုးရိုးကို ဟောတော်မူလိုရင်း မဟုတ်ပေ။ ပဋိဘာဂနိမိတ်ကို ဟောတော်မူသည်ဟု မှတ်ရပါမည်။ (အဿာသပဿာသေ နိဿာယ ဥပ္ပန္နနိမိတ္တမေတ္ထ အဿာသပဿာသသမညမေ၀ ၀ုတ္တံ)။

အထူးသတိပြုရန်မှာ ပထမအဆင့် အားထုတ်စဉ်က ခိုင်ခိုင်မြဲမြဲ စွဲတည်ခဲ့သော နိမိတ်ရှိသောကြောင့် ဤဒုတိယအဆင့်သို့ တိုး၍ လွယ်လွယ်ကူကူ အားထုတ်နိုင်ခြင်းဖြစ်သည်။ အခိုက်အတန့်ပေါ်သော နိမိတ်မျိုးဖြင့် ဤအဆင့်အထိရောက်အောင် အားထုတ်နိုင်လိမ့်မည် မဟုတ်ပေ။ အမျိုးအစားသုံးမျိုးကို မှတ်သားသင့်ပေသည်။ ၎င်းတို့မှာ

၁။ အခိုက်အတန့်သာ နိမိတ်ရတတ်သော ဥပဋ္ဌာနသား၊

၂။ အခိုက်အတန့် နိမိတ် ဥပဋ္ဌာနအဖြစ်မှ စွဲစွဲမြဲမြဲတည်သော အခြေအနေရောက်လျှင် ဥဂ္ဂဟသား၊

၃။ ပထမအဆင့်တွင် ကြိုးစားအားထုတ်သော်လည်း နိမိတ်ကား မရခဲ့။ သို့ရာတွင် မှတ်တိုင်းမှတ်တိုင်း အမှားမရှိ ရေတွက်အားထုတ်နိုင်လျှင် မဏ္ဍလသားတို့ ဖြစ်ပေသည်။

နိမိတ်မရရှိသေးသော်လည်း မဏ္ဍလသားအဆင့်ဖြစ်သောသူကိုလည်း ဒုတိယအဆင့်သို့ ကူးပြောင်းအားထုတ်စေသင့်သည်ဟု ကျေးဇူးရှင်ဆရာတော် မိန့်တော်မူသည်။ ရှေ့တိုးထိုင်၊ နောက်ဆုတ်ထိုင်၊ ငုတ်တုတ်ထိုင် ပုဂ္ဂိုလ်သုံးယောက်စလုံး အပြီးအဆုံးသို့ ရောက်နိုင်ကြမည် မဟုတ်ပေ။ ရှေ့တိုးထိုင်မဏ္ဍလသားသာလျှင် ခရီးလမ်းဆုံး သွားနိုင်ပေမည်။ ငုတ်တုတ်ထိုင်၊ နောက်ဆုတ်ထိုင်တို့ကား ဆက်လက်အားထုတ်နိုင်ကြလိမ့်မည် မဟုတ်ပေ။

(မှတ်ချက်။ ။ အထက်ပါ ရှေ့တိုးထိုင်စသော ပုဂ္ဂိုလ်သုံးမျိုးအကြောင်းကို ဤတွင် ဖတ်ရှုနိုင်သည်။ အထူးပြုရှင်းလင်းထားချက်ကား မဟုတ်ပေ။ အထိုက်အလျှောက် သဘောပေါက်စေပါလိမ့်မည်။)

ထို့အပြင်

၁။ အဿာသပုဂ္ဂိုလ် (ထွက်လေကိုသာ မှတ်နိုင်ပြီး ၀င်လေကို မမှတ်နိုင်သူ)

၂။ ပဿာသပုဂ္ဂိုလ် (၀င်လေကိုသာ မှတ်နိုင်ပြီး ထွက်လေကို မမှတ်နိုင်သူ)

၃။ အဿာသပဿာသပုဂ္ဂိုလ် (ထွက်လေ၊ ၀င်လေနှစ်မျိုးလုံးကို ထင်ရှားပြတ်သားစွာ မှတ်နိုင်သူ)ဟုလည်း သုံးမျိုးသုံးစားရှိလေသည်။ ထိုသုံးမျိုးလုံး အာနာပါနဘာဝနာကို ရနိုင်သည်ဖြစ်၍ ကြိုးစားအားထုတ်ကြရန် တိုက်တွန်းလိုက်ရပါသည်။

ဒုမှာ တိုရှည်သိ (၃)

နံပါတ် ၁၅-ပုံသည် အာနာပါနဒုတိယအဆင့် အရှည်၊ အတိုရှုနည်းတွင် အဓိကအချုပ်စခန်း ဖြစ်ပေသည်။ ဤအဆင့်တွင် ယောဂီတိုင်းယောဂီတိုင်း စေ (၈)ချက်ကို ပိုင်ပိုင်နိုင်နိုင် ရှုမှတ်ဖို့ အရေးကြီးပေသည်။ ထိုစေ ၈-ချက်ကို ပိုင်နိုင်စွာ အားထုတ်နိုင်ပါက တတိယအဆင့်သို့ ကူးပြောင်းအားထုတ်သင့်တော့သည်။ မနိုင်မနင်းဖြစ်နေသေးလျှင်ကား မကူးပြောင်းသင့်သေးပါ။ လိုရာခရီးမရောက် ဖြစ်သွားတတ်ပါသည်။ စေ ၈-ချက်ဆိုသည်မှာ -

၁။ ထောင်စေ

၂။ လဲစေ

၃။ ကွေးစေ

၎။ ကောက်စေ

၅။ ကြီးစေ

၆။ ငယ်စေ

၇။ တိုစေ

၈။ ရှည်စေ တို့ဖြစ်ပါသည်။

ထောင်စေဟု ရှုမှတ်လိုက်လျှင် မည်သည့်ဌာနကထုတ်ထုတ် အထက်သို့သာ၍ အဆုံးမရှိ ထောင်နေအောင် အားထုတ်ရမည်။ လဲစေဟု ရှုလိုက်လျှင်လည်း မည်သည့်ဌာနကထုတ်ထုတ် အတန်းလိုက် အဆုံးမရှိလဲနေအောင် အားထုတ်ရမည်။

ကွေးစေဟု ရှုလိုက်လျှင်လည်း ပုံပြအတိုင်း မှုတ်လေနှင့် လခြမ်းသဏ္ဍာန်ကွေးကာ နားတစ်ဖက်မှ နားတစ်ဖက်၊ ပုခုံးတစ်ဖက်မှ ပုခုံးတစ်ဖက်၊ ရင်ဝမှ နောက်ကျော၊ ဒူးတစ်လုံးမှ ဒူးတစ်လုံးအထိ အကျယ်အ၀န်း လိုသလောက်ချဲ့၍ ရောက်အောင်ပို့ရမည်။ တစ်ဖန် ရှိုက်လေနှင့်အကွေးအတိုင်းပြန်၍ နှာခေါင်းဝ သို့မဟုတ် စတင်လွှတ်ရာဌာနသို့ပြန်ရောက်အောင် မြန်မြန်ပြေး မြန်မြန်ပြန်စေရမည်။

ကောက်စေဟု ရှုမှတ်ရာတွင်လည်း အလင်းနိမိတ်ကို လိုသလောက်ကောက်စေလျှက် အပို့အယူလုပ်ကာ အားထုတ်ရသည်။ ဥပမာအားဖြင့် ထုတ်လေနှင့်မန္တလေးတောင်၊ ထိုတောင်မှတစ်ဆင့် ကျိုက်ထီးရိုးဘုရားသို့အရောက် လိုသလိုကောက်စေပြီးလျှင် လေထုတ်၍ပြေးပို့၊ လေရှူ၍ပြန်လာစေအောင် အားထုတ်ရသည်။

(ကြီးစေ၊ ငယ်စေဟု ရှုမှတ်ရာတွင်လည်း မိမိရရှိထားသောအလင်းနိမိတ်ပမာဏကို ကြီးစေ၊ ငယ်စေဟု ရှုမှတ်ရသည်။ တိုစေ၊ ရှည်စေဟု ရှုမှတ်ရာတွင်လည်း အလင်းနိမိတ်ကို တိုစေ၊ ရှည်စေဟု အမျိုးမျိုး ဖန်တီးနိုင်စွမ်းရှိအောင် (မိမိအလိုသို့လိုက်အောင်) အားထုတ်ရသည်။ အကျယ်ကို ဒဿနပါရဂူကျမ်းတွင် လေ့လာနိုင်ပါသည်။ အထူးမှာလိုသည်မှာ ဤအခန်းကို ရှုမှတ်ရာတွင် ဆရာမရှိဘဲ အားထုတ်၍ မလွယ်ကူနိုင်ပေ။ အနီးကပ်ညွှန်ပြသူ ဆရာရှိမှသာ ခရီးရောက်နိုင်ပေသည်။ ထိုအပြင် အားထုတ်ပုံကို တသမတ်တည်း ပုံသေမှတ်ထားရမည်ဟု မဆိုလိုပါ။ စေ ၈-ချက်တွင် မိမိနှစ်သက်သလို၊ မိမိဉာဏ်ရှိသလို ရှုမှတ်နိုင်ကြသည်။ အဓိကရည်ရွယ်ချက်မှာ ရရှိထားသောနိမိတ်ကို ပိုင်ပိုင်နိုင်နိုင် စေစားနိုင်မှုကို စမ်းသပ်ခြင်းပင် ဖြစ်ပါသည်။(တင်ပြသူ)

ဖော်ပြပါ နံပါတ် ၁၆-ပုံကား နောက်တွင် ပြခဲ့ပြီးသည့်ပုံများအတိုင်း အလင်းပဋိဘာဂနိမိတ်ကို အချောင်းလိုက်မလွှတ်တော့ဘဲ ကွမ်းသီးလုံးခန့်၊ သံပရာသီးခန့်၊ ရှောက်သီးခန့်၊ အုံးသီးခန့်၊ တင်းတောင်းခန့်၊ ရာဝင်အိုးခန့်၊ အိမ်ကြီး၊ တောင်လုံးကြီးခန့်….မိမိလိုသလို အကြီးအငယ်ဖန်တီးကာ လွှတ်၍လွှတ်၍ အားထုတ်ရပုံကို ပြသထားခြင်း ဖြစ်ပေသည်။

အလုံးပဋိဘာဂကို လွှတ်ရာတွင် ထုတ်လေနှင့်အပြေး၊ ရှူလေနှင့်အပြန် တစ်ပြိုင်တည်း တစ်ထပ်တည်းဖြစ်အောင် မြန်မြန်အာရုံပြုပြီး အားထုတ်ရသည်။ အရောင်အဆင်းကို အ၀ါ၊ အဖြူ၊ အနီ၊ အပြာစသည်ဖြင့် အမျိုးမျိုး ဥပါဒ်ပေးကာ လွှတ်နိုင်အောင် ကြိုးစားရသည်။ အရေးအကြီးဆုံးမှာ အလင်းနိမိတ်ကို လင်းသထက်လင်းစေဖို့နှင့် အရောင်အမျိုးမျိုး ဥပါဒ်ပေးနိုင်ဖို့သာ ဖြစ်ပါသည်။

တစ်ချို့အရပ်များတွင် ကလေးများသည် စပါးရိတ်သိမ်းချိန်ရောက်လျှင် ပင်လုံးကြီးသောစပါးပင်ကို ညီညီညာညာဖြတ်ပြီး အဖျားတစ်ဖက်တွင် အစိတ်အစိတ် ဖြာပြီးခွဲထားသည်။ ပြီးလျှင် ထိုပင်လုံးထိပ်တွင် ရွှံ့လုံးငယ်လေးကို တင်ပြီး အောက်ပိုင်းအဆစ်မှ ပါးစပ်ဖြင့်မှုတ်ပေးကာ ကစားကြသည်။ ကြူလုံးများဖြင့်လည်း ကစားကြသည်ဖြစ်၍ ကြူလုံးမှုတ်ကစားနည်းဟု ခေါ်သည်။ ထိုသို့မှုတ်ပေးရာတွင် လေအားများလျှင် အဆိုပါ ရွှံ့လုံးလေးမှာ အပေါ်သို့မြင့်မြင့် တက်သည်၊ လေအားလျှော့လိုက်လျှင် ပြန်ပြန်ကျလာသည်။ တစ်နည်းအားဖြင့် ခပ်ပြင်းပြင်းမှုတ်က အပေါ်သို့ မြင့်မြင့်တက်သည်၊ အားနည်းနည်းဖြင့်မှုတ်က အပေါ်သို့ နည်းနည်းသာ တက်သည်။ ထိုသို့ မြင့်ချည်၊ နိမ့်ချည်ဖြစ်နေသကဲ့သို့ အလင်းနိမိတ်ကို မှုတ်လေနှင့် လိုရာအရပ်သို့ရောက်အောင် မြန်မြန်မှုတ်၍ ရှိုက်လေနှင့် ပြန်ယူလိုက်သောအခါ လှစ်ခနဲပြန်ပါလာပြီး နှာခေါင်းသို့ပြန်ဝင်လာသောလေနှင့် တစ်ပြိုင်တည်း၊ တစ်ချိန်တည်း ပြေးအောင်ပြန်အောင် အားထုတ်ရမည်။ သဘောပေါက်အောင် စဉ်းစားပြီး ရှုမှတ်ကြနိုင်ကြပါသည်။

သဘောကိုသိလျှင် မည်သည့်အလုပ်မျှ မခက်ပါ။ မည်သည့်အလုပ်တွင်ဖြစ်စေ သဘောတရားသည် အရေးကြီးပါသည်။ သဘောတရားကို သေချာပိုင်နိုင်ပါက လွယ်လွယ်နှင့်ပြီးနိုင်ကြောင်း သိရသည်။ ဤအလုပ်တွင်လည်း သဘောပိုင်နိုင်ဖို့က အရေးကြီးလှပေသည်။

ဒုတိယအဆင့် ဒုမှာ တိုရှည်သိ ပြီးပြီ။

သုံးချက်သိမှာ တတိယာ

ယောဂီပုဂ္ဂိုလ်သည် မိမိရရှိခဲ့သော အလင်းနိမိတ်ကို ခန္ဓာကိုယ်တစ်ခုလုံးကို ပြန့်နှံ့စေလျှက် ထွက်လေ၊ ၀င်လေကို ဖြစ်စေ၍ အားထုတ်ရခြင်းသည် တတိယအဆင့် အာနာပါနအားထုတ်နည်းပင် ဖြစ်ပါသည်။ ကျေးဇူးရှင်လယ်တီဆရာတော်ဘုရားကြီးကလည်း ဤအဆင့်ကို “လုံးစုံလင်းရာ တ-၌သာ”ဟု မိန့်ဆိုတော်မူခဲ့ခြင်း ဖြစ်ပါသည်။

ဖော်ပြပါ ရုပ်ပုံနံပါတ် ၁၇-ပုံတွင် ပြဆိုထားသည့်အတိုင်း ဗဟိဒ္ဓနည်းဖြင့် နိမိတ်စားရပုံကို ပြဆိုပါမည်။ ဤနည်းဖြင့် ခန္ဓာကိုယ်ကို မိမိရရှိခဲ့ပြီးသော အဿာသပဿာသပဋိဘာဂအလင်းနိမိတ်ဖြင့် ကျေသုံးပျောက်ပျက်ခြင်းဖြစ်အောင် စားရခြင်းသည် ငါးဆင့်မြောက်ဝိပဿနာအားထုတ်ရာတွင် အကျိုးကျေးဇူးအလွန်များသည်။ နိမိတ်စားခြင်းသည် ၀ိပဿနာသို့ဆိုက်အောင် အားထုတ်မည့်ယောဂီအတွက် အလွန်ကို အရေးကြီးပါသည်။ မိမိ၏ခန္ဓာကိုယ်တစ်ခုလုံး သုညတသဘောဆိုက်ကာ ကွယ်ပျောက်သွားသည့်တိုင်အောင် နိမိတ်နှင့်တိုက်ဖျက်ပစ်ခြင်းကို နိမိတ်စားသည်ဟု ဆိုရပါသည်။ ထိုနိမိတ်စားခြင်းမှာလည်း ဒေါင်လိုက်စားနည်း၊ အလျားလိုက်ကန့်လန့်စားနည်းဟု နှစ်မျိုးရှိသည်။

နံပါတ် ၁၇-ရုပ်ပုံသည် ဒေါင်လိုက်စားနည်းအစကို ပြသထားခြင်းဖြစ်သည်။ အားထုတ်ရမည့်အစီအစဉ်မှာ နိမိတ်ကို လက်ညှိုးခန့်အတုတ်ကိုဖြစ်စေပြီး မိမိ၏ ငယ်ထိပ်တည့်တည့်မှ အရှည် ၆-တောင်ခန့် မှုတ်လေနှင့်မှုတ်၍ ထုတ်လိုက်ရမည်။ ထွက်လေမဆုံးမီ မိမိ၏ငယ်ထိပ်တည့်တည့်မှ ဖန်မီးချောင်းကြီး ဒေါင်လိုက်စိုက်ထားသကဲ့သို့ တလက်လက်တထိန်ထိန် ထွန်းလင်းတောက်ပနေပေလိမ့်မည်။ အစွမ်းကုန် လင်းပြီး အရောင်များတောက်ပနေပါစေ။ စေ ၈-ချက်ပိုင်လျှင် အလွန်လွယ်ကူပါသည်။

နံပါတ် ၁၈-ရုပ်ပုံသည် နံပါတ် ၁၇-တွင်ပြခဲ့သော လက်ညှိုးခန့်နိမိတ်ကို ရာဝင်အိုးကြီးခန့် (ကြီးစေ အားထုတ်နည်းအတိုင်း) အကြီးချဲ့ရပုံကို ပြသထားခြင်း ဖြစ်ပါသည်။ အကြီးချဲ့ရခြင်း၏ ရည်ရွယ်ချက်မှာ ခန္ဓာကိုယ်ကြီးကို အလင်းနိမိတ်ဖြင့် တိုက်ဖျက်ရာတွင် တစ်ကိုယ်လုံးကို လွယ်လွယ်နှင့် ငုံမိစေရန် ဖြစ်ပါသည်။ အရှည် ၆-တောင်ခန့်သာ ထားရခြင်းမှာလည်း အထက်အောက် ဆွဲချ၊ ဆွဲတင်ပြုလုပ်အားထုတ်သောအခါ ထုတ်လေ၊ မှုတ်လေတို့နှင့် မြန်မြန်ကိုက်မိစေရန် မပင်ပန်းစေရန်သာ ဖြစ်ပါသည်။

နံပါတ် ၁၈-ပုံအတိုင်း ချဲ့ပြီးသောအလင်းနိမိတ်ကြီးသည် မိမိ၏ဦးခေါင်းပေါ်တွင် အလွန်လင်းသောပြာသာဒ်ကြီးကို ရွက်ထားသကဲ့သို့လည်းကောင်း၊ မီးကြည်တိုင်ကြီးကို ရွက်နေရသကဲ့သို့လည်းကောင်း၊ ဦးခေါင်းပေါ်တွင် မီးတိုင်မီးတောင်ကြီး ရှိနေသကဲ့သို့လည်းကောင်း ထင်မြင်ပေလိမ့်မည်။

နံပါတ် ၁၇၊ ၁၈-ပုံများအတိုင်း နိမိတ်ထုတ်ရခြင်း၊ အကျယ်ချဲ့ပေးရခြင်းတို့မှာ ထုတ်လေတစ်မျိုးတည်းနှင့်သာ ထုတ်ရချဲ့ရပေသည်။ ထိုသို့ထုတ်၍ထားသောနိမိတ်ကို အကျယ်ချဲ့ရာ၌လည်း ရာဝင်အိုးခန့်ထုတ်သော နိမိတ်ကြီးတစ်ခုလုံးကို အရောင်အလင်းညီမျှအောင် သတိပြုအားထုတ်ရမည်။ မလင်းသေးလျှင်လည်း လင်းလာအောင် စိတ်ကပြုပြင်ဖန်တီး၍ အားထုတ်နိုင်သည်။ မှိန်မှိန်မှေးမှေးသာဖြစ်နေသေးသော အာရုံနိမိတ်များနှင့် မရှုမှတ်ရ။ လင်းအောင်အားထုတ်ပြီးမှသာ ညွှန်ကြားချက်အတိုင်း အားထုတ်ရမည်။ လိုအပ်သောအတိုင်းအတာရှိမှသာ အောက်ဖော်ပြပါ နံပါတ် ၁၉၊ ၂၀၊ ၂၁-ပုံများအတိုင်း အားထုတ်ရမည်။

အချို့ပရိယတ္တိသမား(စာပေသမား)များက ဤကဲ့သို့ နိမိတ်စားခြင်းသည် ဘုရားမဟော၊ ကျမ်းဂန်တွင် မပြ၊ အပိုအလုပ်များဟု ဆိုကြသည်။ သို့သော်လည်း ဘာဝေတဗ္ဗ၊ သမ္ဗန္ဓာဟာရ၊ ၀ိတက္ကာဟတဟု ကျယ်ဝန်းစွာ ဟောထားသောကြောင့် အပိုအလုပ်မဟုတ်၊ ၀ိပဿနာဉာဏ်အမြင် ကြည်လင်သန့်ရှင်းစေရန်နှင့် အထက်အထက်တက်နိုင်စေရန် ညွန်ပြအားထုတ်စေရခြင်း ဖြစ်ပါသည်။

ဤနိမိတ်စားရခြင်းနှင့် သုံးချက်ရှုရခြင်းတို့သည် သတောဒုက္ကရကာရီအဆင့်ဖြစ်သောကြောင့် သတိကို မြဲမြဲမြံမြံ ခိုင်ခိုင်မတ်မတ်ထားပြီး ငြိုငြင်စွာ အားထုတ်ရပါသည်။ အနီးကပ်ညွှန်ပြသူ ဆရာရှိမှသာ အဓိပ္ပာယ်ရှင်းလင်းလွယ်ကူပြီး အားထုတ်မှ ပို၍အဆင်ပြေနိုင်ပါသည်။ ဤကျမ်းတွင် ပြဆိုပြီး၊ ပြဆိုဆဲ၊ ပြဆိုလတံ့ဖြစ်သော ရုပ်ပုံများအရ လိုက်နာအားထုတ်နေခြင်းသည် ဘာဝနာပွားနေခြင်းပင် ဖြစ်ပါသည်။ အကြိမ်ကြိမ်အထပ်ထပ် အားထုတ်နိုင်လေလေ ဘာဝနာကုသိုလ်ရလေလေ ဖြစ်သည်။ တစ်နည်းအားဖြင့် အဓိစိတ္တမဂ္ဂင်၊ အဓိစိတ္တသိက္ခာအလုပ်ကို ကျင့်ဆောင်နေခြင်းလည်း ဖြစ်ပါသည်။ သမ္မာဝါစာ၊ သမ္မာကမ္မန္တ၊ သမ္မာအာဇီဝ၊ သမ္မာဝါယာမ၊ သမ္မာသတိ၊ သမ္မာသမာဓိဟူသော မဂ္ဂင် ၆-ပါးကို ထူထောင်နေခြင်းဟုဆိုလည်း မမှားနိုင်ချေ။ ထိုအကျင့်ဖြင့် ယောဂီပုဂ္ဂိုလ်တို့၏သန္တာန်၌ ကုသိုလ်စိတ်တို့သည် လွန်ကြူးကုန်၏။ ထိုကဲ့သို့ လွန်ကဲသော ဘာဝနာကုသိုလ်ရှင်၊ သမာဓိရှင်ဖြစ်နေသော ယောဂီပုဂ္ဂိုလ်သည် စိတ်တန်ခိုးကြီးမားလှရကား မည်ကဲ့သို့ပွားများပွားများ ခဲခဲယဉ်းယဉ်း မရှိနိုင်တော့။ လွယ်လွယ်နှင့်သာ ပြီးမြောက်နိုင်ပေတော့သည်။

သို့ဖြစ်၍ ဖော်ပြပါ ၁၉၊ ၂၀၊ ၂၁-ရုပ်ပုံများအတိုင်း ရှိုက်လေနှင့်နိမိတ်ပါလာပုံ၊ အာရုံညွှတ်၍ရလာပုံများမှာ ၁၇၊ ၁၈-ပုံတို့တွင်ပြထားသည့်အတိုင်း အကြီးချဲ့ပြီးနောက်တစ်ဆက်တည်း ရှိုက်လေနှင့် မိမိအောက်သို့အရောက် ဆွဲပြီး သိမ်းလိုက်ရပုံများ ဖြစ်ပါသည်။ ဆွဲစ၊ ဆွဲလယ်၊ ဆွဲဆုံး၏နောက်တွင် နံပါတ် ၂၁-ပါပုံအတိုင်း အလင်းနိမိတ်က အောက်ကဖြစ်၍ နေပါလိမ့်မည်။

ထိုပုံများအတိုင်း ဆွဲချလိုက်ပြီးသောအခါ မီးလုံးကြီး မိမိ၏ကိုယ်ပေါ်သို့ ကျလာသကဲ့သို့လည်းကောင်း၊ သက်တံ့ကြီးကျလာသကဲ့သို့လည်းကောင်း။ ရေတံခွန်ကြီး ခန္ဓာကိုယ်ပေါ်သို့ ကျလာသကဲ့သို့လည်းကောင်း ထင်မြင်လာတတ်ပါသည်။ နံပါတ် ၂၁-ပုံပါအတိုင်း ဖန်ကြည်မှန်ကြည်တိုင်ကြီး၏အပေါ်တွင် ထိုင်နေရသကဲ့သို့ နိမိတ်၏အပေါ်တွင် ထိုင်နေရပုံကို ထင်မြင်လာပေလိမ့်မည်။

နံပါတ် ၁၈-ပုံအတိုင်း ချဲ့ပြီးသောနိမိတ်ကို ရှိုက်လေနှင့်တစ်ချက်တည်း နံပါတ် ၂၁-ပုံအတိုင်းပြီးသွားအောင် ဆွဲချလိုက်ရပါမည်။ အစတွင် ယောင်ဝါးဝါးဖြစ်နေတတ်ပါသည်။ သို့သော်လည်း သဘောပိုင်သောအခါ မုဆိုးစိုင်သင်ဆိုသကဲ့သို့ အကြိမ်များစွာအားထုတ်ဖန်များပြီး ကမ္မဋ္ဌာန်းပါးဝလာလျှင် အစဉ်ချောကာ အားထုတ်၍ အဆင်ပြေလာပါလိမ့်မည်။

တင်ပြသူ = အရှင်ကုသလသာမိ

Copyright © 2009-2010 | International Kanni Foundation | Website Designed by Ko Myo (Dhamm

သုံးချက်သိမှာ တတိယာ (၂)

သုံးချက်သိမှာ တတိယာ (၃)

နိမိတ်စားရပုံ နည်းတစ်နည်းကို ဆက်လက် ပြဆိုပါအုံးမည်။ အလျားကန့်လန့်စားနည်းဟု ခေါ်ပါသည်။ ပြဆိုခဲ့ပြီးသောနည်းမှာ အထက်နှင့်အောက် မုန့်ထောင်းသလို တိုက်ဖျက်ရသောကြောင့် ဒေါင်လိုက်စားနည်းဟု ခေါ်သည်။ အခုစားနည်းမှာ ကန့်လန့်လွှဆွဲသကဲ့သို့သော စားနည်းဖြစ်လေသည်။ ဤမျှသာထူးပါသည်။ အကျိုးသဘောကား အတူတူပင် ဖြစ်ပါသည်။

ဖော်ပြပါ နံပါတ် ၂၇-ပုံသည် ကန့်လန့်နိမိတ်စားရန် နားတစ်ဖက်မှ မှုတ်သောထွက်လေနှင့် နိမိတ်ထုတ်ထားရပုံကို ပြသထားခြင်းဖြစ်ပါသည်။ ထုတ်ပုံမှာ မှုတ်သောလေနှင့် ငါ၏နားတစ်ဖက်မှ အတုတ်လက်ညှိုးခန့်၊ အရှည် ၆-တောင်ခန့် လင်းလင်းနှင့် အဖျားညီညီထုတ်၍ ထားအံ့။ ထိုကဲ့သို့ ထုတ်လိုက်လျှင် ဖန်မီးချောင်းကြီး ခလုတ်ကို ဖွင့်ထားလိုက်သကဲ့သို့ လင်းခနဲ ပေါ်ထွက်လာပေလိမ့်မည်။ ပေါ်သည်ဆိုသော်လည်း ဦးစွာ စိတ်က ညွှတ်၍ ပေါ်ပေးရသည်။ စိတ်မညွှတ်ဘဲ နိမိတ်သက်သက်ကိုသာ အပြေးအပြန်စသည်ဖြင့် နိမိတ်ကစားလျှင် မရနိုင်ဟု အချို့ယောဂီများ ထင်မြင်နေတတ်ကြသည်။

အဓိစိတ္တ၊ စိတ္တ၀ိသုဒ္ဓိတို့၏သဘောကား ပြိုင်ဘက်မရှိသော တန်ခိုးသတ္တိရှိလေသည်။ ဤကဲ့သို့ ဥပစာရနိမိတ်သဘောကို မဆိုထားဘိ။ သာမန်စိတ်သည်ပင် စကြာဝဠာအနန္တကို မျက်တောင်တစ်ခတ်မျှနှင့် လှည့်ပတ်ကြည့်ရှုနိုင်လေသည်။ ဤကဲ့သို့ အဓိစိတ္တအလုပ်မျိုးကို အစိုးရသော ယောဂီအနေဖြင့် အဘယ်မှာ ရှုမှတ်၍ မရဘဲ ရှိနိုင်ပါမည်နည်း။ နေရာတကျ ရှုတတ်ဖို့သာ အရေးကြီးသော အချက်ဖြစ်ပါသည်။

ပုဏ္ဏကဘီလူးမင်း စီးနင်းသော အဿဓိုရ်နတ်မြင်းသည် အလွန်လျင်မြန်စွာ ပြေးသွားနိုင်ပေသည်။ ကောရပ္ပနတ်မင်းအား မြင်း၏အစွမ်းကို ပြ၏။ အဿဓိုရ်နတ်မြင်းတို့၏သဘောသည် အရှိန်ဖြင့်ပြေးသွားရာ၌ မီးစကို ကြိုးချည်၍ အားစိုက်ရမ်းသောအခါ မီးကလာပ်ချင်းဆက်စပ်လျှက် မီးဝိုင်းကြီးဖြစ်နေသည်ဟု ထင်မြင်ရသကဲ့သို့ မြင်းများအတန်းလိုက်ပြေးနေသည်ဟု ထင်မြင်လာရတတ်သည်။ အလွန်လျင်မြန်သော်လည်း အာရုံတစ်ခုနှင့်တစ်ခုပေါ်သို့ ကျော်၍ပြေးလွှားနေသော စိတ်၏လျင်မြန်ခြင်းကိုကား မမှီနိုင်။ လျင်မြန်သောအရာတို့တွင် စိတ်သည် တန်ခိုးအကြီးဆုံးနှင့် အလျင်မြန်ဆုံးဖြစ်ပေသည်။ စိတ်နှင့်တူသောလျင်မြန်ခြင်းဟူ၍ မရှိနိုင်ပေ။

တစ်နည်းအားဖြင့် သင်ဓုန်းဓားသွားတစ်ထောင်တပ်ဆင်ထားသော လျှပ်စစ်စက်ဝိုင်းအတွင်း၌ အရှိန်မပြတ်ဒရစပ်လည်နေစဉ် ဂုမ္ဘာန်နတ်ယောက်သည် ကျွမ်းဘားအကကို ကလျှက် ထိုသင်ဓုန်းဓားသွားတ