မိဘမေတ္တာ

“သဗ္ဗေသတ္တာ မရဏဓမ္မာ ၊ မရဏပရိယောသာနာ မရဏံ အနတီတာ” ဆိုတဲ့အတိုင်း ငယ်သူရော၊ ရွယ်သူရော၊ ကြီးသူရော ဘယ်သူမဆိုသေရခြင်း သဘောတရားတွေ ကိုယ်စီကိုယ်ငှ ရှိကြတယ်။ ဘယ်လောက်ချမ်းသာ ချမ်းသာ ၊ ဘယ်လောက်ဆင်းရဲ ဆင်းရဲ သေဆုံးတဲ့အခါ လက်ဖဝါး ခြေဖဝါးသာကျန်ပြီး သုဿန်မှာ သွားဆုံရတယ်။
သေရခြင်းသဘောတရားကို မဖြစ်အောင်၊ မကြုံအောင်၊ မဆုံအောင် ဘယ်သူမှ မလုပ်နိုင်ဘူး။ လူတိုင်းလူတိုင်း သတ္တဝါတိုင်း သတ္တဝါတိုင်း ဖြစ်ကြရ၊ ဆုံကြရ၊  “သဗ္ဗေသတ္တာ မရဏဓမ္မာ ၊ မရဏပရိယောသာနာ မရဏံ အနတီတာ” ဆိုတဲ့အတိုင်း ငယ်သူရော၊ ရွယ်သူရော၊ ကြီးသူရော ဘယ်သူမဆိုသေရခြင်း သဘောတရားတွေ ကိုယ်စီကိုယ်ငှ ရှိကြတယ်။ ဘယ်လောက်ချမ်းသာ ချမ်းသာ ၊ ဘယ်လောက်ဆင်းရဲ ဆင်းရဲ သေဆုံးတဲ့အခါ လက်ဖဝါး ခြေဖဝါးသာကျန်ပြီး သုဿန်မှာ သွားဆုံရတယ်။
သေရခြင်းသဘောတရားကို မဖြစ်အောင်၊ မကြုံအောင်၊ မဆုံအောင် ဘယ်သူမှ မလုပ်နိုင်ဘူး။ လူတိုင်းလူတိုင်း သတ္တဝါတိုင်း သတ္တဝါတိုင်း ဖြစ်ကြရ၊ ဆုံကြရ၊ သေကြရတယ်။ အဲဒါလို သေကြတဲ့အခါ အသက်ကြီးမှ အိုမင်းရင့်ရော်မှ သေတာမဟုတ်ဘူး။ အရွယ်ကောင်းတုန်းလည်း သေတာပဲ။ မွေးကင်းစလည်းသေတာပဲ။ အမိဝမ်းတွင်းမှာလည်းသေတာပဲ။ဘာကြောင့် ဒီလို အရွယ်မရွေး သေနေကြတာလဲလို့ ဆန်းစစ်ကြည့်မယ် ဆိုရင်
ဥပမာဖြင့်ပြောရရင် အိုးထိန်းသည် ပြုလုပ်ထားတဲ့ မြေအိုးတွေရှိတယ်။ အဲဒီအိုးတွေမှာ မီးမဖုတ်ရသေးတဲ့ အစိမ်းသက်သက် အိုတွေရှိသလို မီးဖုတ်ပြီးသား ကျက်နေတဲ့ အိုးတွေလည်းရှိပါတယ်။ တစ်ခါ အိုးစိမ်းတွေ မှာလည်း အသေးစားအိုး၊ အလတ်စားအိုး၊ အကြီးစားအိုးရယ်လို့ သုံးမျိုးသုံးစားရှိပြန်တယ်။ အဲဒီသုံးမျိုးထဲမှာ အကြီးဆုံး အိုးစိမ်းတွေသာ အရွယ်ကြီးလို့ ကွဲတာမဟုတ်ဘူး။ အလတ်စားအိုးတွေလည်းကွဲတာပဲ။ အသေးစား အိုးတွေလဲ ကွဲတာပဲ။ ဒါဖြင့် အဲဒီအိုးတွေ ဘာကြောင့်ကွဲရတာလဲ။ ပျက်စီးရတာလဲလို့ အကြောင်းရှာလိုက်တော့ သူတို့ကိုယ်တိုင် ၊ သူတို့သဘာဝကိုက ကွဲတတ်တဲ့သဘော၊ ပျက်စီးတတ်တဲ့သဘော ရှိခြင်းကြောင့်သာ ကွဲရ၊ ပျက်စီးရခြင်း ဖြစ်ပါတယ်။
အိုးစိမ်းတွေသာ ကွဲတာလား။ အိုကျက်တွေကော မကွဲဘူးလားလို့မေးရင် အိုးအကျက်တွေလည်း အချိန်ကျရင် ကွဲတာပဲ။ သဘာဝကို မလွန်ဆန်နိုင်ဘူး။ဒီအတိုင်းပါပဲ။ အိုးစိမ်းနဲ့တူတဲ့ ပုထုဇဉ်သတ္တဝါတွေလည်း အသက် အရွယ် မခွဲခြားဘဲ အကြောင်းကံအားလျော်စွာသေကြရပါတယ်။ ပုထုဇဉ်သာ သေတာလား။ အိုးအကျက်နဲ့ တူတဲ့ ပါရမီရင့်ကျက်တဲ့ အရိယာပုဂ္ဂိုလ်တွေလည်း အိုချိန်ကျရင်အိုပြီး သေချိန်ကျရင် သေကြရ၊ ပရိနိဗ္ဗာန်ပြုကြ ရတာချည်းပါပဲ။ ဘယ်သူမှ သဘာဝကို မလွန်ဆန်နိုင်ပါဘူး။
မလွန်ဆန်နိုင်လို့ အသက်ငယ်ငယ်ရွယ်ရွယ်နဲ့ သေဆုံးသွားလို့ မိခင်တစ်ယောက် ပူဆွေးသောက ရောက်ရပုံ ဇာတ်လမ်း၊ သတိသံဝေဂရ သောကမီးငြိမ်းစေရန် ရည်ရွယ်၍ အနည်းငယ်ပြောပြရမယ်ဆိုရင်
 သာဝတ္ထိပြည့်ရှင် ဘုရင်ကောသလမင်းသည် သာဝတ္ထိမြို့က သူဌေးသမီး ဥဗ္ဗိရီကို ချစ်ခင်စုံမက် မြတ်နိုးတော်မူ သဖြင့် မိဖုရားအရာမြှောက် ကောက်တော်မူပါတယ်။ ကောသမင်းနှင့် ဥဗ္ဗိရီတို့ ပေါင်းသင်းဆက်ဆံမှုကြောင့် သမီးဇီဝါ မသက်ရှည်ကို ဖွားမြင်ခဲ့တယ်။ မသက်ရှည်သည် မိဘနှစ်ပါးတို့၏ ချစ်ခင်ယုယ မြတ်နိုးမှုကို အထူးရရှိပါတယ်။
မသက်ရှည် အသက်တစ်နှစ် ၊ နှစ်နှစ် အရွယ်ရောက်တဲ့အခါ သူငယ်နာရောဂါဖြစ်ပွားပြီး ကျန်းမာရေး ချွတ်ယွင်း လာတယ်။ မိဘနှစ်ပါးကတော့ အသည်းတထိတ်ထိတ် ၊ ရင်တဖိုဖို သမီးလေးရဲ့ ကျန်းမာရေးကောင်းမွန်စေရန် ငွေကုန်ကြေးကျခံကာ ဆေးဆရာ အမျိုးမျိုးဖြင့် ကုသကြသော်လည်း ရောဂါက မသက်သာ၊ နောက်ဆုံးတော့ သမီးလေးမသက်ရှည်သည် သူငယ်နာရောဂါဖြင့်ပဲသေဆုံးခဲ့လေသည်။
ရှုမဝချစ်မငြီး သမီးလေးသေတော့ ဘုရင်ကောသလကတော့ ယောင်္ကျားလေးပီပီ စိတ်ကိုထိန်းနိုင်တယ်။ သောကကိုပယ်ဖျောက်နိုင်တယ်။ မေတ္တာကရုဏာကြီးသူ ဥဗ္ဗိရီမှာတော့ သမီးလေးသောကကြောင့် စားမဝင် အိပ်မဝင်၊ အိပ်မပျော်၊ တကြော်ကြော်ငိုကာ သမီးမြှပ်နှံတဲ့ သုဿာန်မှာပဲ နေ့စဉ်လိုလို အချိန်ကုန်ခဲ့တယ်။
သမီးလေးများ အသက်ပြန်ရှင်လာမလား၊ သမီးငိုသံလေးများ ကြားရလေမလားဆိုတဲ့ အတွေးတွေနဲ့ သောကဖိစီး ပရိဒေဝမီးတွေ အမြဲတောက်လောင်နေတယ်ပေါ့။ ဥဗ္ဗိရီသည် တစ်နေ့မှာတော့ ဘုရားရှင်ကို ရှိခိုး ဖူးမြော်ပြီး တရားတောင် မနာယူနိုင်ဘဲ သမီးလွမ်းစိတ်တွေ တရိပ်ရိပ်ပေါ်လာတာနှင့် တစ်ပြိုင်နက် ဘုရားရှင် ထံပါးမှ ထွက်ခွာကာ အစိရဝတီမြစ်ကမ်းမှာ ငိုကြွေးနေတယ်။
ထိုအခါ ဘုရားရှင်သည် ဒုက္ခရောက်သူကို ကယ်တင်ချင်တာနဲ့ အနီးပါးကြွသွားပြီး ချစ်သမီးဥဗ္ဗိရီ၊ အသင်သည် ဘယ်အတွက်ကြောင့် နေ့စဉ်ရက်ဆက်ဆိုသလို အမြဲငိုကြွေးနေပါသနည်းဟု ဘုရားရှင်က မေးတော်မူတဲ့ အခါ “မှန်လှပါ မြတ်စွာဘုရား၊ ဘုရားတပည့်တော်သည် သမီးလေးမသက်ရှည် အသက်သေခွဲခွာသွားတဲ့အတွက် သောက ဖိစီး အငိုကြီး ငိုနေပါတယ်ဘုရား” ဟု ဥဗ္ဗိရီက လျှောက်ထားပါတယ်။
“ချစ်သမီး ဥဗ္ဗိရီ သင်သတိထားလော့။ သင်သည် သမီးသေလို့ ငိုခဲ့ရတဲ့ ဘဝပေါင်း ထောင်သောင်းမက ရှိခဲ့ချေပြီ၊ အခြားနာမည်၊ အခြားသမီး သေတာကို မဆိုထားနှင့်၊ မသက်ရှည်ဆိုတဲ့ နာမည်တူ တစ်မျိုးတည်းနဲ့ ဤသုဿန်မှာ သေဆုံးသွားကြတဲ့ သမီးပေါင်း ရှစ်သောင်းလေးထောင် ရှိခဲ့ပေပြီ။ ယခုလို သင်ငိုနေခြင်းသည် အဲဒီသမီးပေါင်း ရှစ်သောင်းလေးထောင်ထဲက ဘယ်သမီးကို ပိုချစ်လို့ ငိုနေတာလဲ” ဟု ဘုရားရှင်က အဝိဇ္ဇာ ဖုံအုပ်ထားတဲ့ သံသရာဘဝခရီးစဉ်မှာ ဖြစ်ပျက်ပုံ အတိတ်ဇာတ်ကြောင်းများကို မီးမောင်းထိုးပြတဲ့အခါ
ဥဗ္ဗိရီသည် အငိုရပ်ကာ စဉ်းစားခန်းဖွင့်ခဲ့ပါတယ်။ သြော် ငါကတော့ ယခုဘဝသာ လူဖြစ်လို့ ယခုဘဝသာ သမီး ရတာ သမီးသေဆုံးရလေခြင်းဆိုတဲ့ အသိနဲ့ မအိပ်နိုင်၊ မစားနိုင် တမှိုင်မှိုင် ငိုကြွေးပူဆွေး သောကရောက်ခဲ့ရ ပါလား။တကယ်တော့ ငါသည် ဘဝအကြိမ်ကြိမ်ရလို့ ဘဝ အကြိမ်ကြိမ် ငါကိုယ်တိုင် သေခဲ့ရတယ်။ ငါတင်မကဘူး။ ငါရဲ့ရင်သွေးသမီးလေးများလည်း မသက်ရှည် နာမည်တူ တစ်မျိုးတည်းနဲ့ သမီးပေါင်း ရှစ်သောင်းလေးထောင် ဤသုဿာန်မှာ မြှပ်နှံဖူးသတဲ့။ အဲဒီသမီးတွေသေတိုင်း ငိုခဲ့ရတဲ့ မျက်ရည်တွေဟာ ဟောဒီ အစိရဝတီမြစ်ရေမက ရှိရော့မယ်။ ငါကသာ သား သမီးလွမ်းလို့ငိုနေတာ ငါ့ကိုပစ်ခွာသွားသူ သားသမီး တွေက ငါ့ကို သတိတောင်ရမှာ မဟုတ်ပါဘူး။
သား သမီးတွေသေတိုင်း ဒုက္ခရောက်ခဲ့ရတဲ့ ငါ့ဘဝ ဒီကနေ့မှစပြီး ငါမငိုတော့ဘူး။ ငိုနေလို့ကော ဘာအကျိုးထူး မှာလဲ။ သမီးတွေ တမ်းတငိုနေမည့်အစား ဘုရားရှိခိုး၊ ပုတီးစိပ်၊ တရားနာ ဘာဝနာပွားတာကမှ ကုသိုလ်ရဦး မယ်။ ကုသိုလ်ရရင် ငါ့စိတ်ချမ်းသာရတာပဲ။ ပုထုဇဉ်သဘာဝအရ သမီးလွမ်းစိတ်ပေါ်လာရင် ငါပွားများ အားထုတ်ထားတဲ့ ကုသိုလ်တွေ သမီးလေးချမ်းသာအောင် သာဓုခေါ်နိုင်အောင် အမျှဝေရုံပဲ ရှိတာပေါ့ဟု သတိ သံဝေဂရကာ နေ့စဉ်နေတိုင်း ကုသိုလ်တရား ပွားများမှုနဲ့သာ အချိန်ကုန်ခဲ့တယ်။ ရသမျှ ကုသိုလ်ကိုလည်း သမီးလေးအား အမျှပေးဝေ ချမ်းသာစေခဲ့တယ်။ ဥဗ္ဗိရီကိုယ်တိုင်ကတော့ နောင်တစ်ချိန်မှာ ဘိက္ခူနီမဝတ်လို့ တရားအားထုတ်တဲ့အခါ ရဟန္တာ ထေရီမကြီး ဖြစ်ခဲ့ပါတယ်။
ဒီဝတ္ထုမှာ အဓိကပြောချင်တာက ဥဗ္ဗိရီ၏ သမီးထားတဲ့ မိဘမေတ္တာကို သိစေချင်တာပါ။ သမီးလေးမမွေးဖွားမီ ကလည်း ကောင်းကောင်းမွန်မွန် အင်္ဂါပြည့်ပြည့်စုံစုံ မွေးဖွားဖို့မေတ္တာထားခဲ့တယ်ဆိုတဲ့အကြောင်း၊ သမီးလေး မွေးဖွားလာတဲ့အခါမှာလည်း သမီးလေးကို ကောင်းကောင်းမွန်မွန် ကျွေးမွေးစောင့်ရှောက် မေတ္တာထားပြီး ဂရုစိုက်ခဲ့ကြောင်း၊ သမီးလေးကျန်းမာရေးမကောင်းတဲ့အချိန်မှာလည်း မေတ္တာအပြည့်အဝ စေတနာ အပြည့်အဝ နဲ့ ကုသပေးခဲ့ကြောင်း၊ သမီးလေးကွယ်လွန်သွားတဲ့အခါမှာလည်း တရားအသိမရခင် နေ့စဉ်ရက်ဆက်ဆိုသလို ဂရုဏာသက်ကာ ငိုကြွေးခဲ့တဲ့ သမီးပေါ်ထားတဲ့ချစ်ခြင်းမေတ္တာ၊ တရားအသိရသွားတဲ့အခါမှာလည်း သမီးလေး ကောင်းရာသုဂတိရောက်စေကြောင်း ကုသိုလ်များပြုလုပ်ကာ အမျှဝေပေးတဲ့ မိဘမေတ္တာကိုသိစေချင်ပါတယ်။ ဒါကြောင့် အားလုံးသော သူများလည်း မိမိကိုမွေးဖွားပေးခဲ့တဲ့ မိဘနှစ်ပါးရဲ့ မမွေးဖွားမီထားခဲ့တဲ့မေတ္တာ၊ မွေးဖွားပြီးတဲ့အချိန် ထားခဲ့တဲ့မေတ္တာ၊ ကျန်းမာရေးမကောင်းတဲ့အခါ ပြုစုယုယပေးတဲ့ မေတ္တာတရား၊စတဲ့ မိဘမေတ္တာကိုနားလည်စေချင်လိုကြောင်း အသိပေးလိုက်ရပါသည်။
စာဖတ်သူအားလုံး သက်ရှည်ကျန်းမာစိတ်ချမ်းသာ၍ လိုရာဆန္ဒများ တစ်လုံးတစ်ဝတည်းပြည့်ဝကြပါစေ။
အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)