`မော်´(စာဟောဆရာ)ရိုးရာ

ပအိုဝ်းတိုင်းရင်းသားတို့သည် ပင်ရင်းမူလထေရ၀ါဒဗုဒ္ဓဘာသာကို ယုံကြည်ကိုးကွယ်သည့် လူမျိုးဖြစ်သည်။ ပအိုဝ်းအမျိုးသားသမိုင်းတွင် ထင်ရှားသည့် သုဝဏ္ဏဘုမိသထုံပြည့်ရှင် သူရိယ စန္ဒာမင်း၏ သက်ရှိထင်ရှားစဉ်က ဂေါတမမြတ်စွာ ဘုရားကို ဖူးမြင်ရသည်မှစ၍ မင်းနှင့်တကွ သုဝဏ္ဏဘုမိပြည်သူတို့သည် ဗုဒ္ဓဘာသာဝင်ဖြစ်ခဲ့ကြသည်။ သုဝဏ္ဏဘုမိ မင်းဆက်များအနက် စမ္မပါလမင်း၏ သားတော်ရဟန်းတစ်ပါးဖြစ်သော ရှင်စမ္မဃောသသည် တတိယသင်္ဂါယနာ တင်ချိန်တွင် အိန္ဒိယပြည် မဇ္ဇျိမဒေသသို့ကြွရောက်၍ ပိဋကတ်စာပေများကို သင်ကြားတတ် မြောက်ကျွမ်းကျင်ခဲ့သည်။

ထိုနောက် မြတ်စွာဘုရား ပရိနိဗ္ဗာန်စံလွန်တော် မူပြီးနောက် အရှင် ဗုဒ္ဓဃောသသည် သီဟိုဠ်ကျွန်းသို့ ကြွရောက်ပြီး သီဟိုဠ်ကျွန်းမှ စတုတ္ထ သင်္ဂါယနာတင်ထား ပြီးဖြစ်သော ပိဋကတ်စာပေများကို သုဝဏ္ဏဘုမိသထုံပြည်သို့ ပင့်ဆောင် နိုင်ခဲ့သည်။ ထို့ကြောင့် ပအိုဝ်းယဉ်ကျေးမှုသည် ထေရ၀ါဒဗုဒ္ဓတရားတော်များကို အခြေခံထားသလို ပအိုဝ်း စာပေ၌လည်း ဗုဒ္ဓဘာသာစာပေက နေရာအများဆုံးယူထားကို တွေ့ရသည်။ ဗုဒ္ဓသာသနာ တော် တည်တံ့ပြန့်ပွားစေရန်အတွက် သံဃာတော်များက ပရိယတ္တိစာပေများကို သင်ကြားပို့ချ ပေးခဲ့သည်။ သံဃာတော်များနောက်တွင် ဗုဒ္ဓသာသနာတော်ကို ပြန့်ပွားအောင် ဆောင်ရွက် သည့် ပုဂ္ဂိုလ်တို့မှာ ပအိုဝ်းတိုင်းရင်းသား၏ `မော်´ (ဓမ္မကထိကတရားဟော လူပုဂ္ဂိုလ် သို့မဟုတ် စာဟောပုဂ္ဂိုလ်)ဖြစ်သည်။

ဗုဒ္ဓမြတ်စွာဘုရားသက်တော်ထင်ရှားစဉ်အခါကပင် တရားဟောကျွမ်းကျင်သော လူပုဂ္ဂိုလ် ဓမ္မကထိကများ ရှိခဲ့ပါသည်။ အမျိုးသားများထဲတွင် စိတ္တသူကြွယ်သည် ထင်ရှား၏။ တရား ဟော ကျွမ်းကျင်သဖြင့် စိတ္တသူကြွယ်အား ထူးချွန်မှု `ဧတဒဂ်´ဘွဲ့ကို ဗုဒ္ဓမြတ်စွာဘုရား ကိုယ်တိုင်ချီးမြှင့်ပေးအပ်ခဲ့ပါသည်။

ခရစ်သက္ကရာဇ် ၁၀၅၇ ခုတွင် ပုဂံပြည့်ရှင် အနော်ရထာမင်းစောသည် သုဝဏ္ဏဘုမိသထုံ ပြည့်ရှင် မနုဟာမင်းကို ဓမ္မအရေး စစ်အောင်နိုင်ခဲ့၍ ပိဋကတ်သုံးပုံ အစုံသုံးဆယ်ကို ဆင်ဖြူ တော် သုံးဆယ့်နှစ်စီးထက်တွင် တင်ဆောင်ပြီး ဘုရင်၊ မိဖုရားနှင့်တကွ ရဟန်းသံဃာ တော်များ၊ တတ်သိပညာရှင်များကို ပုဂံပြည်သို့ဆောင်နှင်းခဲ့သည်မှာ မြန်မာရာဇာဝင်သမိုင်း တွင် ထင်ရှားပါရှိ လေသည်။

သုဝဏ္ဏဘုမိသထုံပြည် အုပ်ချုပ်သူဘုရင်မင်း၊ ကိုးကွယ်ရာရဟန်းတော်များနှင့် တတ်သိပညာ ရှင်များ မရှိတော့သည့်နောက်ပိုင်းကာလတွင် ပအိုဝ်းပြည်သူတို့သည် သထုံပြည်မှ ကိုးအုပ်စု ခွဲ၍ ထွက်ခွာသွားကြသည်။ ဤပအိုဝ်းကိုးအုပ်စုများအနက် မော်ထော်ဖာသည် တတ်သိပညာ ပြည့်စုံသူတဦးဖြစ်သဖြင့် ပခုက္ကူအုပ်စုကို ဦးဆောင်သော ခေါင်းဆောင်ကောင်းတစ်ဦးလည်း ဖြစ်သည်။ ထိုစဉ်အခါကပင်လျှင် ဗုဒ္ဓသာသနာတော် ထွန်းလင်းပြန့်ပွားရန် သာသနာပြုကြ သော ဓမ္မကထိကလူပုဂ္ဂိုလ် စာဟောဆရာ `မော်´ ရှိခဲ့သည်ဟု သမိုင်းခြေရာခံ၍ သိရှိနိုင် သည်။ ၎င်းပခုက္ကူအုပ်စု ခေါင်းဆောင်မော်ထော်ဖာကို ထောက်၍ ထင်မြင်ယူဆမည်ဆိုပါက ပအိုဝ်းမော်သည် ရှေးခေတ်နှစ်ပေါင်းများစွာ ရှည်လျားခဲ့ပြီးဖြစ်သည်။

ပအိုဝ်းမော်(စာဟောဆရာ)တို့သည် လူပုဂ္ဂိုလ်များသာဖြစ်သော်လည်း ဗုဒ္ဓသာသနာပြုလုပ်ငန်း များကို ဆောင်ရွက်ရာမှာ ပါဝင်သက်ရောက်မူရှိသည့်အတွက် ဘုန်းတော်ကြီးတို့၏ လက်သုံး တော်အဖြစ် အသိအမှတ်ပြုကြပါသည်။ ပအိုဝ်းမော်(စာဟောဆရာ)သည် သာရေးနာရေး လူမှုရေးများ၌ အရေးပါသော အခန်းကဏ္ဍများတွင် ပါဝင်လျက်ရှိကြပါသည်။ လူမှုရေးတွင် ပါဝင်၍ ဗုဒ္ဓသာသနာပြုသူများဖြစ်သည်။ ပအိုဝ်းတို့ဘာသာရေး လူမှုရေးတွင် လိမ္မာရေးခြား ရှိအောင် တမလွန်လောကအကျိုးရှိအောင် ကျေးဇူးပြုသူများမှာ ပအိုဝ်းမော်(စာဟောဆရာ) များဖြစ်သည်။ `မော်´ဆိုသည့် ကွပ်စိပ်တရားဟောပုဂ္ဂိုလ်တို့သည် ကာယဓမ္မ၊ ၀စီဓမ္မ၊ မနောဓမ္မတို့လည်း ယဉ်ကျေးသိမ့်မွေ့သလို စကားအရာမှာ ကြွယ်ဝသူလည်းဖြစ်၍ ရိုးရာ ဘာသာ၊ သာသနာယဉ်ကျေးမူထိန်းသိမ်းသည့် အရာမှာလည်း အရေးပါအရာရောက်သော ပုဂ္ဂိုလ်ဖြစ်ပါသည်။

၁၈ ရာစုအစောပိုင်းတွင် ပြန်လည်ပေါ်လွင်လာသည့် ပအိုဝ်းစာပေဒုတိယခေတ်တွင် ပအိုဝ်း မော်များသည် တောင်ကြီးမြို့နယ် မိုင်းပျိုးဒေသတွင် ပြန်လည်ထင်ရှားပေါ်လွင်လာပြီး ထို့မှ တဆင့် နောင်ဟဲုင်း၊ ဆီဆိုင်၊ စခွီ စသောဒေသများမှ တစ်ဆင့်ပြီးတစ်ဆင့် ပအိုဝ်း တိုင်းရင်းသား နေထိုင်သည့် အရပ်ဒေသအနှံ့အပြားများသို့ ပြန့်ပွားလာခဲ့သည်။ ယခုချိန်ထိ ပအိုဝ်းမော်ဓမ္မကထိကပုဂ္ဂိုလ် နှစ်ရာကျော်ရှိသည်။

မော်တစ်ယောက်ဖြစ်ရန်အတွက် ပါဋိဘာသာ၊ ပအိုဝ်းဘာသာကို ကျွမ်းကျင်စွာ ဖတ်တတ်ရပြီး ဗုဒ္ဓဘာသာစာပေများဖြစ်သော ဘုရားဟောဒေသနာ၊ ငါးရာငါးဆယ်ဓမ္မပါဒ၀တ္ထုတော်များ၊ ပရိတ်ကြီး၊ ရှင်ကျင့်ဝတ်၊ သင်္ဂါလောဝါဒ၊ လောကနီတိ၊ သဒ္ဒါ၊ သဂြိုလ် စသည့် လောကုတ္တရာစာပေရပ်များကို ရှေးဦးစွာဖတ်ရှုလေ့လာ တတ်ထားရန် လိုအပ်သည်။ ထို့အပြင် ရှေးကာလမှ မျက်မှောက်ခေတ်အခြေအနေထိ ဘာသာဒေသန္တာရနှံ့စပ်ကျွမ်းကျင်စွာ ဟော ပြောနိုင်သည့် အရည်အချင်းများနှင့် ဟောပြောတတ်မှုဟန်ပန်၊ တေးလင်္ကာတို့ကို ရုတ်တရက် စပ်ဆိုတတ်သည့် အရည်အချင်းများလည်း ရှိရမည်။ ဒီဃသံတို့၊ ရသသံတို့၊ ဂရုသံ၊ လဟုသံ စသည်အသံအနေအထားများလည်း အသံများပီသအောင်လေ့ကျင့်ရပါသည်။ ဒီလောက်တက် မြောက်ရုံဖြင့် `မော်´မဖြစ်နိုင်သေးပါ။ `မော်´ဟူသော ပုဂ္ဂိုလ်သည် ရဟန်းသံဃာများလို ငါးပါးသီလကိုလည်း အမြဲခိုင်လုံအောင် ကျင့်ကြံနေထိုင်ထိန်းသိမ်းရသည်။ ဘယ်လောက်ဘဲ ပညာတတ်တတ် အရက်သေစာများသောက်သုံးခြင်း၊ ကြက်ဌက်များကို သတ်ဖြတ်ခြင်း စသဖြင့် သီလမခိုင်လုံပါက `မော်´ဟု မည်သူမှ အသိအမှတ်မပြုပါ။ ထိုကြောင့် ပအိုဝ်းမော် သည် သီလခိုင်လုံရပြီး မာန်မာနကိုလည်း နှိမ်ချ၍ အိနြေ္ဒသိက္ခာရှိရှိနှင့် သွားလာနေထိုင် ရပါသည်။

`မော်´တစ်ယောက်ဖြစ်လာပြီဆိုသည်နှင့် ဘုရားငါဆူ၊ သူရသတီ၊ မေတ္တာပွင့်သည့် ဆေးမင် ကြောင်ကို ရင်ဘတ်၊ လက်မောင်း စသည့်နေရာများမှာ ကတိသစ္စာခံယူပြီး ထိုးထား ကြသည်။ ဤသို့ထိုးထားရခြင်းမှာ ကာမေသုမစ္ဆာရ၊ သူရာမေရယ စသည့်အကျင့်သီလများ မဖောက် ပျက်အောင် ထိုးထားခြင်းဖြစ်သည်။

`မော်´တို့၏ အသုံးအဆောင်မှာ ပိုးကောင်းပေါင်းတစ်ထည်၊ ပအိုဝ်းအမျိုးသားဝတ်စုံတစ်စုံ၊ ခြေအိတ်တစ်စုံ၊ ချွေးသုတ်ရန်အတွက် တဘက်တစ်ထည်၊ နှီးပျော့ပျော့ဖြင့် ယှက်လုပ်ထား သော “ကုံးယော်” ခေါ် `မော်´ခမောက်မျိုးတစ်လုံး စသည်တို့ဖြစ်သည်။

မော်အခြေခံပညာနှင့် တရားစာအနည်းအကျဉ်း တတ်မြောက်ပြီးပါက မိမိ၏ ဆရာသမားရှေ့ သို့မဟုတ် မိမိ၏နေအိမ်တွင် တရားဟောအရင်လေ့ကျင့်ထားရသည်။ ၎င်းနောက် ဆရာနှင့် အတူ လိုက်၍ ပွဲကြီးပွဲငယ်များသို့ တရားစမ်းဟောရပါသည်။ ဓမ္မကထိကအရာမှာ ကျွမ်းကျင် လိမ္မာရင့်ကျက်လာသည့်အခါ လက်ဦးဆရာဆီကို ခွင့်ပန်ပြီး ကိုယ့်ဘာသာ တရားကျမ်းစာ အကျိုးပြုလုပ်ငန်းအတွက် အားထားရသည့် `မော်´တဦးအဖြစ် အသိအမှတ်ပြုခြင်း ခံရပါ သည်။ ထိုပုဂ္ဂိုလ်များကို ပအိုဝ်းတိုင်းရင်းသားများက ၎င်းတို့၏မူလအမည်ထိပ်တွင် `မော်´ဟူ သော ဘွဲ့ကိုသတ်၍ ခေါ်ဆိုကြသည်။

ဝါတွင်းကာလတွင် လပြည့်လကွယ်နေ့များ၌ ပအိုဝ်းတိုင်းရင်းသားတို့ နေထိုင်ရာကျေးလက် ဘုန်းတော်ကြီးကျောင်းဇရပ်များတွင် ဥပုသ်စောင့်နေကြသည့် အဘိုးအဘွားတို့ကို မော်များက ဇာတ်တော်များ၊ ဗဟုတုတများ၊ လှူဒါန်းရသောအကျိုးတရားများကို ဟောပြောရှင်းပြပေး သည်။ အလှူဒါနပွဲများတွင် အသံကောင်းပြီး စာဟောကောင်းသော မော်များကို ဖိတ်ကြား လေ့ရှိသည်။ ဖိတ်ကြားပြီးသောမော်များအား အလှူပွဲတစ်ပွဲကို ဒေါင်းလန်းဖြင့်ပြင်၍အပ်သည်။ ထိုဒေါင်းလန်တွင် ငှက်ပြောသီးတစ်ဖီ၊ အုန်းသီးတစ်လုံး၊ ဖရောင်းတိုင်တစ်ထုပ်၊ ကွမ်းယာ တစ်ထုပ်၊ ဆေးလိပ်တစ်စည်းနှင့် ပန်းတစ်ခိုင်ပါဝင်လေသည်။ ငွေကြေးတတ်နိုင်သူတို့က ငွေပဒေသာပင် တစ်ပင်ပါထည့်၍လှူဒါန်းသည်။

`မော်´တို့ စာဟောချိန်ကာလတွင် အသံဝင်ခြင်းကို ကာကွယ်နိုင်ရန်အတွက် ချင်းတက်နှင့် ရေဗူးရေခွက်ဖြင့် ထည့်ထားသည့် လင်ဗန်းကိုလည်းချထားပေးသည်။ နားထောင်သူများက မော်ဟောသော ဇာတ်တော်ကို သဘောကျပြီဆိုလျှင် တတ်နိုင်သလောက်ဆရာဂုဏ်ကို ပူဇော်ကြသည်။ အချို့မှာ အလှုငွေလှူကြသည်။ အချို့ မှာတောင်ယာထွက်သီးနှံနှင့် စားစရာ များလာရောက်လှူဒါန်းကြသည်။

ဝါဆိုလတွင်းသို့ရောက်လျှင် ပအိုဝ်းတိုင်းရင်းသားမော်များသည် နှီးချောခမောက်နှင့် ခေါင်း ပေါင်းပေါ် ထပ်ဆောင်းပြီး လွယ်အိတ်ကြီးများထဲတွင် စာအုပ်များကွမ်းအစ်များထည့်ကာ တစ်ရွာဝင်တစ်ရွာထွက် အသံနှင့်စာပေဗဟုတုတ လှည့်လည်၍ ဒါနပြုကြသည်ကို တွေ့ရ ပါသည်။

ယခင်က ပအိုဝ်းလူ့အဖွဲ့အစည်းတွင် `မော်´အရေအတွက်အားဖြင့် များပါသော်လည်း ၎င်းကို အသင်းအဖွဲ့တစ်ခုအဖြစ် စုစုစည်းစည်းမရှိခဲ့ပေ။ ထို့ကြောင့် ၁၉၇၃ ခုနှစ်တွင် ရန်ကုန် တက္ကသိုလ် ပအိုဝ်းစာပေနှင့်ယဉ်ကျေးမှုမဂ္ဂဇင်းတွင် ပအိုဝ်းမော်အသင်းဖွဲ့သင့်ကြောင်း တိုက် တွန်းနိုးဆော် အသိပေးရေးသားဖော်ပြထားခဲ့သည်။ သို့ဖြစ်၍ ပအိုဝ်းမော်အသင်းကို ဖွဲ့စည်းရန် စတင်အခြေပြုခဲ့သည့် ၁၉၇၈ ခုနှစ် မတ်လ(၂၃)ရက်နေ့မှ ပအိုဝ်းမော်အသင်းကို အောင်မြင်စွာ ဖွဲ့စည်းနိုင်ခဲ့သည့် ၂၀၀၀ ခုနှစ် ဇန္န၀ါရီလ(၂၀)ရက်နေ့အထိ အချိန်ကာလ၏ ပြည့်စုံလျောက်ပတ်မှု ကာလသမ္ပတ္တိကို စောင့်ဆိုင်းမျှော်လင့်ရင်း နှစ်ပေါင်း(၂၂)နှစ်မျှ ကြာ ညောင်းခဲ့ရသည်။ ပအိုဝ်းအမျိုးသားအဖွဲ့ချုပ်(ပီအဲန်အို)ထိန်းချုပ်ထားသည့် ဧရိယာအတွင်း တွင် ပအိုဝ်းမော်ဦးစည်းအဖွဲ့ (၄၁)ဦးနှင့် မော်အဖွဲ့ဝင်(၃၁၉)ဦး စုစည်းပြီး ပအိုဝ်းမော်အသင်း ကို အောင်မြင်စွာ ဖွဲ့စည်းနိုင်ခဲ့သည်။ ဤအသင်းကို ပအိုဝ်းစာပေနှင့် ယဉ်ကျေးမှုအဖွဲ့(ဗဟို) ဥက္ကဋ္ဌတစ်ဦးပါဝင်သော ပအိုဝ်းမော်နာယက (၃)ဦးနှင့် ပအိုဝ်းမော်အသင်းဥက္ကဋ္ဌ၊ အတွင်းရေး မှူးအဖွဲ့ဝင်များပါရှိသော အလုပ်အမှုဆောင် (၇)ဦးတို့ကို ဖွဲ့စည်းပုံနှင့်အညီ အမျိုး၊ ဘာသာ၊ သာသနာ ဆိုင်ရာလုပ်ငန်းများကို စည်းလုံးညီညွတ်စွာ ဆောင်ရွက်လျက် ရှိကြသည်။

ကျမ်းကိုး
• ပအိုဝ်းလူငယ်စာစောင် အမှတ်(၁)
• ပြည်ထောင်စုထဲ့ကပအိုဝ်း စာ ၁၃၇ - ၁၄၀