ပွိုးဝွို့တွမ်ႏထာဗေင်းမင် ဆီသူချက်ယိုတဲင် ခွန်ကောသလသꩻချမ်ꩻသာႏတဝ်း ထင်ႏဒျာႏဝွေꩻခမ်းထီကို အီႏထွာဒါႏအန္တရာယ်ႏတစွိုးစွိုးဟောင်းတွော့ ရီလဝ်းခန်းဗွေꩻဘုရာꩻသွူ ။ ထာဗေင်ႏမင်းဆီသူချက်ယိုနေးတွမ်ႏ
တချက်တချက်စီးတဲင် လျောက်လဝ်းခန်းဗွေႏဘုရာꩻတဲင် ဗွေႏဘုရာꩻတဲ့ တကာႏခွန်တန်ကဗေင်ႏမင်းထာꩻဆီသူချက်ယို အီႏထွာယိုခါမွေးတဝ်း တွိုႏဆုဲင်ꩻချာမꩻ အီႏထွာလွဉ်။ ထာဗင်ႏမင်ႏဆီသူချက်ယို ခွန်ကောသလရီဗွေႏဘုရာꩻဖြေႏတချက်တချက်စီးယို နေးတွမ်းဗွေႏဗွန်သီႏသဲင်ႏကတဲမ်း
ဖေးနေးဒျာႏရီ+ဖြေႏ ကဗျာလင်္ကားတဲင်
သေနာႏ မှတ်တောင်ꩻဗာႏနုဲင်းယိုသွူ ။
ထာꩻဗေင်ႏမင်းအမုဲင် (၁)
(ရီ) ဖိုးဖုံႏဖြေင်းတန် ခြုသန် ထိုꩻဒျာႏ
ပွိုးနဝ်ꩻမုဲင်ꩻဗွေႏ ယံဖေႏဟော်ꩻကျာꩻ ။
(ဖြေႏ) ခမ်းအွုမ်ႏခြွိုင်ငါဝ်း လော့တဝ်းအရာႏ
နုဲင်းနဝ်ꩻဒျာႏ ထွာဗာႏတွိုႏဆုဲင်ꩻချာ ။
ထာꩻဗေင်ႏမင်းအမုဲင် (၂)
(ရီ) သေင်ႏမွူးပေႏနေ. အဝ်ႏဗွေအရာႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻကျာꩻ။
(ဖြေႏ) ရွယ်ႏပေႏနင်ꩻနမ်း တောႏလမ်းထိုꩻဒျာႏ
နုဲင်းနဝ်ꩻဒျာႏ ထွာဗာႏတွိုႏဆုဲင်ꩻချာ ။
ထာꩻဗေင်ႏမင်းမုဲင်(၃)
(ရီ) ဖိုးမွူးတန်နော နျဲဉ်းတေားအပေႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻသေꩻ။
(ဖြေႏ) ဖူဖီမွိုးဖါ ကွီချာပိုပေႏ
နုဲင်းနဝ်ꩻဒျာႏ ဆုဲင်ꩻတာႏအီႏထွာလွေꩻ ။
ထာꩻဗေင်ႏမင်းအမုဲင် (၄)
(ရီ) လောနဝ်ꩻကထွူႏ ကောတွူႏဖိုးပေႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻသေꩻ။
(ဖြေႏ) ခမ်းထီတွက်တာႏ ဒင်ႏဒျာႏလိုꩻပေႏ
မာꩻဒါႏတဝ်း အဲဉ်တဝ်း ထင်ႏထိုရေꩻ။
ထာꩻဗေင်ႏမင်းအမုဲင်(၅)
(ရီ) နီပင် သေဖြောင်း အံႏကြောင်းအဆာႏ
ပွိုးထာꩻမုဲင်ꩻဗွေႏ ယံဖေႏဟော်ꩻကျာꩻ ။
(ဖြေႏ) တရာꩻဆွုံꩻဖျတ် အံႏလာဘ်နီဗာႏ
နဲုင်းနဝ်ꩻဒျာႏ ထွာဗာႏတွိုႏဆုဲင်ꩻချာ ။
ထာꩻဗေင်ႏမင်း အမုဲင် (၆)
(ရီ) မျတ်တကောက်ခံꩻ အွဉ်ႏတံꩻ ထွီႏဆီႏ
ပွိုးမုဲင်ꩻနဝ်ꩻဗွေႏ ဟော်ꩻဖေႏရေꩻကီꩻ ။
(ဖြေႏ) မျတ်ပိုမူႏနံꩻ အွဉ်ႏတံꩻလိုꩻထွီႏ
နုဲင်းနဝ်ꩻဒျာႏ ထွာဗာႏ ဒွတ်ꩻမဲ့ထီ ။
ထာꩻဗေင်ႏမင်း အမုဲင် (၇)
(ရီ) တဖြွီꩻဖြို့ꩻဝေ့သွူး ထွီႏမွူးအံႏသေႏ
ဟော်ꩻနယ်ꩻမွိုင်ဗွေႏ ယံဖေႏတောင်ꩻသေꩻ။
(ဖြေႏ) လိုꩻမူႏခွဉ်ႏဆေ့ꩻ ဖေႏတေ့ꩻဝါꩻပေႏ
ဝါတန်ရွိုး ကွပ်ပွိုးမာယာႏလွေꩻ ။
ထာႏဗေင်ႏမင်းအမုဲင် (၈)
(ရီ) ဖွိုင်ꩻတန်ဗွေသွူ ထောက်ꩻစွူသော့ဗာႏ
ပွိုးမုဲင်ꩻဗွေႏ ယံဖေႏဟော်ꩻကျာꩻ။
(ဖြေႏ) လိုꩻတန်ထောင်ပဲင်း သော့ထဲင်းဖေႏဗာႏ
ထမ်ꩻသာꩻသား ခြောခြားတွိုႏဆုဲင်ꩻချာ ။
ထာꩻဗေင်ႏမင်းအမုဲင် (၉)
(ရီ) တဒူနှောင်ကို သောင်ယိုစွူဒျာႏ
ကူနားအုံသေႏ ယံဖေႏဟော်ꩻကျာꩻ။
(ဖြေႏ) ခမ်းကိုခိုးလျား ကူနားအုံသာႏ
နုဲင်းနဝ်ꩻဒျာႏ ထွာဗာႏတွိုႏဆုဲင်ꩻချာ ။
ထာဗေင်ႏမင်ႏအမုဲင် (၁၀)
(ရီ) ဒဲဉ်တဖွိုင်ꩻလျား သွံစားထွာထီႏ
ပွိုးမုဲင်ꩻနဝ်ꩻဗွေႏ ဟော်ꩻဖေႏရေꩻကီꩻ။
(ဖြေႏ) ခွန်ကျင်ꩻကုဲင်ယော့ ခမ်းလော့မညီႏ
ထာꩻလွုပ်ꩻသား သွံစားမဗွိုန်ပီ ။
ထာဗေင်ႏမင်ႏအမုဲင် (၁၁)
(ရီ) ဟွမ်နံႏသာꩻမျိုꩻ လုဲင်ႏထိုꩻဒေါဝ်ဆျာႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻကျာꩻ ။
(ဖြေႏ) ဗွေႏမျတ်တရာꩻ ဟော်ꩻမာꩻရွဉ်တာႏ
စူꩻလိုꩻမွိုက် ရိုꩻကျွိုက်ဟော်ꩻငီးငါ ။
ထာဗေင်ႏမင်းအမုဲင် (၁၂)
(ရီ) ထီဆေ့ခြေင်ဖွီ တုံထီဆန်ꩻငါႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻကျာꩻ ။
(ဖြေႏ) လိုꩻဖွီငေါဝ်းငွါ ယွုမ်းအာလို့ဒျာႏ
လိုꩻမျတ်ငါဝ်း ယွုမ်းတဝ်းတွိုႏဆုဲင်ꩻချာ ။
ထာဗေင်ႏမင်းအမုဲင် (၁၃ )
(ရီ) လုံးတူႏတန်အော် အဝ်ႏပေါ်ထီခိုႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻရိုꩻ ။
(ဖြေႏ) လိုꩻမျတ်ငေါဝ်းနော ရိုꩻတေားဖွီသိုႏ
လိုꩻမွိုက်ဒေါ့ꩻ ဟွိုန်ရော့ယွုမ်းလို့ထိုꩻ။
ထာဗေင်ႏမင်းအမုဲင် (၁၄ )
(ရီ) မျောႏနွောင်ꩻစွဉ်ႏရျူး ဒေႏမွူးကပေႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻလွေꩻ။
(ဖြေႏ) လိုꩻခိုကဖြား အုဲင်ႏကျွားနင်ꩻပေႏ
မဲ့ထီဟွူႏ လိုꩻမူႏအံႏနွောင်ꩻဝွေꩻ ။
ထာဗေင်ႏမင်းအမုဲင် (၁၅)
(ရီ) စောက်အာႏအသောင် ရံႏရောင်ဟင်္သာႏ
ပွိုးမုဲင်ꩻနဝ်ꩻဗွေႏ ယံဖေႏဟော်ꩻကျာꩻ။
(ဖြေႏ) လိုꩻယွုတ်အသောင် ရံႏရောင်လိုꩻဒါႏ
ခေတ်အာႏဏာႏ ထွာဗာႏတွိုႏဆုဲင်ꩻချာ ။
ထာꩻဗေင်ႏမင်းအမုဲင် (၁၆)
(ရီ) ဗဲယုဲင်ကေဖင်း ဗေင်ႏမင်ႏကထီႏ
ပွိုးမုဲင်နဝ်ဗွေႏ ဟော်ꩻဖေႏရေꩻကီꩻ ။
(ဖြေႏ) ငမ်းဗာႏခွန်လိုꩻ လွင်းထိုꩻဇာႏနီႏ
စင်ꩻဟဝ်ဒါႏ ငမ်းဗာႏစင်ꩻမွိုက်ဖွီ ။
ပအိုဝ်ႏလိတ်လုဲင်စွစ်ꩻလီတာႏ ဗဟိုႏသံႏဃာႏအစွိုꩻ၊လိတ်ရဲဉ်း(၃၁)ဇာတ်ဝတ္ထု၅၅၀)၊ အမုဲင်(၇)၊
ဧကနိပါတ်၊ဝရုဏဝဂ်၊ မဟာသုပိနဇာတ်။
သုခီတာ ဟောထ
@ND/2014
©Thotuzan.blogspot.com
No comments:
Post a Comment