နိ- နိမ့်ကျသောအားဖြင့်၊ ဝါတ-ဖြစ်ခြင်း၊နိဝါတကို “ နီစမနတာ နိဝါတဝုတ္တိတာ " ဟု အဋ္ဌကထာဖွင့်၏၊၊
နီစမနတာ- နိမ့်သောစိတ်ရှိသူ၏ အဖြစ်၊ ကိုယ်ကိုနိမ့်ချခြင်းမှာ စိတ် ကို နှိမ့်ချပြီးမ ဖြစ်နိုင်၏၊ မာနရှိသော စ...ိတ်မှာ မြင့်ထောင်တတ်နေရာ မာနကိုနှိမ်ထားခြင်းကို နိစမနတာ ဟုဆိုသည်၊၊ စိတ် ကို နှိမ့်ချထားလျှင် ကိုယ်ရော နှုတ်ပါ နှိမ်ပြီးသာဖြစ်နေ၍ နိဝါတဝုတ္တိတာ - နှိမ့်ချသော ဖြစ်ပုံမျိုးရှိသည်၏ အဖြစ်ဟု ဆိုသည်၊၊
နိဝါတ၏ ဆန့်ကျင်ဘက်မှာ ထဒ္ဓ တောင့်တင်းမာကျောသောသူ၊၊ အတိမာန အလွန်ထောင်လွားသူဖြစ်ရာ ထိုသူများကား အပြောအဆိုလည်း မောက်မာတတ်၏၊ မိမိကိုယ်ကို မြှောက် သူတပါးကို နှိမ်တတ်၏၊၊ အမျိုး ပညာ ဥစ္စာစသော ဂုဏ်အားဖြင့် သူတပါးကို မထီမဲ့မြင်ပြုတတ်၏၊၊ ကိုယ်အမူအရာလည်း ဘယ်သူမှ အရေးမစိုက်သကဲ့သို့ ထောင်ထောင်ကြွားကြွားပင် ၊ ထိုအမူအရာအားလုံးမှာ အများမုန်းဖွယ်ရာဖြစ်၍ အမင်္ဂလာသာ၊၊
နိဝါတရှိသူကားကိုယ်အမူအရာလည်း သိမ်မွေ့နူးညံ့စွာရှိနေသည့်အပြင် အပြောမှာလည်း သူတကာနားချမ်းသာ စိတ်ချမ်းသာဖွယ် ပြေပြစ်လျက်ရှိသည်၊ ထိုသူမှာ အများချစ်မြတ်နိုးဖွယ်ရာ မင်္ဂလာဖြစ်ရသည်၊၊
အရှင်သာရိပုတ္တရာ ၏ နိဝါတ
----------------------------
တနေ့သောအခါ အရှင်သာရိပုတ္တရာ ၏ သင်္ကန်းဝတ်ပုံမညီမညွတ်ဖြစ်နေသည်ကိုမြင်ရသော ခုနှစ်အရွယ် သာမဏေငယ်သည် “ အရှင်ဘုရားသင်္ကန်းဝတ်ပုံ မညီပါတကား " ဟု လျောက်၏၊၊ အရှင်သာရိပုတ္တရာသည် ကိုရင်လေးက ငါ့ကို ပြောရကောင်းလား" သဘောထားတော်မမူဘဲ တစ်နေရာသွားကာ သင်္ကန်းပြင်ဆင်ပြီးလျင် ကိုရင်ထံပြန်လာ၍ ရပ်လျက် လက်အုပ်ချီကာ သ်ာလောက်ဆိုလျှင် သင့်တော်ပါပြီလားဆရာ မိန့်ကြားပြီးနောက် “ ထိုနေ့ဖြစ်သော ခုနှစ်နှစ်အရွယ် သာမဏေလေးကပင် ဆုံးမလာလျှင် ထိုအဆုံးအမကို ဦးခေါင်းထက်မှာံယူပါသည် ဟု ကျူးရင့်တော်မူခဲ့သည်၊၊ တရားကို လေးစားသူတိုင်း အရှင်မြတ်ကြီး၏ အမြဲအားကျ အတုယူခဲ့ရပါသည်၊၊ ယူဖွယ်လည်း ကောင်းလှပေသည်၊၊ ( မိလိန္ဒ ၃၈၊ သံ ဋ္ဌ ၁၊ ၁၁၄၊ )
ယခုခေတ်ကာလများ အထက်တန်းလွာသို့ ရောက်နေသောသူအများစုသည် မောက်မာ ထောင်လွှားတတ်ကြကုန်၏၊၊ မပြည့်သော အိုးဘောင်ဘင်ခက်ဆိုသလို လူတစ်ယောက်နှင့် လူတစ်ယောက်ကို အောကိမကြို့နိုင်ဖြစ်နေတတ်ကြသည်၊၊ငါက စီနီယာ သူက ဂျူနီယာ ဘာလုပ်စရာလိုလဲ သူအလိုရှိရင်လာလိမ့်မယ့် ငါ တော့ သွားစရာမလို၊၊ ငါက ဘာကြီးကွ ငါ့အဖေက ငါ့အမျိုးက ဘာညာကွ စသည်ဖြင့်မာန်မာထောင်လွားနေတတ်ကြ၏၊၊ သည်လိုအတွေးမျိုး ရှိတတ်ကြ၏၊၊ ယင့်သို့ မဖြစ်သင့်ပေ၊၊ မာန်မာနထောင်လွှားခြင်းကြောင့် ကုသိုလ်မတိုးဘဲ အကုသိုလ်သာ ပို၍ တိုးနေပေမည်၊၊ စိတ်ထားတတ် မြတ်ဆိုသလို မိမိကိုယ်ကိုနှိမ်ချလိုက်လျှင် ကုသိုလ်အမြတ်တွေ ထွက်နေမည်သာ၊၊
မိမိတို့ အများစုဟာ စပါးပင်လို ကျင့်ကြံရမည်၊၊ ဘယ်လိုလဲဆိုတော့ စပါးပင်ဟာ မိမိ စပါးပင်၌ အသီးများ ပြီးပြည့်စုံအောင်မြင်အောင် သီးသော အခါ ငါ့မှာ အသီးတွေ ပြီးပြည့်စုံနေပါ့လားလို့ တစ်ထောင်ထောင် လုပ်မနေ၊ အောက်သို့ အမြဲ ညွှန်ကိုင်း နေသည်သာ၊၊
အရှင်သာရိပုတ္တရာ မထေရ်မြတ်ကြီးတို့ကို စံနမူနာ အတုယူ၍ ကြီးသူကို ရိုသေ ငယ်သူကို လေးစားစွာ
ပေါင်းသင်ဆက်ဆံကြ၍ နိဝါတမင်္ဂလာတရားအစဉ်ထွန်းကားအောင် ကြိုးစားအားထုတ်ပြုလုပ်နိုင်ကြပါစေ---
သတ္တဝါမှန်သရွေ့ တရားတွေ့ ချမ်းမြေ့သာယာရှိပါစေ........!See More
No comments:
Post a Comment