နိရောဓ ၇-မျိုး

နိရောဓ ဟူသည်
၁။ တဒင်္ဂ နိရောဓ
၂။ ၀ိက္ခမ္ဘန နိရောဓ
၃။ သမုစ္ဆေဒ နိရောဓ
၎။ ပဋိပဿဒ္ဓိ နိရောဓ
၅။ ခဏဘင်္ဂ နိရောဓ
၆။ သညာဝေဒယိတ နိရောဓ
၇။ သစ္စ နိရောဓ
ဟူ၍ အချုပ်အချာအားဖြင့် ၇-ပါးရှိသည်။ ထို ၇-ပါးတို့တွင် ခဏဘင်္ဂ နိရောဓသည် ဥပ္ပါဒခဏဘင်္ဂ နိရောဓ, အနုပ္ပါဒခဏဘင်္ဂ နိရောဓ-ဟူ၍ သတ္တိအားဖြင့် နှစ်ပါးဖြစ်လာသည်။ ထို့ကြောင့် နိရောဓ ၈-ပါး သိဖွယ်များ ဖြစ်လာသည်။
၁။ တဒင်္ဂ နိရောဓ ( ပဋိသမ္ဘိဒါမဂ္ဂ အဋ္ဌကထာ ဒုတွဲ နှာ-၅၃ )
ထိုရှစ်ပါးတွင် ထိုထို ကာမကုသိုလ်တည်းဟူသော အကြောင်းအစိတ်ဖြစ်ခိုက် ထိုထိုအကုသိုလ်တရားတို့၏ မဖြစ်ဘဲ ချုပ်ငြိမ်း၍နေခြင်းသည် ( တဒင်္ဂ-ထိုထိုကာမကုသိုလ်တည်းဟူသော အစိတ်အကြောင်းကြောင့်၊ နိရောဓ-ထိုထိုအကုသိုလ်တို့၏ ချုပ်ငြိမ်းခြင်းဖြစ်သောကြောင့် ) တဒင်္ဂနိရောဓ မည်၏။
( ဥပမာ )
လျှပ်စစ်လက်ခိုက် အမိုက်မှောင် ကင်းပျောက်သကဲ့သို့ မှတ်အပ်၏။
( ဆောင် )
လျှပ်စစ်လက်က၊ အမှောင် ပ,သို့၊ ကာမကုသိုလ်၊ ပယ်ခွင်းဖြိုကြောင့်၊ ထိုထို ပါပ၊ ချုပ်ငြိမ်းရ၊ ခေါ်ကြ တဒင်္ဂနိရောဓတည်း။
၂။ ၀ိက္ခမ္ဘန နိရောဓ ( ပဋိသမ္ဘိဒါမဂ္ဂ အဋ္ဌကထာ ဒုတွဲ နှာ-၁၂၁ )
ဈာန်ရပုဂ္ဂိုလ်များ၌ ဈာန်စိတ် တကြိမ်ဖြစ်ပြီးသည်မှစ၍ ဈာန်မလျောမကျမချင်း နီဝရဏတရားတို့၏ မဖြစ်ဘဲ ခွါရှဲ၍နေခြင်းသည် ( ၀ိက္ခမ္ဘန-ခွါသောအားဖြင့်၊ နိရောဓ-ချုပ်ငြိမ်းခြင်းကြောင့် ) ၀ိက္ခမ္ဘန နိရောဓ မည်၏။
( ဥပမာ )
ရေကန်၌ရှိသော မှော်များကို အိုးဖြင့် ဖယ်ရှား ပုတ်ခန်လိုက်သည်ရှိသော် ပုတ်ခတ်ခြင်း၏အဟုတ် မကုန်သေးသမျှ မှော်များခွါရှဲ၍ နေဘိသကဲ့သို့ မှတ်အပ်၏။
( ဆောင် )
အိုးဖြင့်ပယ်ရှား၊ မှော်ခွါသွားသို့၊ ဈာန်များဖြစ်က၊ နီဝရဏတို့၊ ကွာကြသောအား၊ ချုပ်ငြိမ်းငြား၊ မှတ်သား ၀ိက္ခမ္ဘန နိရောဓတည်း။
၃။ သမုစ္ဆေဒ နိရောဓ ( ပဋိသမ္ဘိဒါမ၈္ဂ အဋ္ဌကထာ ဒုတွဲ-နှာ ၁၂၁ )
မဂ္ဂဋ္ဌာန်ပုဂ္ဂိုလ်များ၌ မဂ်စိတ်ဖြစ်ခိုက် မဂ်လေးပါးတို့၏ အသီးသီးသော အစွမ်းသတ္တိ အရှိန်အစော် အာနုဘော်ကြောင့် ထိုက်သည်အားလျော်စွာ အနုသယတို့၏ နောင်တဖန်မဖြစ်နိုင်ဘဲ အမြစ်အရင်း အကြွင်းမရှိ ကင်းပြတ်ချုပ်ငြိမ်း ရုပ်သိမ်းခြင်းသည် ( သမုစ္ဆေဒ-အကြွင်းမဲ့ ဖြစ်သောအားဖြင့်၊ နိရောဓ-ချုပ်ငြိမ်းခြင်းကြောင့် ) သမုစ္ဆေဒ နိရောဓ မည်၏။
( ဥပမာ )
မိုးကြိုးကျရာဖြစ်သော သစ်ပင်ကြီးငယ် အသွယ်သွယ်တို့သည် တကြိမ်တည်း၌ပင် နောင်တဖန် စည်ပင်ပေါက်ရောက်နိုင်ခြင်းမရှိဘဲ အမြစ်အရင်းနှင့်တကွ သေကြေပျက်စီးခြင်းကဲ့သို့ မှတ်အပ်၏။
( ဆောင်)
မိုးကြိုးကျက၊ ပင်ရုက္ခတို့၊ မြစ်မျှမကျန်၊ ပျက်စီးဟန်သို့၊ မဂ်ဉာဏ်ဖြစ်က၊ နုသယတို့၊ ပျက်ကြလေခြင်း၊ ချုပ်ငြိမ်းခြင်းသည်၊ မယွင်း သမုစ္ဆေဒ နိရောဓတည်း။
၎။ ပဋိပဿဒ္ဓိ နိရောဓ ( ပဋိသမ္ဘိဒါမဂ္ဂ အဋ္ဌကထာ ဒုတွဲ-နှာ ၅၃ )
ဖလဋ္ဌာန်ပုဂ္ဂိုလ်များ၌ ဖိုလ်စိတ်၏ အရှိန်အစော် အာနုဘော်ကြောင့် ကိလေသာတို့၏ အခိုးအငွေ့များ ထပ်မံချုပ်ငြိမ်း ရုပ်သိမ်းခြင်းသည် ( ပဋိပဿဒ္ဓိ-ငြိမ်းသောအားဖြင့်၊ နိရောဓ-ချုပ်ငြိမ်းခြင်းကြောင့် ) ပဋိပဿဒ္ဓိ နိရောဓ မည်၏။
( ဥပမာ)
မီးလောင်ပြင်ကို ရေဖြင့် ထပ်မံလောင်းသတ်က မီး၏အခိုးအငွေ့ အရှိန်အစော်ကင်း၍ အေးမြခြင်းသို့ ရောက်သကဲ့သို့ မှတ်အပ်၏။
( ဆောင် )
မီးလောင်ပြင်ကို၊ သန့်စင်ဇလာ၊ ဖြန်းလောင်းပါက၊ ရှိန်ဝါပူငွေ့၊ မြူမတွေ့သို့၊ မဂ်ရေနောက်ပေ၊ ဖိုလ်များ ရေကြောင့်၊ ကိလေပူငွေ့၊ မြူမတွေ့၊ မရွေ့ ပဋိပဿဒ္ဓိ နိရောဓတည်း။
၅။ ဥပ္ပါဒခဏဘဂ် နိရောဓ ( ပဋသမ္ဘိဒါမဂ္ဂ အဋ္ဌကထာ ဒုတွဲ-နှာ ၂၈၄ )
ဘုရား ပစ္စေကဗုဒ္ဓါ ရဟန္တာတို့၏ စုတိစိတ်တော်မှ တပါးသော အလုံးစုံသောစိတ်တို့၏ ဘင်ခဏ၌ နောက်နောက်စိတ်တို့၏ ဖြစ်ပေါ်လာရန် အနန္တရ၊ သမနန္တရ၊ နတ္ထိ၊ ၀ိဂတ စသော သတ္တိတို့ဖြင့် ကျေးဇူးပြုလျက် ချုပ်ငြိမ်းခြင်းသည် ( ဥပ္ပါဒ-နောက်စိတ်များစွာ ဖြစ်ပေါ်လာရန် ကျေးဇူးပြုလျက်၊ ခဏ-ခဏငယ်သုံးပါးတို့တွင်၊ ဘင်္ဂ-ဘင်ခဏ၌၊ နိရောဓ-ချုပ်ငြိမ်းခြင်းကြောင့် ) ဥပ္ပါဒခဏဘင်္ဂ နိရောဓ မည်၏။
( ဥပမာ )
စကြာမင်း နတ်ရွာစံခြင်းသည် သားကြီးဥပရာဇာ မင်းဖြစ်ရန် ကျေးဇူးပြုသကဲ့သို့ မှတ်အပ်၏။
( ဆောင် )
စကြာမင်းဖျား၊ နတ်ရွာလားက၊ သားမောင်အသော့၊ မင်းဖြစ်တော့ဟု၊ ဆိုသောအလား၊ နောက်စိတ်များ၏၊ ပေါက်ဖွားလာဖို့၊ ရှေ့စိတ်တို့၏၊ ချို့ချို့ယွင်းယွင်း၊ ချုပ်ပျက်ခြင်းသည်၊ ထင်လင်း ဥပ္ပါဒခဏဘင်္ဂ နိရောဓတည်း။
၆။ အနုပ္ပါဒခဏဘင်္ဂ နိရောဓ
ဘုရား ပစ္စေကဗုဒ္ဓါ ရဟန္တာတို့၏ စုတိစိတ်၏ ဘင်ခဏ၌ နောက်နောက်သောစိတ်များ ဖြစ်ပေါ်လာရန် အနန္တရ၊ သမနန္တရ၊ နတ္ထိ၊ ၀ိဂတ စသော သတ္တိတို့ဖြင့် ကျေးဇူးမပြုဘဲ မိမိ၏အကြောင်းကုန်၍သာ ချုပ်ငြိမ်းခြင်းသည် ( အနုပ္ပါဒ-နောက်စိတ်များ ဖြစ်ပေါ်လာရန် ကျေးဇူးမပြုဘဲ၊ ခဏ-ခဏငယ်သုံးပါးတို့တွင်၊ ဘင်္ဂ-ဘင်ခဏ၌၊ နိရောဓ-ချုပ်ငြိမ်းခြင်းကြောင့် ) အနုပ္ပါဒခဏဘင်္ဂ နိရောဓ မည်၏။
( ဥပမာ )
မီးဇာနှင့်ဆီ ကုန်၍ မီး၏ငြိမ်းခြင်းသည် မည်သည့်အရာဝတ္ထုကိုမျှ ဖြစ်ပေါ်လာရန် ကျေးဇူးပြုဘဲ မိမိ၏အကြောင်းကုန်၍သာ ငြိမ်းဘိသကဲ့သို့ မှတ်အပ်၏။
( ဆောင် )
ဆီနှင့်မီးဇာ၊ ကုန်ခဲ့ရာကြောင့်၊ လျင်စွာငြိမ်းပေ၊ မီးအနေသို့၊ ကိလေကမ္မ။ ဒွေဝဋ္ဋတို့၊ ကုန်ကြတုံလျှင်း၊ ချုပ်ငြိမ်းခြင်းသည်၊ မယွင်း အနုပ္ပါဒခဏဘင်္ဂ နိရောဓတည်း။
၇။ သညာဝေဒယိတ နိရောဓ ( ပဋိသမ္ဘိဒါမဂ္ဂ အဋ္ဌကထာ ပတွဲ-နှာ ၂၄၈ )
သမာပတ်ရှစ်ပါး ရပြီးသော ကာမ ရူပ အနာဂါမ် ရဟန္တာပုဂ္ဂိုလ်များ၌ နိရောဓသမာပတ်သို့ ရောက်ရန် ဈာန်ဝင်စားနည်း အမျိုးမျိုးတို့ဖြင့် ၀င်စားခြင်းကြောင့် ကာမဘုံ၌ ခုနစ်ရက်၊ ရူပဘုံ၌ အလိုရှိသမျှ စိတ် စေတသိက် စိတ္တဇရုပ်တို့၏ မဖြစ်ဘဲ ချုပ်ငြိမ်း ရုပ်သိမ်းနေခြင်းသည် ( သညာဝေဒယိတ-သညာ ဝေဒနာ အဦးရှိသော စိတ် စေတသိက် စိတ္တဇရုပ်တို့၏၊ နိရောဓ-မဖြစ်ဘဲ ချုပ်ငြိမ်း ရုပ်သိမ်းခြင်းကြောင့် ) သညာဝေဒယိတ နိရောဓ မည်၏။
( ဥပမာ )
ယခုခေတ် မေ့ဆေးပေးကြရာ၌ မေ့ဆေး၏ အစွမ်းသတ္တိအားလျော်စွာ ဆရာဝန်အလိုရှိသမျှ မေ့မြော၍နေဘိသကဲ့သို့ မှတ်အပ်၏။
( ဆောင် )
ဈာန်ရနာဂါမ်၊ အရဟံတို့၊ ဈာန်အာနုဘော်၊ ရှိန်အစော်ကြောင့်၊ နှစ်ဖော်စိတ်စေ၊ စိတ္တဇေ၏၊ ကာမေ သတ္တ၊ ဘုံရူပ၌၊ လိုသမျှမငြင်း၊ ချုပ်ငြိမ်းခြင်းသည်၊ မယွင်း သညာဝေဒယိတ နိရောဓတည်း။
၈။ သစ္စ နိရောဓ
သစ္စနိရောဓဟူသည် ပရမတ်လေးပါးတို့တွင် စိတ် စေတသိက် ရုပ် ပရမတ်တို့သည် မိမိ မိမိတို့၏ သဘောလက္ခဏာအားဖြင့် အသီးသီး သာသနာတွင်း သာသနာပ ဘယ်ကာလ၌မဆို အဟုတ်အမှန် ဧကန်စင်စစ် ရှိနေကြဘိသကဲ့သို့ ထို့အတူ မိမိ၏ ငြိမ်းအေးခြင်းဟူသော သန္တိသဘောဖြင့် အသီးအခြား သာသနာတွင်း သာသနာပ ဘယ်ကာလ၌မဆို အဟုတ်အမှန် ဧကန်စင်စစ် ရှိနေကြသော ရှေ့သုံးပါးတို့နှင့် မရောမယှက် သက်သက်သော အသင်္ခတဓာတ် ပရမတ်တမျိုးသည် ( သစ္စ-မှန်ကန်တည့်မတ်သော၊ နိရောဓ-အနုသယကိလေသာတို့၏ ချုပ်ငြိမ်းကြောင်းဖြစ်သောကြာင့် ) သစ္စ နိရောဓ မည်၏။
( ဥပမာ )
အစွမ်းသတ္တိ ထက်မြက်လှသော ဆေးဝါးမန္တရားသည် ကြီးကျယ်ပြင်းပြလှသော ရောဂါဝေဒနာ အဖြာဖြာတို့၏ ကင်းပျောက်ပျက်စီးကြောင်း ဖြစ်ဘိသကဲ့သို့ မှတ်အပ်၏။
( ဆောင် )
စိတ် စေ ရုပ်များ၊ သဘောအားဖြင့်၊ သီးခြားတုံလျက်၊ စဉ်အဆက်ဖြင့်၊ ပျက်ကာ ဖြစ်ကာ၊ ရှိနေပါသို့၊ ပမာထိုနဲ၊ ဖြစ်ပျက်စဲလျက်၊ အမြဲမကွာ၊ ရှိနေပါ၍၊ ဘယ်ခါမဆို၊ သူထိုထိုတို့၊ မဂ် ဖိုလ် ရက၊ ပစ္စက္ခဖြင့်၊ အနုသယပေါင်း၊ ချုပ်ငြိမ်းကြောင်းသည်၊ မှတ်ကြောင်း သစ္စနိရောဓတည်း။
( ပြည်-ဇောတိကာရုံ ဆရာတော် )