တပေါင်းလပြည့် မြတ်ဗုဒ္ဓ ပြည်တော်ဝင် အခါတော်နေ့ အကြောင်း
*********************************************
“မြတ်ဗုဒ္ဓ နှင့် တပေါင်းလ”
တပေါင်းလသည် မြန်မာလများတွင် ၁၂-လမြောက်ဖြစ်သည်။
တနှစ်တာ၏ နောက်ဆုံးလဖြစ်သည်။
တပေါင်းလ၏ ပထမလ၀က်သည်ဆောင်းရာသီတွင် ကျရောက်သည်။
ဒုတိယလ၀က်ကား နွေရာသီတွင် ကျရောက်သည်။
ဆောင်းကူးနွေစ သာယာလှသော လရာသီဖြစ်သည်။ထို့ကြောင့် ခေတ်အဆက်ဆက် စာဆိုတို့သည်
တပေါင်းလ၏အလှကို ရေးဖွဲကြသည်မှာယနေ့တိုင်ဖြစ်သည်။
ရှေးယခင်က တပါင်းလပွဲတော်သည် သဲပုံစေတီပွဲတော် ဖြစ်သည်။ သဲပုံစေတီပွဲတော်သည် ပုဂံခေတ် (သို့မဟုတ်) ပုဂံခေတ်မတိုင်မီကပင် ပေါ်ပေါက်ခဲ့သည်ဟု အချို့က ဆိုကြသည်။ နောက်ပိုင်းတွင် သဲပုံစေတီပွဲတော် ကျင်းပသည့်ဓလေ့ တဖြည်းဖြည်း မှေးမှိန်သွားသည်။ တပေါင်းလပြည့်နေ့တွင် ဘုရားပွဲတော်များ ကျင်းပသည့် ဓလေ့ ခေတ်စားလာခဲ့သည်။ ထိုသို့ ဘုရားပွဲတော် ကျင်းပခြင်းကိုပင် “တပေါင်းလပွဲတော်”ဟု ခေါ်ကြသည်။
တပေါင်းလသည် ရာသီဥတု သာယာသည်နှင့်အမျှ သာသနာရေးတွင်လည်း မှတ်တမ်းတင်သင့်သော ဖြစ်ရပ်ကြီးများ ပေါ်ထွန်းခဲ့သည်။
ဗုဒ္ဓဘုရားရှင်လက်ထက်တော်က ဘုရားရှင်သည် ရာဇဂြိုဟ်ပြည် ဝေဠုန်ဝန်ကျောင်းတော်၌ သီတင်းသုံးကာ အင်္ဂတိုင်းနှင့် မဂဓတိုင်းမှ ဒကာ ဒကာမများအား တရားရေအေးတိုက်ကျွေးလျက်ရှိသည်။ ထိုသတင်းကို ခမည်းတော် သုဒ္ဓေါဒနမင်းကြီး ကြားသိသောအခါ သားတော်ဘုရားကို ဖူးတွေ့ချင်နေသည်။ ထို့ကြောင့် အမတ်တယောက်အား အခြွေအရံတထောင်နှင့်အတူ စေလွှတ်၍ ပင့်ခိုင်း၏။
ထိုအမတ်သည် ဗုဒ္ဓထံ ရောက်လာရာမှ တရားတော်ကိုနာရ၍ အခြွေအရံတို့နှင့်အတူ ရဟန်းပြုသွားသည်။ သုဒ္ဓေါဒနမင်းကြီးထံ ဘုရားရှင်ကြွရောက်တော်မူရန် မပင့်ဖြစ်ချေ။ မင်းကြီးလည်း
နောက်ထပ်၍ အမတ်တို့ကို အခြွေအရံ တထောင်စီဖြင့်ကိုးကြိမ်တိုင်အောင် စေလွှတ်ခဲ့သည်။
သို့သော် အားလုံး ရဟန်းပြု၍ နေကြပြန်သည်။
ဆယ်ကြိမ်မြောက်တွင်မူ ဗုဒ္ဓဘုရားရှင်နှင့် ဖွားဖက်တော်ဖြစ်သော ကာဠုဒါယီအမတ်ကို စေလွှတ်သည်။ ကာဠုဒါယီအမတ်သည်လည်း ရှေးကအမတ်များနှင့်နည်းတူပင် နောက်ပါများနှင့်တကွ ရဟန်းပြုပြန်သည်။ သို့ရာတွင် ခရီးလမ်းပန်းသာယာသော တပေါင်းလအချိန်သို့ ရောက်သောအခါတွင်ကား လမ်းခရီးသာယာပုံ တပေါင်းအလှကို ဂါထာပေါင်း ၆၀-ဖြင့် ဖွဲ့နွဲ့ကာ ကပိလ၀တ်ပြည်သို့ ကြွပါမည့်အကြောင်း ဘုရားရှင်အား လျှောက်ထားတောင်းပန်သည်။ ဗုဒ္ဓဘုရားရှင်လည်း လက်ခံကာ တပေါင်းလပြည့်နေ့၌ ကပိလ၀တ်ပြည်သို့ ကြွတော်မူခဲ့သည်။
♦ဘုရားရှင် ကပိလ၀တ်နေပြည်တော်သို့ကြွတော်မူခြင်းကြောင့်နိဂြောဓာရုံကျောင်းကြီး ပေါ်ပေါက်လာသည်။
♦ဂါထာ ၁၀၀၀-ဖြင့် တန်ဆာဆင်အပ်သော
♦ဝေဿန္တရာဇာတ်တော်ကြီးကို ဟောတော်မူခဲ့သည်။
♦ခမည်းတော် သုဒ္ဓေါဒနမင်းကြီးသည်လည်းမဟာဓမ္မပါလဇာတ်တော်ကြီးကို ကြားနာရသဖြင့်
အနာဂါမ် တည်ခဲ့သည်။ နောင်အခါအရဟတ္တဖိုလ် တည်သွားသည်။
♦ဗုဒ္ဓဘုရားရှင် ကပိလ၀တ်ပြည်သို့ ကြွရောက်တော်မူ၍ တရားဟောတော်မူသဖြင့် မိထွေးတော်ဂေါတမီသည်လည်း သောတာပန်တည်သည်။
♦ယသော်ဓရာကို အကြောင်းပြု၍ စန္ဒကိန္နရီဇာတ်တော်ကိုလည်း ဘုရားဟောတော်မူခဲ့သည်။
♦ညီတော်နန္ဒမင်းသား ရဟန်းပြုဖြစ်သည်။
♦သားတော်ရာဟုလာ သာမဏေဘ၀သို့ ရောက်ရှိသည်။ ♦သာကီဝင်မင်းသားတထောင် ရဟန်းဘောင်သို့ ရောက်ရှိသည်။
♦ဆွေမျိုးတို့ ဘုရားရှင်ကို ကြည်ညိုစေရန် ဆောင်ရွက်ရာ၌ အထူးအောင်မြင်သဖြင့် ကာဠုဒါယီမထေရ်အား
ကုလပ္ပသာဒ ဧတဒဂ်ဘွဲ့ ချီးမြှင့်တော်မူခဲ့သည်။
တပေါင်းလပြည့်နေ့သည် ဘုရားရှင် ပြည်တော်ဝင်ရန် စတင်ကြွလှမ်းသောနေ့ဖြစ်သဖြင့်လည်း
ထိုနေ့ကို အကြောင်းပြု၍ သာသနာတော်၌ထူးခြားသော ဖြစ်ရပ်ကြီးများ ပေါ်ထွန်းခဲ့သည်။
ထို့ပြင် မဟာသက္ကရာဇ် ၁၀၃-ခု တပေါင်းလပြည့်ဗုဒ္ဓဟူးနေ့တွင် သိကြားမင်း၊ ဥက္ကလာပမင်းကြီး
တပုဿနှင့်ဘလ္လိက ကုန်သည်ညီနောင်တို့ကြီးမှူး၍ရွှေတိဂုံစေတီတော်ကြီး တည်ထားခဲ့သည်ဟု
သမိုင်းကဆိုသည်။ဤကား တပေါင်းလကို အကြောင်းပြု၍သာသနာတော်၌ ထူးခြားသော မှတ်တိုင်ကြီးများ
ပေါ်ထွန်းလာခဲ့ခြင်း ဖြစ်ပေသည်။
#(မင်္ဂလာသတင်းစဉ်)မှတဆင့် ( မူကြိုဆရာ ) & ဓမ္မနဒီ
***********
တပေါင်းပွဲတော်နေ့သည်...မြတ်ဗုဒ္ဓ၏ မွေးရပ်မြေ ပြည်တော်ပြန်သောနေ့ ဟု
သတ်မှတ်ကြကာ တပေါင်းပွဲတော်ကို ကျင်းပကြသည်။
ပြည်တော်ပြန် လ တပေါင်း
ပြည်ကပ္ပီနန်း ကြွမြန်းခိုလှုံ၊
ခမည်းတော်မင်း ဆွေရင်းမျိုးစုံ၊
ဗုဒ္ဓ၀င်ဇာတ် ဟောလတ်ဖုံဖုံ၊
ပြန်လည်တွေ့ လပြည့်နွေကဆုန်။
---------------------------------------
ရာသီသာသည့် တပေါင်းလပြည့်ကျော်တစ်ရက်နေ့မှ စတင်ကား ယူဇနာ ခြောက်ဆယ်
ရှိသည့် ပြည်တော်ပြန် ခရီးကို တစ်နေ့လျှင် တစ်ယူဇနာနှုန်းဖြင့် ကြွချီတော်မူသည်။
ဆောင်းနှောင်းနွေစ၊ တပေါင်းလ၌၊
ညီမျှရာသီ၊ မြိုင်တောစည်၍၊
သာသည်လမ်းပန်း၊ ရှုမခန်းမျှ၊
ခင်တန်းတစ်ခို၊ လွမ်းတေးဆိုသည့်၊
နွေကြိုဥသြ၊ သံချိုနှောသည့်၊
ကြက်တောဥဒေါင်း၊ ကျေးငှက်ပေါင်းတို့၊
ငြိမ့်ငြောင်းသံလွင်၊ သားသမင်တို့၊
စိမ်းလွင်မြက်ခင်း၊ ရွရွနင်း၍၊
သေဌ်နင်းလူ့ဘ၊ ဖူးမြော်ကြ၏။
အေးမြကြည်လင်၊ စမ်းရေလျဉ်လည်း၊
စီးသွင်ငြိမ့်ငြိမ့်၊ တောလုံးစိမ့်မျှ၊
ချမ်းငြိမ့်ကြည်သာ၊ လေပြည်လာလျက်၊
သည်ခါသာလှ၊ ကပ္ပိလသို့၊
ဇိနဘုန်းမော်၊ ဖသုဒ္ဓေါထံ၊
စက်တော်ချီကြွ၊ ဖူးမြော်ကြ၏။
*****
ဆရာ ကိုသက် ရေးသော တပေါင်းပွဲ ဆောင်းပါးမှ---
သာသည်ညင်းညင်း
မြောက်လေကြွင်းနှင့်
ဆီးနှင်းမကုန်
ပူဟုန်မသည်း
ပျံ့ပျံ့ဖြည်းသား . . .
ရှင်အုန်းညို (အင်းဝစာဆိုကျော်)
“တပေါင်း” အသံကို ကြားတော့ အင်းဝခေတ်စာဆိုကျော် ရှင်အုံးညိုကို သတိရမိတယ်။ တပေါင်းရဲ့ သဘာဝရာသီကို လှပစွာဖွဲ့သီခဲ့တဲ့ ရှင်အုန်းညိုရဲ့ ကဗျာစာသားများက ယနေ့တိုင် ခေတ် မကုန်နိုင်ဘဲ၊ ရှင်သန်နေဆဲပါ။
ရာသီနှစ်ခုပေါင်းဆုံပြီး ဖြစ်တည်ထားတဲ့ တပေါင်းလရဲ့ပထမပိုင်း(၁၅)ရက်မှာ ဆောင်းရဲ့နောက်ဆုံးနေ့ရက် များဖြစ်ပြီး ဒုတိယပိုင်း(၁၅)ရက်ဟာ နွေကြိုရက်များပင် ဖြစ်ပါတယ်။ ဆောင်းအကုန် နွေအကူး ထူးခြားတဲ့ရာသီ သဘာဝတစ်ခုပင် ဖြစ်ပါတယ်။ တပေါင်းရဲ့ နေ့ခင်းပိုင်းရာသီဟာ အတန်အသင့် ပူသော်လည်း ညပိုင်းမှာ မြောက်ပြန် လေညင်းလို့ ဆောင်းကြွင်းလက်ကျန် ငွေနှင်းတို့ ကျနေတတ် ပြန်တယ်။ မပူလွန်း မအေးလွန်းသည်မို့ သာယာလှပ မျှတပြီး အလွန်နေထိုင်၍ ကောင်းတဲ့ ရာသီပင် ဖြစ်ပါတယ်။
ပူပန်ခြင်းကောင်းသောလ၊ ပူသောနွေရာသီသို့ ကျရောက်သောလ၊ ထန်းချက်လ၊ ထန်းရည်ကို ကျို၍ ထန်းလျက်ချက်သောလ စတဲ့ အဓိပ္ပါယ်ဆိုလိုချက်များမှ တပေါင်းဆိုတဲ့ ဝေါဟာရထွက်ပေါ်လာခဲ့ကြောင်း ပညာရှင်များက ဆိုထားပါတယ်။ တ=ထန်း+ပေါင်း=ချက်သောလ၊ တပေါင်း=ထန်းချက်လဟု ဆိုလိုကြ ပါတယ်။
တပေါင်းလရဲ့ ထင်းရှားသောပွဲတော်များမှာ သဲပုံစေတီပွဲနဲ့ တပေါင်းပွဲပင် ဖြစ်ပါတယ်။ သဲပုံစေတီပွဲတော် ဟာ ဗုဒ္ဓသာသနာနဲ့အတူ ပေါ်ထွန်းခဲ့သောပွဲတော်လို့ ယူဆနိုင်ပါတယ်။ ပုဂံခေတ်အခါက အနော်ရထာ မင်းကြီးဟာ ဧရာဝတီမြစ်ကမ်း သဲသောင်ခုံပေါ်မှာ သဲပုံစေတီပွဲကို ပူဇော် ကျင်းပလေ့ ရှိပါ တယ်။ ရွှေစည်းခုံစေတီမှာ ထင်ရှားသော သာဓက တစ်ရပ်ပင် ဖြစ်ပါတယ်။ စည်းခုံ=စဲခုံ=သဲခုံ ဟု သ နဲ့ စ အက္ခရာများကို အပြောင်းအလဲလုပ်လိုက်လျှင် ရွှေစည်းခုံစေတီတော်ရဲ့ မူရင်းသမိုင်းအစနဲ့ ပုဂံခေတ် သဲပုံစေတီပွဲ အကြောင်းကို မြင်နေရပါတယ်။
တပေါင်းလတွင် မြစ်၊ ချောင်းများ၌် ရေကျသွားသဖြင့် သဲသောင်ခုံများ ပေါ်လာလေ့ရှိပါတယ်။ သဲပေါများသော ထိုလတွင် ကောက်ပဲသီးနှံ၊ စပါးဆန်သိမ်း၍ ငွေစရွှင်နေတဲ့ တိုင်းသူပြည်သားများဟာ စုပေါင်း၍ သဲပုံစေတီပွဲတော်ကို ကျင်းပကြပါတယ်။ အလှူဒါနနဲ့ ပျော်ပွဲရွှင်ပွဲများလည်း ပါဝင်ပြုလုပ်ကြ ပါတယ်။
ဝါးဖြင့်ပြုလုပ်ထားသော ရိုင်ပတ် အ၀န်းအ၀ိုင်းအတွင်းသို့ သဲများကိုသွန်းလောင်းကာ သဲပုံစေတီကို တည်ထား ကိုးကွယ်ကြပါတယ်။ ပထမအဆင့် (အရစ်) ပြီးတဲ့အခါ ဒုတိယအဆင့်၊ တတိယအဆင့်၊ စတုတ္ထအဆင့်နဲ့ ပဉ္စမအဆင့်များကို ဆက်လက် တည်ဆောက်ကြပါတယ်။ မြင်းမိုရ်တောင်ရှိ အာလိန် ငါးဆင့်ပုံကို ရည်ညွန်း၍ သဲပုံစေတီများကို ငါးဆင့် ပြုလုပ်တည်ဆောက်ခြင်း ဖြစ်ပါတယ်။
နှစ်ကာလ ကြာမြင့်လာတဲ့အခါ သဲပုံစေတီတော်များကို အုတ်များဖြင့်ငုံ၍ စေတီတော်ကြီးများအဖြစ် တည်ထား ကိုးကွယ်ကြပါတယ်။ စေတီလေးမျိုး ကိုးကွယ်မှုသည် ဗုဒ္ဓဘာသာဝင်များအတွက် ကုသိုလ်ရွှေအိုးမြှုပ်နှံရာတစ်ခု ဖြစ်ကြောင်း ခုဒ္ဒကပါဌပါဠိ၊ နိဓိကဏ္ဍသုတ်မှာ မြတ်ဗုဒ္ဓ မိန့်မှာခဲ့ဖူးတယ်။
နောက်ပွဲတော်တစ်ခုမှာ တပေါင်းပွဲပင် ဖြစ်ပါတယ်။ သဲပုံစေတီပွဲတော်များ တဖြည်းဖြည်းနဲ့ တိမ်ကောစ ပြုချိန်မှာ တပေါင်းပွဲတော်အဖြစ် ဘုရားပွဲတော်များကို ကျင်းပလာကြပါတယ်။ မြန်မာနိုင်ငံအရပ်ရပ်ရှိ ဘုရားစေတီတွေမှာ ယနေ့တိုင်ကျင်းပပြုလုပ်လျက်ရှိတဲ့ တပေါင်းပွဲတော်များကို စည်ကားစွာ မြင်တွေ့နိုင် ပါတယ်။
ဟိုးယခင်က ရွှေတိဂုံစေတီတော် တပေါင်းပွဲတော်ဟာ အစည်ကားဆုံးလို့ ဆိုလို့ရပါတယ်။ အစားအစာ မျိုးစုံ၊ ပျော်ပွဲမျိုးစုံ၊ ပစ္စည်းမျိုးစုံတို့ ဆုံတဲ့နေရာပါ။ မြန်မာပြည် အနယ်အနှံ့က ဘုရားဖူးများနဲ့ အစဉ်အမြဲ ပြည့်နက်နေတတ်ပါတယ်။ ရင်ပြင်တော်ပေါ်မှာ ဆွမ်းတော်ကြီးတင်၊ ရေသပ္ပါယ်၊ သံဃာတော်များ ပဌာန်းနဲ့ပူဇော်၊ ဆွမ်းဆန်စိမ်းလောင်းလှူတာတွေနဲ့ လူက ကြက်ပျံမကျ စည်ကားလှပါတယ်။ ယနေ့ခေတ် မှာတော့ ရွှေတိဂုံစေတီတော် တပေါင်းပွဲတော်က အရင်နဲ့ မတူတော့ပါ။ အခြေအနေ အကြောင်း အမျိုးမျိုးကြောင့် တပေါင်းပွဲတော်တွေလည်း တိမ်ကောစပြုလာပြန်ပါပြီ။
“တပေါင်းသော်ကား၊ ဆံတော်ဒဂုံ၊ တက်ကြတုံ၏၊ ပည်းပုံများဖြင့်၊ သဘင်နှစ်ကြောင်း၊ လှေပေါင်းလှည်းက၊ တုပဆင်ယင်၊ မမြင်စဖူး၊ တင့်လွန်ကျူးမျှ၊ စုံပူးမကွာ၊ သို့သောခါသည်...” လို့ တပေါင်း နဲ့ ရွှေတိဂုံစေတီပွဲတော်အကြောင်း ဖွဲ့သီခဲ့တဲ့ စာဆိုန၀ဒေးလည်း ထိုင်ငိုလောက်တဲ့အဖြစ်ရယ်ပါ...။
__________________________________________
#ကိုသက်
