ကဗျာရေးချင် စာစပ်သင်

***ကဗျာရေးချင် စာစပ်သင် ( ၁၀ )***
**(၁)မှ(၉)ထိ အနှစ်ချုပ်
@@@@@@@@@@@@@@@@@
ကျွန်တော်တင်ခဲ့သမျှ ကဗျာရေးချင် စာစပ်သင်ကို ရေးပြီးတဲ့အထိ အနှစ်ချုပ် လိုက်ရင်
[[[ သံပေါက်]]]
ကခြင်းအစ လက်မြှောက်က
တီးခြင်းအစ ဝါးခေါက်က
ဖွဲ့ခြင်းအစ သံပေါက်က ဆိုရိုးအတိုင်း
ကဗျာအစ သံပေါက်က လို့နားလည်ထားပါ။ သံပေါက်ရေးနည်းကို ကဗျာလေးနဲ့မှတ်ထားပါ…
**အစလေးလုံး
အလယ်သုံး
အဆုံး ငါး ခုနှစ်။
ကဗျာအစ စာကြောင်းက စာလုံးလေးလုံး ရှိရပါတယ်။ ဒုတိယမြောက် အလယ်စာကြောင်းက စာလုံးသုံးလုံး ရှိပါတယ်။ နောက်ဆုံးသုံးကြောင်းမြောက် စာကြောင်းက စာလုံး ငါးလုံး နဲ့လည်းပိတ်လို့ရပါတယ်။ ခုနှစ်လုံးလည်းပိတ်လို့ရပါတယ်။ဥပမာ…
- - - * |-> သူနှင့်ငါ( လျှင်)
- - * |-> မေတ္တာ( ယှဉ် )
- * - - -။ |-> ချစ်( ခင်) ကြင်နာကြ။
တစ်နည်း
- - - * |-> တစ်လောက(လုံး)
- - * |-> မေတ္တာ(ဖုံး)
- * - - - - -။ |-> ရွှင်(ပြုံး) ကြည်သာ
ချမ်းမြေ့စွ။
ဒါသံပေါက် ရေးနည်း။
[[[အသံ]]]
နောက်အသံ အကြောင်းပါ စာအုပ်ကြီးအတိုင်း ပါဠိပါတ်သားတွေနဲ့ ပြောရင် နားရှုပ်မှာပါ။ အလွယ်တကူမှတ်ထားပါ သံပေါ့ | သံလေး လို့မှတ်ပါ။ ပေါ့ပေါ့ပါးပါးရွတ်ရတာ သံပေါ့ ( သာ|ယာ| ဝေ| စည်| ပြည် | မြန်) စသည်
လေးလေးပင်ပင်ရွတ်ရတာ သံလေး(ပြေး| ကြီး| တည်း|စီး |ရွက်| များ|ကျွမ်း|လွှမ်း)စသည်
မြန်မာဘာသာမှာအသံခြောက်ပါး|ကဗျာဖွဲ့ဆိုရာမှာ အသံလေးပါးရှိတယ်လို့ ကဗျာကျမ်းမှာပြဆိုပါတယ်။
[[[ကာရန်]]]
သံပေါက်|လေးလုံးစပ်လင်္ကာ|ရတုတို့မှာ အဓိကအားဖြင့် လွယ်လွယ်ကူကူမှတ်သားလို့ ရတဲ့ ကာရန် အနေအထားတွေက
၎-၃-၂
ပထမစာကြောင်း စာလုံးရေလေးလုံးမြောက်မှာ ကာရန်ကိုအစပြုပါတယ်။ ဒုတိယစာကြောင်းစာလုံးရေ
သုံးလုံးမြောက် မှာအသံတူ ကာရန်ချိတ်ပြီးဆင်းပါတယ်။ တတိယစာကြောင်းစာလုံးရေ နှစ်လုံးမြောက်မှာ အသံတူကာရန် နဲ့အဆုံးသတ်ပါတယ် ။
- - - *(၄) |-> မာတာပိ(တ)
- - * -(၃) |-> မိနှင့်(ဖ)အား
- * - -(၂) |-> နှိမ့်(ချ)ကော်ရော်
ကျွန်ပူဇော်၏ ။
၎-၃-၁
- - - *(၄) |-> ကိုယ့်ကိုယ်ကို(သာ)
- - * -(၃) |-> အားကိုး(ရာ)မို့
* - - -(၁) |-> (ဘာ)ကိုမျှော်ကိုး
ရမည်နည်း ။
၎-၃
- - - *(၄) |-> တစ်မြေစီ( ခြား )
- - * -(၃) |-> လွမ်းရ (သား) ခင်ရယ် ။
၎-၂
- - - *(၄) |-> ပင်ခြေရင်း(မှာ)
- * - -(၂ ) |-> ရွက်(ဝါ) ကြဲပြန့် …
၎-၁
- - - *(၄) |-> နှင်းဆီနှင့်(ဆူး)
* - - -(၁) |-> (ခူး)ဆွတ်ပန်ဆင်…
၃-၂
- - * -(၃) |-> ရင်ခွင်( ဦး)မှာ
- * - -(၂) |-> ကြည်(နူး)ခိုဝင်…
၃-၁
- - * -(၃) |-> မေတ္တာ(စစ်)ဖြင့်
* - - -(၁) |-> (ချစ်)မိသူပါ…
ကာရန်အနေအထား အချိတ်အဆက်တွေပါ။ ဒီလောက်သိရင်ကို လေးလုံးစပ်လင်္ကာအတွက်လုံလောက် ပါပြီ။
ကာရန်ပါအကျုံးဝင်တဲ့(ကာရန်|အသတ်| အစပ်)တွေမှာ အသတ်ခြောက်ပါး အစပ်ခြောက်ပါး ကာရန်ငယ် ခြောက်ဆယ့်လေးပါး ကာရန်ကြီးတစ်ဆယ့်ခြောက်ပါး စသည်ဖြင့်ရှိတယ်လို့ ကဗျာကျမ်းကဆိုပါတယ်။
မတွဲဖက်သင့်တဲ့ အသံတူအသတ်တွေလည်းပြောခဲ့ပါတယ်။ ဒါပေမယ့် ဒါကိုအဓိကထားနေရင် လက်တွန့်သွားမှာစိုးလို့ ဥပဒေသတစ်ခု အနေနဲ့ မမှတ်ယူပဲ ဗဟုသုတအဖြစ်ပဲ မှတ်ထားပါ။
ဒီလောက်ဆိုရင် လေးလုံးစပ်လင်္ကာကို ပိုက်ပိုင်စပ်လို့ရပါပြီ။
ကဗျာတိုလေးတွေရေးးတဲ့အခါ သုံးကြောင်းကဗျာ လေးးကြောင်းကဗျာ စသည်ဖြင့်ရေးပါတယ်။
ကဗျာအတိုလေးကိုပဲ ကာရန်နှစ်စုလောက်ခွဲရေးမနေပါနဲ့။ ၄-၃-၂|၄-၃-၁ ဖြစ်တဲ့ပင်မ ကာရန်တွေနဲ့စပ်ပါ။ ကဗျာတိုလေးတွေမှာ အဆုံးသတ်စာကြောင်းက စာလုံးရေခုနှစ်လုံးနဲ့ ပိတ်ရပါတယ်။ ချစ်သူနဲ့(ကွဲ)
အရက်(စွဲ)သော်
အ(သဲ)ကြွေတာ ဆန်းသလား။
၎-၃-၂ ကာရန်ပြည့်ပါ အဆုံးသတ်ခုနှစ်လုံးပါ။
ချစ်သူက(လွဲ) -၄
ဖွဲဆန်(ကွဲ)မို့ -၃
အ(သဲ)နင့်အောင် ချစ်ပါတယ်။ -၂
………
လေးလုံးလ(င်္ကာ) -၄
ဖွဲ့ဆို(ရာ)တွင် -၃
(ကာ)ရန်ချိတ်ဆက် မိပါစေ။ -၁
၎-၃-၁ ကာရန်ပြည့်ပါ။ အဆုံးသတ်ခုနှစ်လုံးပါ။
…………
ကဗျာရှည်ရေးရင် လက်ဝဲလေးလုံး လကျာ်လေးလုံး တစ်ကြောင်းရှစ်လုံး စပ်ကြပါတယ်။
(- - - - - - - -)
တစ်ပိုဒ်ကို လေးကြောင်းငါးကြောင်း အနေတော်ပါ။
(- - - - - - - -
- - - - - - - -
- - - - - - - -
- - - - - - - -။)
လေးကြောင်း တပိုဒ် ဒါမှမဟုတ် ငါးကြောင်းတစ်ပိုဒ်နဲ့ ကြိုက်သလောက်အပိုဒ်ခွဲနိုင်ပါတယ်။
ကာရန်ကိုနှစ်သက်သလို အသုံးပြုသွားနိုင်ပါတယ်။ ဒါပေမယ့် စယူထားတဲ့ ပထမကာရန်အစုရဲ့အဆုံးကာရန်ပါတဲ့စာကြောင်းမှာပဲနောက်ကာရန်အစုရဲ့ အစဖြစ်ရပါ့မယ်။
သွားနှင့်ကြ(ပြီ) သင်္ချေ(ချီ)၍
မြေ(ဆီ)မြေ(နှစ်) သူတို့(ဖြစ်)လိမ့်။
သူတို့(သွား)၍ (သွား)ရဦး(မည်)
ငါတို့(သည်)လည်း မြေ(ဆီ)မြေ(နှစ်)
ဧကန်(ဖြစ်)လိမ့်။
ပထမပိုဒ်တွင်
ပြီ|ချီ|ဆီ (ပထမကာရန်စု)
နှစ်|ဖြစ် ( ဒုတိယကာရန်စု)
ပထမကာရန်စုအဆုံး(ဆီ) စာကြောင်းမှာပဲ ဒုတိယကာရန်စုရဲ့ အစ(နှစ်)ကို စချိတ်ပါတယ်။
ဒုတိယပိုဒ်တွင်
သွား|သွား(ပထမကာရန်စု)
မည်|သည်|ဆီ(ဒုတိယကာရန်စု)
နှစ်|ဖြစ်(တတိယကာရန်စု)
ပထမကာရန်စု အဆုံး(သွား)စာကြောင်းမှာပဲ ဒုတိယကာရန်စုရဲ့ အစ(မည်) စချိတ်ပါတယ်။ ဒုတိယကာရန်စုရဲ့အဆုံး(ဆီ)စာကြောင်းမှာ တတိယကာရန်စုရဲ့ အစ(နှစ်)ကို စချိတ်ပါတယ်။
ဒီလိုနဲ့ ကာရန်ကို အဆက်အစပ်မိအောင် ယူသွားတာပါ။
ကဲ တော်တော်ကြီးကို ပြောပြီးပါပြီ။
နားလည်မယ်လို့ယုံကြည်ပါတယ်။