""ကြပ္ထာယြဳမ္းမား ကိုကြယ္းဆရားမားတဲင္ ဝင္မူးတဲ႔သြဳမ္၊ရြဥ္တဲ႔သြဳမ္၊အခ်ိန္းတဲ႔လို႔ေျခင္""

အိြဳးေမြာ့လဲင္းစခါ ခါးလားနီေဗြးဘုရာကပြင္ခိန္းဗားရားဏားသီးခမ္းကို ခိုဗင္းတျဖာေနာဝ္ ခိြဳက္သ
ထီးစြယ္ေမြး မူးနံဒံုတဒံုတဲင္ ဟဲ႔တြမ္းအသြ
ေလြလယ္းေဒါ့ရီထြဴေတြာ့ ထြာေလြခန္းဒ်ား
ဝင္မူးဝင္ခိုသြဴ ။

ေဝြသီးဝင္နီ ထြာဝင္မူးဝင္ခိုအနီေပါင္ကထိြဳင္းအာ...
လာေပါင္ကထိြဳင္းညေနာဝ္ "ဝင္ခို အြဥ္းည ထြာတယူး
ဝင္မူးအြဥ္းည ထြာတနန္း" ငါဝ္းနဝ္အတိြဳင္
တျဖာတြမ္းတျဖာ ထာနန္းထာယူး တလို႔တဝ္း
လို႔ဝင္အေလာင္းတဲင္ ပါခိုနဝ္ဟဲ႔တြမ္းအမိြဳးဖါ
ေလြရီေျဖာင္ခန္း လိုမူးမိြဳးဖါေတြာ့ လိုမူးမိြဳးဖါလဲ႔
သေဘာ္လ သေဘာ္တူးခန္းဒ်ားအပိုမူးနဝ္သြဴ။

မူးခိုနီျဖာလဲ႔နဝ္ မိြဳးဖါနီျဖာလဲ႔နဝ္ သေဘာ္တူးလို႔
ဝင္ခါ အြဥ္းေထြာ့ေလြေဖးခန္းဒ်ား ပြယ္ေစနိန္း
ပြယ္မဂၤလားနီနဝ္သြဴ။ ပြယ္မဂၤလားကိစၥနဝ္
အခိုဖဲ႔ေဖးခါထြဴရြဥ္တဲင္ အြဥ္းဒ်ားအမူးဖဲ႔ စီးရင္း
ေဝြးဖန္းေလြ မဂၤလားဒ်ားအမူးလမ္းနဝ္သြဴ။
ပြယ္မဂၤလားမြဴးနီ ထိြဳင္းအီးတိြဳး နဲဳင္းမြဴးရဝ္နဝ္
အခိုဖဲ႔ေနာဝ္ ထာယူးတလို႔တဝ္းတဲင္ ကအီး
မာေလြဒါး ပြယ္မဂၤလားမြဴးရဝ္နီနဝ္ မြဴးနီဟဝ္
တဟဝ္တဝ္း မဥ္ေသစဲင္းငါးတဲင္ေတြာ့ ေလြရီခန္း
ေဝြသီးကအဝ္းကိုကြယ္းကယြဳမ္းအံးဒါး ဆရား
အာဇီဝက တကၠတြဥ္တျဖာထ်နဝ္သြဴ။

ေဝြထိြဳင္းရီနဝ္ ေဝြသီးဆရားအာဇီဝကလဲ႔ မာန္းမားန
အဝ္းတဲင္ "ပါစားယိုနဝ္ ထီးဖီြ သြင္ဖီြေခြ အြဥ္းေထြာ့သြဴမြဴးနီမ ကြဲးရီေခြ အပြယ္မဂၤလား
ေဖးကကဲုင္ေနာဝ္ ေခြေဒါ့စြဥ္းေနာဝ္မ" ယူးသကို
ထြဴ နဳဲင္းနဝ္ေတြာ့ ေဒါ့ထန္းခန္း " သီကအီးမာဒါး
ပြယ္မဂၤလားမြဴးရဝ္နီယိုနဝ္ မြဴးနီလဲ႔တဟဝ္တဝ္း နကၡတ္လဲ႔
တဟဝ္တဝ္း ၊ မြဴးရဝ္နီယို မဥ္းမာပြယ္မဂၤလားနဝ္
ခိြဳက္ဒါးလိုခို လိုခိုအြဥ္သီဒါး။ နဝ္ေတြာ့ မြဴးရဝ္
နီယိုနဝ္ တြမ္းမာမိြဳန္း တရူနီမ မာဟဲုင္း" နဲဳင္းနဝ္သြဴ။

ထိြဳင္းဟိြဳန္ဆရားငါဝ္းနဲဳင္းယိုနဝ္ ေဝြသီးလဲ႔
သတခ်မ္သားတဝ္း။ ပိုတြမ္းမိြဳးဖါသေဘာ္တူးလို႔ဝင္
ေတြာ့ နဲဳင္းမြဴးရဝ္နီနဝ္ ေဝြသီးတေလြတဝ္းဒြဳမ္
ပြယ္မဂၤလားသြဴ။ တေလြတဝ္းလဲ႔ သမ္းတျပန္းခ်ာတဝ္း
ငါဝ္းသတက္နဳဲင္းမဲဳင္မဲဳင္ေတြာ့ အမူးဖဲ႔နဝ္ အဝ္းစီးရင္းဒ်ား
တိြဳင္တိြဳင္သြဴ။ မဂၤလားလိတ္ဖစ္ေနင္းလြမ္ဖံုးလဲ႔
ေဝြးဖစ္လို႔လဲဥ္းဒ်ားရင္သြဴ။တဲင္နဲဳင္းမြဴးရဝ္နီေနာဝ္
အသြဖံုးအေလာင္းအလင္နဝ္ ေဖ်ာ္ေရာင္ဝင္ပငါပရာလဲ႔
အခိုဖဲ႔နဝ္သမ္းတေဖ်ာ္တဝ္းေတြာ့ ေရာ့ရာသင္ရာ
ေဝြးဖန္းစီးရင္းေလြခန္းဒ်ား မဂၤလားေတာ္းေဖးခန္းဒ်ား
တြမ္းခိုဗင္းဒံုကို တျဖာေနာဝ္သြဴ။

မဂၤလားထြဴနဲဳင္းမြဴးရဝ္နီနဝ္ အခိုထိြဳင္းေဖ်ာ္လြဥ္နဝ္
အမူးဖဲ႔မိြဳးဖါ ေဒါ့ဆြဳမ္းခန္းငါဝ္း နဲဳင္းယို --
သီနဝ္ ထီးနီသြင္ဖီြငါး အြဥ္းေထြာ့သြဴ မဂၤလားမြဴးနီတဲ႔
အခိန္းထြထြ သီတေဖ်ာ္လြဥ္တဝ္း နီနဝ္စင္းအြဥ္း
တဝ္းမဲ႔ငါတဲင္ တြမိးခိုဗင္းဒံုကိုတျဖာ နီမဂၤလား
ေဖးေတာ္းလဲဥ္း သီနဝ္ လိုကတိသစၥား တအဲဥ္တဝ္းတဲင္
သီရြဥ္မဂၤလားစေရိပ္ယိုလဲ႔ နီတေဖးခ်ာေႏြာင္တဝ္း
သီမဥ္းတေကးနပ္တဝ္းလဲ႔ မဥ္ဒင္းအိြဳးမဲုင္ဒင္း
အဝ္းလဒ်ား ။
ထိြဳင္းဟိြဳန္ငါဝ္းနဲဳင္းယိုနဝ္ ကေဖ်ာ္လြဥ္ဒါး
အခိုဖဲ႔ စြဳမ္းစိြဳယို ယူးသူးေသဒြဳမ္ စင္းေဒါ့ခ်ာတဝ္း
နဲဳင္းမဲဳင္မဲဳင္တဲင္ အြဥ္းတကဲုင္စြဥ္းအလိြဳး
တျဖာတြမ္းတျဖာ ထြားသဲင္းသြဴဝင္လိုြဳးတဲင္
ယိပ္ေတ့လြဝင္မဲ႔ေတြာ့ ထိြဳင္းသဲက္ခန္းဒ်ားနဝ္သြဴ။

ကြပ္စြဥ္းယြဳမ္းမားေပးတင္း ကိုကြယ္းမားဆရား
ရိုးေသးတဝ္း ထူးေရတဝ္းအခိန္း ၊ ကတိသစၥား
အဲဥ္တဝ္းတဲင္ အခိုဖဲ႔နဝ္လိုမူးတဲ႔သြဳမ္ ရြဥ္တဲ႔သြဳမ္
မြဴးနီအခ်ိန္းတဲ႔သြဳမ္ေတြာ့ အ ဝ္းေျခင္ျခြစ္သဲင္ခန္းဒ်ား
ေနာဝ္သြဴ။

စဥ္စာစဲင္းစဲင္းယူးစဲင္းစဲင္းဒ်ားဝင္ပငါပရာခြန္နင္သီးႀသ...။

(ဇာတ္ ၅၅၀ ၊ နကၡတၱဇာတ္ အတိတ္ ဝတၳဳ)
နမ္းသနီပါယံခ်မ္သားဒ်ားဝင္ပငါပရာအေက်ာင္....