တောင်သူလို့ ခေါ်ရင် သိမ်ငယ်တာလား

ကျတော်တို့ ပအိုဝ်းလူမျိုးကို ယခင် တောင်သူဆိုတဲ့ လူမျိုးနာမည်ကနေ တရားဝင်ပြောင်းလဲ ခေါ်ဆိုလာခဲ့ပါတယ်။ ဘာကြောင့် ပြောင်းလဲခဲ့ တယ်ဆိုတော့ အကြောင်းအရင်း အမျိုးမျိုးကြောင့်လို့ ပအိုဝ်းသမ...ိုင်း မှတ်တမ်းတွေထဲမှာ ဖတ်လိုက်ရပါတယ်။

လူမျိုးရေး ၀ါးမြိုမှု၊ ပပျောက်မှုဒဏ်ကို ကာကွယ်ရန်အတွက်ဆိုပြီး ပြောင်းလဲ လာတာလို့ ဆိုပါတယ်။ တချို့ကလည်း တောင်သူဆိုတဲ့ လူမျိုးနာမည်နဲ့ တောင်သူလယ်သမားဆိုတဲ့ လူတန်းစားဆိုတဲ့အမည် ထင်မှားရောထွေးလာတဲ့ အတွက်ဟု ဆိုပါတယ်။

တချို့မှတ်တမ်းများမှာလည်း တောင်သူဆိုတာ တောင်ဘက်အရပ်၊ တောင်ပေါ်ဒေသမှာ နေထိုင်ပြီး တောင်ယာခြံ နှင့် လယ်ယာကို အသက်မွေးဝမ်းကျောင်းပြုရင် အလုပ်အကိုင် အပေါ်မှုတည်ပြီး အခြားသူတို့က တောင်သူဆိုတာ တောင်ယာပဲလုပ်တယ်လို့ နိမ့်ချခေါ်ဆိုတဲ့ အတွက် နောက်ဆုံး ပအိုဝ်းလူမျိုးဟု တရားဝင် ခေါ်ဆိုခဲ့တယ်လို့ ဆိုပါသည်။ သို့ပေမယ့် တိကျတဲ့ အဖြေတွေလို့တော့ မပြောနိုင်ပါဘူး။

ပအိုဝ်းလူမျိုးတွေကို အခြားလူမျိုးတွေက လက်ရှိခေါ်တဲ့ လူမျိုးနာမည်အတိုင်း တရားဝင် ခေါ်ဝေါ်သုံးစွဲကြပါတယ်။ ပအိုဝ်းတွေလည်း ပအိုဝ်းလို့သာ ခေါ်မှ ကြိုက်ကြပါတယ်။ တခါတရံ ယခင်လူမျိုး အမည်ဖြစ်တဲ့ တောင်သူလို့လည်း ခေါ်ယူတက်တာကို စာအုပ်တွေ၊ သမိုင်းမှတ်တမ်းတွေ၊ ဓါတ်ပုံတွေမှာ တွေ့ရတက်ပါတယ်။

တောင်သူလို့ ခေါ်ယူ၊ သုံးနုန်းတာကို ပအိုဝ်းတွေ မကြိုက်ကြဘူးလို့ ယေဘူရအားဖြင့် ဟုတ်မှန်ပေမယ့် ဘာကြောင့် မကြိုက်ကြတာလဲဆိုတာ ရှင်းရှင်းလင်းလင်း မသိသေးပါဘူး။ ရှေးလူကြီးတွေ မကြိုက်လို့၊ မသုံးနုန်းသင့်လို့ ယနေ့ခေတ် လူငယ်တွေလည်း မကြိုက်ရခြင်း၊ တပါးသူခေါ်ယူတာ လက်မခံခြင်း ဖြစ်နိုင်ပါတယ်။ ဒါကြောင့် လူငယ်တွေလည်း ဘာကြောင့် မကြိုက်တာလဲဆိုတာ သိထားဖို့၊ ပြန်ပြောတက်ဖို့ လိုမယ်ထင်တယ်။ သူများမကြိုက်လို့ ငါလည်း မကြိုက်ဖူး၊ အခေါ်မခံချင်ဘူးဆိုရင်တော့ လက်တွေ့ မကျလှဘူး။

ကိုယ့်ကိုယ်တိုင်လည်း သိထားဖို့၊ နားလည်ဖို့ လိုမယ်ထင်ပါတယ်။ အခြားသူက အပျက်သဘော ခေါ်ယူတာလား။ နိမ့်ချ၊ခွဲခြားတဲ့ ရည်ရွယ်ချက်နဲ့ ခေါ်ဆိုတာနဲ့လည်း ဆိုင်ပါ တယ်။ ကိုယ့်လူမျိုးနာမည်နဲ့ ပတ်သတ်ပြီး အခေါ်မခံချင်တဲ့၊ မကြိုက်တဲ့ အကြောင်းအရင်းတော့ ရှိရမယ်လေး၊ သိထားရမယ်လေး။

တကယ်တော့ တောင်သူဆိုတာ ရှေးကျတဲ့ မှုရင်းပအိုဝ်း နာမည်ပါ။ ရှေးပအိုဝ်းသမိုင်း၊ မြန်မာ့သမိုင်းတွေမှာလည်း တောင်သူဆိုပြီး မှတ်တမ်းတင်ထားတာ၊ သီးသန့်လူမျိုးအဖြစ် ထင်ထင်ရှားရှား ရှိနေတာပါ။ ပအိုဝ်းဆိုတာ မြန်မာပြည်လွတ်လပ်ရေး ရပြီးလောက်မှ တရားဝင် ခေါ်ယူလာခဲ့တာပါ။ ယခင် တောင်သူလို့ သုံးနုန်းထား မကြိုက်ရင်၊ လက်မခံရင် လည်း ရှေးကျတဲ့ မှုရင်းနာမည်ဆိုတာ မေ့ပျောက်သင့်၊ ဖျောက်ဖျက်သင့်တဲ့ အရာတော့ မဟုတ်ပါဘူးလို့ ထင်ပါတယ်။

ယနေ့လို မြန်မာနိုင်ငံမှာ တိုင်းရင်းသားသမိုင်းတွေနဲ့ ပတ်သတ်လာရင် ဖော်ထုတ်ဖို့၊ မှတ်တမ်းတင်ဖို့ ကောင်းတဲ့ ပွင့်လင်းလာတဲ့ အချိန်အခါမျိုးပါ။ အခြားတိုင်းရင်းသားတွေလည်း ကိုယ်ပိုင်သမိုင်းအတွက် စာတမ်းတင်သွင်းတာ၊ တူးဖော်တာ၊ တောင်းဆိုတာတွေလည်း လုပ်နေပါတယ်။ မှေးမိန် ပျောက်ကွယ်နေတဲ့ ပအိုဝ်း သမိုင်းအတွက်လည်း ရှာဖွေမယ်၊ သုတေသနလုပ်မယ်၊ မှတ်တမ်းတင်မယ်ဆိုရင် ပအိုဝ်းသမိုင်းမှန် ပေါ်ပေါက်လာရေးအတွက် အထောက်အကူ ရှိလာဖွယ်ရှိပါတယ်။ ဒါကို တောင်သူဆိုတဲ့ ရှေးနာမည်က အဓိကအကျဆုံး စဉ်းစား၊ လက်ခံရှာဖွေသွားရမည့် သမိုင်းလူမျိုးနာမည် ဖြစ်ပါလိမ့်မယ်။

ရှေးကျတဲ့ ပအိုဝ်းသမိုင်းတွေကို တောင်သူဆိုတဲ့ မှုရင်းနာမည်နဲ့သာ တွေ့ရတက်တာ များပါတယ်။ ဒါကြောင့် တောင်သူဆိုတဲ့ နာမည်နဲ့ ပအိုဝ်းသမိုင်းတွေကို ပြန်လည် ဖော်ထုတ်၊ ရှာဖွေရပါလိမ့်မည်။ တောင်သူဆိုတဲ့ နာမည်နဲ့ပဲ သမိုင်းတွေ ပျောက်နေပါတယ်။ ပအိုဝ်းရဲ့ကိုယ်ပိုင်ယဉ်ကျေးမှု၊ စာပေ၊ နှင့် ဆင်းသက်နေထိုင်ခဲ့ရာ မှုရင်းနေရာဒေသ၊ ပြောင်းရွှေ့အခြေချခဲ့ပုံအဆင့်ဆင့်၊ တခြားလူမျိုးများနဲ့ ဆက်နွှယ်ပုံတွေ အားလုံးဟာ နောက်ဆုံး တောင်သူဆိုတဲ့ နာမည်နဲ့ပဲ ရှေးကျတဲ့ သမိုင်းမှတ်တမ်းတွေမှာ ကျန်ခဲ့တာပါ။ ဒါကြောင့် ပအိုဝ်းသမိုင်းတွေကို ရှာဖွေမယ်၊ သုတေသနပြုပြီး မှတ်တမ်တင်မယ်ဆိုရင် တောင်သူဆိုတဲ့ နာမည်နဲ့ သွားရမယ်လို့ ထင်ပါတယ်။ တောင်သူဆိုတဲ့ နာမည်ကို လက်ခံရလိမ့်မယ်။

နောက်ဆုံး ပျူနှင့် ပအိုဝ်း ဘယ်လိုဆက်စပ်သလဲ။ ပျူဟာ ရှေးပအိုဝ်းလာ၊ ပျူနဲ့ ပအိုဝ်း သက်ဆိုင်နေသလား ဆိုတာလည်း ဒီသမိုင်းတွေကို ပြန်လည်ဖော်ထုတ်ဖို့ဆိုရင် တောင်သူဆိုတာ ရှေးကျတဲ့ လူမျိုးနာမည်နဲ့ သမိုင်းကွင်းဆက်တွေကို ရှာရပါလိမ့်မယ်။ တောင်သူဆိုတာ ပအိုဝ်း သမိုင်းအတွက် အခရာအကျဆုံး ဖြစ်နေပါလိမ့်မည်။ ပအိုဝ်းသမိုင်းမှန်ပေါ်ပေါက်ရေး အတွက် ပအိုဝ်းကနေ တောင်သူဆီသို့ ပြန်လှန် ရှာဖွေရလိမ့်မယ်။

ပအိုဝ်းဆိုတာ တောင်သူကနေ ဆင်းလာတာပါ။ တောင်သူလို့ခေါ်ခံရတာ ဘာမှ ၀မ်းနည်းစရာ၊ အားငယ်စရာ မရှိ၊ တောင်သူဆိုတာ မြန်မာပြည်မှာ ရှေးကျကျ အခြေချနေထိုင်ခဲ့တဲ့ တိုင်းရင်းသား လူမျိုးတစ်မျိုးပါ။ အိမ်တွင်း ပရိဘောဂ နှင့် လက်မှုအတက်ပညာများ ကျွမ်းကျင်ကြောင်း ရှေးပအိုဝ်းသမိုင်းများက ဆိုပါတယ်။ ဒါကြောင့် ရှေးပအိုဝ်းအမျိုးသားသမိုင်း ဖော်ထုတ်ဖို့ တောင်သူဆိုတဲ့ နာမည်နဲ့ ရှာဖွေကြစို့။

ခွန်နီပအိုဝ်း
 https://www.facebook.com/pages/Khun-Nipaoh/1417777945123327