ငါဝ်းငွါယေန်ႏကေႏ ယံဒေါ့ꩻဗာႏ
•••••••••••••••••••••••
ယံကဖုဲင်ႏနာႏ သွုံꩻငါဝ်းနွိုး၊
ယံကတလွိုး သွုံꩻငါဝ်းအွီႏ၊
ယွယွယဲင်ဗွီႏ နေးရိုႏသေႏ၊
ခွေသွဉ်းနီဗွေႏ ဩလွဝင်ꩻ၊
နီလိုꩻချင်ꩻချင်ꩻ စွုမ်ႏဖြာꩻဖြာꩻ၊
ခွေခွေနာနာꩻ ရိုꩻဗာႏမွော့ꩻ၊
ထွားနုဲင်းဖန်းသွော့ လိုꩻမျိုꩻလင်၊
တွိုႏစင်ကဖွိုႏ မတ်ဖွီဝင်ꩻ၊
တွိုႏစင်ကဖျင်ꩻ မတ်ပေႏထဲင်း၊
ယံထွာနုဲင်းဗဲင်း ဝင်ꩻဗွေႏမျိုꩻ၊
အကျိုꩻလဲ့ထွာ ပီယအောင်ႏ၊
မူႏမောင်ႏသီးနော သွင်ꩻသꩻနော၊
ပါဖြာꩻပါဖြာꩻ ငါဝ်းနီတော်၊
အီအော်အွိုးနော် ငါဝ်းရသာႏ၊
ဆမုဲင်ꩻနာႏသာႏ သွုံꩻဖဲ့ꩻနဝ်ꩻ၊
ကျံႏကဝ်ꩻလꩻလꩻ ငါဝ်ႏမေတ္တာႏ၊
ကျံႏဒေါ့ꩻဒါႏဒါႏ ငါဝ်းပီယ၊
သွꩻခွꩻကအာ ပွိုးငါဝ်းရင်ꩻ၊
ပါꩻရက်ပါꩻစင်ꩻ ကွပ်ထာꩻဒေါ့ꩻ၊
အမာႏအရော့ꩻ အဝ်ႏနီဖြောင်း၊အဝွေႏအကြောင်ႏ အဝ်ႏဒျာႏသꩻ၊
ယံကဗꩻရန်းထို ဒေါ့ꩻယေန်ႏကေႏ၊
ထွာအီဒါႏ ဗွေႏ ငါဝ်းနုꩻညံꩻ၊
ဝင်ꩻကရိုႏသေႏ ပွိုးငါဝ်းချောꩻ၊
တရာꩻသꩻဘောꩻ မန်ႏနောဟွေး။
#လိုꩻခမ်းနီတိ
#လောကလိုꩻခမ်းအုံအဝ်ႏရေꩻ လိတ်စောင်ႏ
No comments:
Post a Comment