ကျိုက်ထီးရိုးစေတီကို ရှေးတောင်သူ၊ ပအိုဝ်းတို့ တည်ထားခဲ့လေ သလော။

ကျိုက်ထီးရိုးစေတီကို ရှေးတောင်သူ၊ ပအိုဝ်းတို့ တည်ထားခဲ့လေ သလော။

ကျိုက်ထီးရိုးစေတီဟာ မွန်ပြည်နယ်၊ ကျိုက်ထိုမြို့ ပင်လယ်ရေမြေမျက်နှာပြင် ပေ ၃၆၀၀ အထက်တွင် တည်ရှိပါတယ်။ ဆံတော်ရှင် ကျိုက်ထီးရိုးစေတီ၏ ရှေးသမိုင်းနှင့် ၄င်းဖြစ်တည် ပေါ်ပေါက်လာပုံက ရှေးတောင်သူ ပအိုဝ်းတို့၏ ရိုးရာ ယုံကြည်မှု၊ ပအိုဝ်းမင်းအနွယ်အဆက် နှင့် ဇော်ဂျီနှင့် နဂါးမ ပုံပြင် စတဲ့ လက်ခံယုံကြည်မှုတွေ နဲ့ တထပ်တည်း ဆင်တူနေပါတယ်။ ဒါ့အပြင်... ကျိုက်ထီးရိုး စေတီတော်ကို တပေါင်းလပြည့်နေ့၊ မတ်လမှာ တည်ထားကိုးကွယ်ခဲ့တယ်လို့ သမိုင်းအချက်လက် များက ဖော်ပြထားပါတယ်။ သို့သော် မည်သူ၊မည်ဝါ တည်ထားခဲ့ကြောင်း ယနေ့ထက်ထိ ရှင်းရှင်းလင်းလင်း မှတ်တမ်းတင်နိုင်ခြင်း မရှိခဲ့ပေ။ အနီးစပ်ဆုံး မွန်သမိုင်း၊ ဗမာသမိုင်းတွင်လည်း တိတိကျကျ မဖော်ပြနိုင်သေးပေ။ တချို့တိုင်းရင်းသားများက ကျိုက်ထီးရိုးသမိုင်းကို ၄င်းတို့ လိုရာဆွဲယူ ဖော်ပြနေတာပါ။

ဒါပေမယ့် ကျိုက်ထီးရိုး တည်တဲ့အချိန်ကာ ပအိုဝ်းတို့ အထွက်မြတ်ထားတဲ့ ခွန်သူရိယ စန္ဒာမင်း၏ မွေးနေ့ တပေါင်းလပြည့်နေ့လည်း ဖြစ်နေပါတယ်။ ပအိုဝ်းသမိုင်းကို ရေးသားပြုစုတဲ့ Mika Rolly ၏ သုတေသနအရ ကျိုက်ထီးရိုးစေတီကို သူရိယ စန္ဒာမင်း ၏ အမွှာ သားအကြီးမှ တပေါင်းလပြည့် နေ့မှာ ဖခင်၏မွေးနေ့ကို ရည်စူးပြီး ဗုဒ္ဓ ၏ ဆံတော်များနှင့် ကျိုက်ထီးရိုး စေတီတော်ကို တည်ထားကိုးကွယ်ခဲ့တယ်လို့ ဆိုပါတယ်။ နောက်ပြီး မြန်မာပြည် ကျိုက်ထီးရိုးတောင်ကို ၁၈၉၀ ခုနှစ် အစောဆုံး ဆုံး ရောက်ရှိခဲ့တဲ့ နိုင်ငံခြားသား Max and Bertha Ferrars ရဲ့ဓါတ်ပုံမှတ်တမ်းများအရ လက်သမားအလုပ် ကျွမ်းကျင်တဲ့ တောင်သူ- ပအိုဝ်းလူမျိုးများကို ကျိုက်ထီးရိုး တောင်တွင် တွေ့ရကြောင်း ရေးသားထားပါတယ်။ ဒါ့အပြင် ကျိုက်ထီးရိုးအနီး ကျိူက်ထိုမြို့တွင် ယနေ့ထက်တိုင် ပအိုဝ်းရွာများ ရှိနေသေးကြောင်း တွေ့မြင်နိုင်ပါတယ်။

ပအိုဝ်းသမိုင်းကြောင်းကို စနစ်တကျ သုတေသန ပြုလိုသည့် ပအိုဝ်းလူငယ်များရှိလျှင် ပအိုဝ်းသမိုင်းမှန် ပေါ်ပေါက်လာဖို့ ရှိပါတယ်။ ပအိုဝ်းသမိုင်းနှင့် ရှေ့ဟောင်း သထုံပြည်အတွက်လည်း အထောက်အကူများစွာ ရရှိနိုင်ပါတယ်။ ပအိုဝ်းလူငယ်များ ရှာဖွေ မှတ်တမ်းတင်ခြင်းဖြင့် ပအိုဝ်းသမိုင်းများ သုတေသနပြုကြဖို့ တွန်းအားပေးချင်ပါတယ်။
  
 photo by Max and Bertha Ferrars