ဗွေႏဗွန်သီႏသဲင်ႏဩဝါဒ

လိုꩻစေꩻနောင်ႏတ

လိုꩻစေꩻနောင်ႏတ

လိုႏမတ်တောင်ꩻသေꩻငါႏ ပအိုဝ်ႏစွိုးခွိုꩻအွဉ်ငါ (ခေါင်းဆောင်တန်)သီးငေါဝ်းငွါ

{Zawgyi}
လိုၒမတ္ေတာင္ၓေသၓငါၒ ပအိုဝ္ၒစြိဳးခြိဳၓအြဥ္ငါ
(ေခါင္းေဆာင္တန္)သီးေငါဝ္းငြါ
**********************************
"(အြဥ္ငါ)ေခါင္းေဆာင္က႐ိုၓေနာဝ္ၓ နီနမ္းဖန္ခ်ာေနးတလၓတဝ္း ခမ္းသားမဥ္ၒဖန္ေဖၒမၓ ထြာ(အြဥ္ငါ)ေခါင္းေဆာင္"
                          (ျဖားဗြာဦးလွေဖ)
              
"ေအာင္ၒပြယ္ၓက႐ိုၓေနာဝ္ၓ ထာငမ္းတန္သားတာၒတေမြးတဝ္း လိုၓ႐ုဲင္းတာၒဒ်ာၒ"
                          ( ျဖားတန္ေကာင္ခယ္ၒ)

"ခမ္းထီတအဲဥ္ေထာဝ္းေနာဝ္ၓ သြဥ္းဒ်ာၒ"
                                             (ဗိုလ္ခ်န္ဇုံ)

"နီေလြာင္ၒဗူၒေရၓမဥ္ၒေဟာဝ္ေနာဝ္ၓ နီနာၓနမ္းပဲင္ၒ ပ် ဌာန္ၒခြင္ၓတြမ္ၒ ဒီမိုကေရစီ အခြင္ၓေရၓလဲ့ မဲ့ၓလၓလြဥ္ဗာၒဒ်ာၒ"
                            (ဦးျဖဴ (ျဖားဗြာ)

"နီမဥ္ၒ ဗ်ာၒထို႔ လၓရီး ရန္ၒသူၒစဲ့ၓကတူၒေနာဝ္ၓမၓ နီအီၒတြိဳက္ၓေႏြာင္ၓရန္ၒသူၒအာၒရဲင္ၓ"
                            (ဗိုလ္ခ်ဳပ္စံသိန္း)

"အမ်ာၓဆြဳံၓဖ်တ္ခ်က္ယို
လြိဳၒအြဥ္ၒေရၓငါၒ
အမ်ာၓဆြဳံဖ်တ္မဥ္ၒမာၒေနာဝ္ၓ
ဒီမိုကေရစီ အစဲဥ္ၒအလာၒ ထိုၓမားဒါၒ စဲ့ၓေဟာ္ခံၓဝါၒဒေပါၒလြဥ္ဒါၒ"
                (ျဖားတန္စင္ၓဖါေအာင္ၒခမ္းထီ)

"စီၓပြာၓေရၓယို အြဥ္ၒေရၓလဲဥ္းထဲင္းက
ႏုဲင္ၒငံၒေရၓတလၓေတာဝ္း
စီၓပြာၓေရၓစနစ္တဗာၒ
ေအာင္ၒမ်င္ၒမုကလၓဗာၒနဝ္ၓ
ကြပ္စြဥ္ၒႏုဲင္ၒငံၒေရၓစနစ္
တဥ္ၒေခြါင္မၓ လၓလြဥ္ဗာၒ
ေအာင္ၒမ်င္ၒမုသြဴ"
              (ခြန္ခြၽန္း-မုဲင္းေကာင္)
@#PT

{Unicode}
လိုႏမတ်တောင်ꩻသေꩻငါႏ ပအိုဝ်ႏစွိုးခွိုꩻအွဉ်ငါ
(ခေါင်းဆောင်တန်)သီးငေါဝ်းငွါ
**********************************
"(အွဉ်ငါ)ခေါင်းဆောင်ကရိုꩻနောဝ်ꩻ နီနမ်းဖန်ချာနေးတလꩻတဝ်း ခမ်းသားမဉ်ႏဖန်ဖေႏမꩻ ထွာ(အွဉ်ငါ)ခေါင်းဆောင်"
                          (ဖြားဗွာဦးလှဖေ)
              
"အောင်ႏပွယ်ꩻကရိုꩻနောဝ်ꩻ ထာငမ်းတန်သားတာႏတမွေးတဝ်း လိုꩻရုဲင်းတာႏဒျာႏ"
                          ( ဖြားတန်ကောင်ခယ်ႏ)

"ခမ်းထီတအဲဉ်ထောဝ်းနောဝ်ꩻ သွဉ်းဒျာႏ"
                                             (ဗိုလ်ချန်ဇုံ)

"နီလွောင်ႏဗူႏရေꩻမဉ်ႏဟောဝ်နောဝ်ꩻ နီနာꩻနမ်းပဲင်ႏ ပျ ဌာန်ႏခွင်ꩻတွမ်ႏ ဒီမိုကရေစီ အခွင်ꩻရေꩻလဲ့ မဲ့ꩻလꩻလွဉ်ဗာႏဒျာႏ"
                            (ဦးဖြူ (ဖြားဗွာ)

"နီမဉ်ႏ ဗျာႏထို့ လꩻရီး ရန်ႏသူႏစဲ့ꩻကတူႏနောဝ်ꩻမꩻ နီအီႏတွိုက်ꩻနွောင်ꩻရန်ႏသူႏအာႏရဲင်ꩻ"
                            (ဗိုလ်ချုပ်စံသိန်း)

"အမျာꩻဆွုံꩻဖျတ်ချက်ယို
လွိုႏအွဉ်ႏရေꩻငါႏ
အမျာꩻဆွုံဖျတ်မဉ်ႏမာႏနောဝ်ꩻ
ဒီမိုကရေစီ အစဲဉ်ႏအလာႏ ထိုꩻမားဒါႏ စဲ့ꩻဟော်ခံꩻဝါႏဒပေါႏလွဉ်ဒါႏ"
                (ဖြားတန်စင်ꩻဖါအောင်ႏခမ်းထီ)

"စီꩻပွာꩻရေꩻယို အွဉ်ႏရေꩻလဲဉ်းထဲင်းက
နုဲင်ႏငံႏရေꩻတလꩻတောဝ်း
စီꩻပွာꩻရေꩻစနစ်တဗာႏ
အောင်ႏမျင်ႏမုကလꩻဗာႏနဝ်ꩻ
ကွပ်စွဉ်ႏနုဲင်ႏငံႏရေꩻစနစ်
တဉ်ႏခွေါင်မꩻ လꩻလွဉ်ဗာႏ
အောင်ႏမျင်ႏမုသွူ"
              (ခွန်ချွန်း-မုဲင်းကောင်)

@#PT

မိဘတို့၏ တောင့်တခြင်းငါးမျိုး

မိဘတို့၏ တောင့်တခြင်းငါးမျိုး
🌸🌸🌸🌸🌸🌸🌸🌸🌸🌸

ရဟန်းတို့ ဤအကြောင်းငါးမျိုးတို့ကို ကောင်းစွာမြင်သော မိဘတို့သည် အမျိုး၌ဖြစ်သော သားသမီးကို အလိုရှိကုန်၏။ အဘယ်ငါးမျိုးတို့နည်းဟူမူကား...

(၁) ငါတို့မွေးမြူထားသော သားသမီးသည် ငါတို့အားလုပ်ကျွေးမွေးမြူပေလိမ့်မည်။

(၂) ငါတို့၏ အမူကိစ္စကို ပြုလုပ်ပေလိမ့်မည်။

(၃)အမျိုးဆက်သည် ရှည်မြင့်စွာ တည်ပေလိမ့်မည်။

(၄)အမွေခံဖြစ်ပေလိမ့်မည်။

(၅)ထို့ပြင် ဘ၀တစ်ပါးသို့ ပြောင်းသွားသောငါတို့အား အလှူ၏အဖို့ကို ပေးဝြေကပေလိမ့်မည်ဟု အလိုရှိကုန်၏။

ရဟန်းတို့ ဤအကြောင်းကို ကောင်းစွာရှူမြင်သော မိဘတို့သည်အမျိုး၌ဖြစ်သော သားသမီးတို့ကို အလိုရှိကုန်၏ဟု မိန့်တော်မူ၏။
ထို့ကြောင့် ပြုဖူးသော ကျေးဇူးကိုသိ၍ သူ့ကျေးဇူးကို ထင်စွာပြုတတ်သော ငြိမ်သက်သောစိတ်ရှိသော သူတော်ကောင်းတို့သည် ရှေးကပြုဖူးသည့် ကျေးဇူးကို အဖန်ဖန်အောက်မေ့လျှက် မိဘတို့ကို လုပ်ကျွေးမွေးမြူကြကုန်၏။ ကျေးဇူးပြုဖူးသူ၏ကိစ္စကို ပြုလုပ်သကဲ့သို့ ထို့အတူ  မိဘတို့၏ အမူကိစ္စကိုပြုလုပ်ကုန်၏။ မိဘတို့၏ အဆုံးအမကို လိုက်နာလေ့ရှိ၍ မွေးမြူဖူးသော မိဘတို့အား လုပ်ကျွေးမွေးမြူလေ့ရှိသော အမျိုးအနွယ်ကို မယုတ်စေ၍ သဒ္ဓါတရားရှိသည့် သီလနှင့်ပြည့်စုံသော သားသမီးသည် ချီးမွမ်းထိုက်သူ ဖြစ်ပေသတည်း။ ။

ပုတ္တသုတ် (မြန်မာပြန်)  ။

ဗုဒ္ဓဘာသာ အခြေခံ ၊ အတိုချုပ်

သင့်ရဲ့ကလေးငယ်ကပဲမေးမေး ၊
ဘာသာခြားကပဲမေးမေး ၊
ဘယ်သူမေးမေး ဗုဒ္ဓဘာသာ အခြေခံ ၊
အတိုချုပ်လောက်တော့ သင်ဖြေနိုင်ရမယ်။
အဲဒီလိုဖြေနိုင်အောင်
ဖော်ပြပေးလိုက်ပါတယ်။

════════════════════════════
ဗုဒ္ဓဘာသာ၀င်တိုင်းသိသင့်သော သိမှတ်ဖွယ်ရာများ
═════════════════════════════
.
.
═════════════════════
ဘဒ္ဒကမ္ဘာတွင် ပွင့်တော်မူသော ဘုရားငါးဆူ
═════════════════════
၁။ ကကုသန်မြတ်စွာဘုရား
၂။ ကောဏဂုံမြတ်စွာဘုရား
၃။ ကဿပမြတ်စွာဘုရား
၄။ ဂေါတမမြတ်စွာဘုရား
၅။ အရိမေတ္တေယျမြတ်စွာဘုရား (နောင်ပွင့်တော်မှုမည်)
.
═════════════
သာသနာတော်သုံးရပ်
═════════════
၁။ ပရိယတ္တိ သာသနာ = ပိဋကပ်စာပေသင်ကြားခြင်း
၂။ ပဋိပတ္တိ သာသနာ = တရားတော်နှင့်အညီကျင့်ခြင်း
၃။ ပဋိဝေဒ သာသနာ = ထိုးထွင်းသိမြင်ခြင်း
.
══════════
ရတနာသုံးပါး
══════════
၁။ ဘုရား
၂။ တရား
၃။ သံဃာ
.
════════════════════════════════════  
ဂေါတမဗုဒ္ဓမြတ်စွာဘုရားနှင့် ပတ်သက်၍ သိသင့်သောအချက်များ
════════════════════════════════════
မြတ်စွာဘုရား၏ ဖခမည်းတော်အမည် = သုဒ္ဓေါဓန
မြတ်စွာဘုရား၏ မယ်တော်အမည် = မယ်တော်မာယာ
မြတ်စွာဘုရား၏ မွေးဖွားရာဇာတိ = ကပ္ပိလ၀တ်
မြတ်စွာဘုရား၏ ငယ်နာမည် = သိဒ္ဓတ္ထမင်းသား
မြတ်စွာဘုရား၏ ကြင်ယာတော် = ယသော်ဓရာ
မြတ်စွာဘုရား၏ သားတော် = ရာဟုလာ
မြတ်စွာဘုရား၏ ဖွားဖက်တော်ခုနှစ်ယောက်= မောင်စံ၊ ခန္ဓိကမြင်း၊ ကာဠုဒါရီအမတ်၊
ရွှေအိုးကြီးလေးလုံး၊ ညီတော်အာနန္ဒာ၊ ယသော်ဓရာ၊ ဗောဓိညောင်ပင်
.
══════════
သံဝေဇနိယ လေးဌာန
══════════
၁။ မြတ်စွာဘုရားဖွားမြင်သည့်အရပ် = လုံမ္ဗနီဥယာဉ်
၂။ ဘုရားအဖြစ်ရောက်တော်မူသောနေရာ = ဗုဒ္ဓဂါယာ
၃။ ဓမ္မစကြာတရားဦးဟောတော်မူသောနေရာ = မိဂဒါဝုန်တော
၄။ ပရိနိဗ္ဗာန်ပြုသောနေရာ = ကုသိနာရုံ
.
══════════
သတ္တဌာန ခုနှစ်ပါး
══════════
၁။ အောင်မြင်တော်မူသော ဗောဓိညောင်ပင်၏ အရှေ့မြောက်တစ်လံကွာ ရွှေပလ္လင်ဌာန
၂။ ဗောဓိပင်၏ မြောက်ဘက် ၁၀ လံကွာဌာန အနိမိသအရပ်
၃။ ဗောဓိပင်နှင့် အနိမိသအကြားနှစ်လံကွာဌာန ရတနာစင်္ကြ ံ
၄။ ဗောဓိပင်၏ အနောက်မြောက် ၁၅ လံကွာ ရတနာဃရရွှေအိမ်
၅။ ဗောဓိပင်၏ အရှေ့ ၃၂ လံကွာ အဇပါလ ဆိတ်ကျောင်းညောင်ပင်
၆။ ဗောဓိပင်၏ အရှေ့တောင် ၁၅ လံကွာ မုစလိန္ဒာအိုင်၀ယ် နဂါးပါးပြင်းအောက်ဌာန
၇။ ဗောဓိပင်၏ တောင်ဘက် ၁၁ လံကွာ လင်းလွန်းပင်အရပ်
.
══════════
ဘုရားဂုဏ်တော်ကိုးပါး
══════════
၁။ အရဟံ = ပူဇော်အထူးခံယူတော်မူထိုက်သောဂုဏ်။
၂။ သမ္မာသမ္ဗုဒ္ဓေါ = အလုံးစုံသောတရားအပေါင်းကိုသိမြင်တော်မူသောဂုဏ်။
၃။ ဝိဇ္ဇာစရဏသမ္ပန္နော = ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား ၁၅ပါး တို့နှင့်
ပြည့်စုံတော်မူသောဂုဏ်။
၄။ သုဂတော = ကောင်းသောစကားကိုသာဆိုတော်မူသောဂုဏ်။
၅။ လောကဝီဒူ = လောကသုံးပါးကိုသိတော်မူအပ်သောဂုဏ်။
၆။ အနုတ္တရော ပုရိသ ဓမ္မသာရထိ= မယဉ်ကျေးသော လူနတ်ဗြဟ္မာသတ္တဝါတို့ကို
ယဉ်ကျေးအောင်ဆုံးမသောဂုဏ်။
ရ။ သတ္ထာဒေ၀မနုဿာနံ = နတ်လူတို့၏ ဆရာဖြစ်သောမူသောဂုဏ်။
၈။ ဗုဒ္ဓေါ = သစ္စာလေးပါးကို သိတော်မူသောဂုဏ်။
၉။ ဘဂဝါ = ဘုန်းတော်ခြောက်ပါးနှင့် ပြည့်စုံတော်မူသောဂုဏ်။
.
════════════════
တရားဂုဏ်တော် ခြောက်ပါး
════════════════
၁။ သွာက္ခာတော = တရားတော်၏ အစအလယ်အဆုံးကောင်းသောဂုဏ်။
၂။ သန္ဒိဌိကော = ချီးမွမ်းအပ်သော မဂ်ပညာဖြင့် ကိလေသာကို
အောင်တတ်သောဂုဏ်။
၃။ အကာလိကော = အခါမလင့် ကောင်းကျိုးချမ်းသာပေးတတ်သောဂုဏ်။
၄။ ဧဟိပဿိကော = လာလှည့်ရှုလှည့်ဟူ၍ အစီရင်ကိုခံထိုက်သောဂုဏ်။
၅။ သြပနေယျိကော = စိတ်နှင့်မခွာဘဲဆောင်ခြင်းငှာထိုက်သောဂုဏ်။
၆။ ပစ္စတ္တံဝေဒိတဗ္ဗောဝိညူဟိ = ပညာရှိတို့စိတ်၌ သိအပ်ခံစားအပ်သောဂုဏ်။
.
══════════════
သံဃာ့ဂုဏ်တော် ကိုးပါး
══════════════
၁။ သုပ္ပဋိပန္နော = သိက္ခာကျင့်၀တ်တို့ကို ကောင်းစွာကျင့်တော်မူသောဂုဏ်။
၂။ ဥဇုပ္ပဋိပန္နော = သိက္ခာကျင့်၀တ်တို့ကို ဖြောင့်မတ်စွာကျင့်သောဂုဏ်။
၃။ ဥာယပ္ပဋိပန္နော = နိဗ္ဗာန်၏ အကျိုးငှာ ကျင့်တော်မူသောဂုဏ်။
၄။ သာမိစိပ္ပဋိပန္နော = အရိုအသေပြုထိုက်အောင် သိက္ခာတို့ကိုရိုသေထိုက်သောဂုဏ်။
၅။ အာဟုနေယျော = အဝေးမှဆောင်၍ သီလ၀န ္တတို့အား လှူအပ်သော ပစ္စည်းကို
ခံယူတော်မူထိုက်သောဂုဏ်။
၆။ ပါဟုနေယျော = ချစ်ခင်နှစ်လိုအပ်သောဧည့်သည်တို့အဖို့ စီရင်ထားသော
မြတ်သောအလှူကိုခံတော်မူထိုက်သောဂုဏ်။
ရ။ ဒက္ခိနေယျော = တမလွန်လောကကို ယုံကြည်၍ပေးအပ်သော မြတ်သော
အလှူကိုခံတော်မူထိုက်သောဂုဏ်။
၈။ အဉ္ဇလီကရဏီယျော = ကောင်းမူကိုအလိုရှိသူတို့ လက်အုပ်ချီ၍ ရှိခိုးခြင်းငှာ
ထိုက်တော်မူသောဂုဏ်။
၉။ အနုတ္တရံပုညခေတ္တံ = ကောင်းမူတည်းဟူသော မျိုးစေ့တို့၏ စိုက်ပျိုးရာ
လယ်မြေကောင်းသဖွယ်ဖြစ်သောဂုဏ်။
.
══════════
အနှစ်သုံးပါး
══════════
၁။ ဒါန   ၂။ သီလ   ၃။ ဘာ၀နာ
.
══════════
ပစ္စည်းလေးပါး
══════════
၁။ ဆွမ်း     ၂။ ဆေး      ၃။ သင်္ကန်း      ၄။ ကျောင်း
.
═════════════════
ဆီမီးကပ်လှူခြင်းအကျိုးနှစ်ပါး
═════════════════
၁။ ပကတိမျက်စိကြည်လင်ခြင်း
၂။ ဥာဏ် (မျက်စိ)ကြည်လင်ခြင်း
.
══════════
ဆွမ်းအကျိုး ငါးပါး
══════════
၁။ အာယု = အသက်ရှည်ခြင်း
၂။ ၀ဏ္ဏ = အဆင်းလှခြင်း
၃။ သုခ = ချမ်းသာကြီးခြင်း
၄။ ဗလ = ခွန်အားကြီးခြင်း
၅။ ပရိဘာန = ဥာဏ်ပညာကြီးခြင်း
.
════════════════
ပန်းလှူရသည့် အကျိုးသုံးပါး
════════════════
၁။ ရုပ်ရည်လှပသည်။
၂။ ခန္ဒာကိုယ်သန့်ရှင်းစင်ကြယ်စေသည်။
၃။ ခံတွင်းအနံ မွှေးကြည်စေသည်။
.
════════════════════
သီလရှိသူ ရနိုင်သောအကျိုး ငါးပါး
════════════════════
၁။ စည်းစိပ်ဥစ္စာရရှိနိုင်သည်။
၂။ ဂုဏ်သတင်းကျော်ကြားနိုင်သည်။
၃။ တင့်တင့်တယ်တယ်နေနိုင်သည်။
၄။ မတွေမဝေဘဲသေရမည်။
၅။ သေပြီးနောက် ကောင်းသောဘဝရောက်နိုင်သည်။
.
════════════════
တရားနာခြင်း၏ အကျိုး ငါးပါး
════════════════
၁။ မကြားဖူးသော ထုံနည်းပုံစံ တရားကောင်းတို့ကို ကြားရခြင်း။
၂။ ကြားဖူးသော တရားကောင်းကို အဖန်တလဲလဲ မှတ်မိအောင်နာကြားရခြင်း။
၃။ ယုံမှားသံသယကို ဖျောက်နိုင်ခြင်း။
၄။ အယူဝါဒကို ဖြောင့်မတ်စွာ ယူနိုင်ခြင်း။
၅။ သဒ္ဓါယုံကြည်သောစိတ်တိုးပွားစေခြင်း။
.
══════════
မေတ္တာအကျိုး ၁၁ ပါး
══════════
၁။ ချမ်းသာစွာအိပ်ရသည်။
၂။ ချမ်းသာစွာနိုးရသည်။
၃။ မကောင်းသောအိမ်မက်မမြင်
၄။ လူနတ်ချစ်သနားသည်။
၅။ ဘေးလွတ်အောင်နတ်တို့စောင်မသည်။
၆။ မီးမလောင်နိုင်
၇။ ဓားလက်နက်မထိနိုင်
၈။ အဆိပ်နှင့်မသေနိုင်
၉။ မကောင်းသောစိတ်ပျောက်သည်။
၁၀။ မျက်နှာအဆင်းလှသည်။
၁၁။ မတွေဝေဘဲသေ၍ ဗြမ္မာပြည်သို့ရောက်သည်။
.
══════════════
သည်းခံခြင်းအကျိုး ငါးမျိုး
══════════════
၁။ လူအများချစ်ခြင်း။
၂။ ရန်ငြိမ်းခြင်း။
၃။ အပြစ်နည်းခြင်း။
၄။ မတွေမဝေသေရခြင်း။
၅။ သုဂတိဘ၀သို့လားရခြင်း။
.
══════════
အပယ်လေးပါး
══════════
၁။ ငရဲ        ၂။ တိရိစ္ဆာန်       ၃။ ပြိတ္တာ     ၄။ အသူရကာယ်
.
═══════
ကပ်သုံးပါး
═══════
၁။ ဒုဗိ ္ဘက္ခန ္တရကပ် = ငတ်မွတ်ဘေးကြောင့် ပျက်စီးသောကပ်
၂။ သတ္တန ္တရကပ် = လက်နက်ဘေးကြောင့် ပျက်စီးသောကပ်
၃။ ရောဂန ္တရကပ် = ရောဂါဘေးကြောင့် ပျက်စီးသောကပ်
.
═══════
ရပ်ပြစ်ရှစ်ပါး
═══════
၁။ ငရဲ = ချမ်းသာမှုအလျဉ်းမရှိသောအရပ်
၂။ တိရစ္ဆာန် = နိဗ္ဗာန်နှင့်ဖီလာ မိုးကိုကျေပေးသောသတ္တဝါ
၃။ ပြိတ္တာ = ကိုယ်လက်အင်္ဂါ မမျှတသောသတ္တဝါ
၄။ အသညဇော = ခန္ဓာကိုယ်တစ်ပါးသာရှိ၍ အသက်နာမ်မရှိသော ဗြဟ္မာဘုံ
၅။ ပစ္စန ္တရော = ရတနာသုံးပါး မသိ၊ မရှိသော တောချုံ အုံခြားအရပ်
၆။ မိစ္ဆာဒိဌိ = မှားသောအယူရှိသော လူမျိုးစု
၇။ ဝိကလိနြ္ဒိယ = သစ္စာလေးပါးတရားကိုနာကြားရသော်
၈။ ဗုဒ္ဓသုညော တိဟေတုကော = အသိအလိမ္မာနှင့်ပြည့်စုံသော်လည်း ဘုရားပွင့်သော
ကာလနှင့်လွဲ၍ လူဖြစ်ရခြင်း။
.
══════════
ရန်သူမျိုး ငါးပါး
══════════
၁။ ရေ       ၂။ မီး      ၃။ မင်းဆိုး      ၄။ သူခိုး      ၅။ မချစ်မနှစ်သက်သောသူ
.
══════════
၀ိပတ္တိတရား လေးပါး
══════════
၁။ သီလဝိပတ္တိ = သီလပျက်ခြင်း
၂။ ဒိဌိဝိပတ္တိ = အယူပျက်ခြင်း
၃။ အာစာရဝိပတ္တိ = အကျင့်ပျက်ခြင်း
၄။ အာဇီ၀၀ိပတ္တိ = အသက်မွေးမှုပျက်ခြင်း
.
══════════
ဗျသနတရား ငါးပါး
══════════
၁။ ဥာတိဗျသန = ဆွေမျိုးဥာတိတို့ သေကျေပျက်စီးခြင်း
၂။ ဘောဂဗျသန = ရာထူးဂုဏ်သိမ် စည်းစိမ်ဥစ္စာလျောကျပျက်စီးခြင်း
၃။ ရောဂဗျသန = အနာရောဂါ နှိပ်စက်ပျက်စီးခြင်း
၄။ သီလဗျသန = အကျင့်သီလပျက်စီးခြင်း
၅။ ဒိဌိဗျသန = အယူဝါဒ လွဲမှားပျက်စီးခြင်း
.
══════════
ကိလေသာ သုံးပါး
══════════
၁။ လေဘ       ၂။ ဒေါသ       ၃။ မောဟ
.
══════════
ကာလ သုံးပါး
══════════
၁။ အတိတ် = လွန်လေပြီးသောကာလ
၂။ ပစ္စုပ္ပါန် = လက်ရှိကာလ
၃။ အနာဂတ် = နောင်ကာလ
.
════════════
အဂတိတရား လေးပါး
════════════
၁။ ဆန္ဒ        ၂။ ဒေါသ       ၃။ ဘယာ       ၄။ မောဟ
.
══════════════════════════
မျက်မှောက်စည်းစိမ်ပျက်စီးကြောင်းတရား သုံးပါး
══════════════════════════
၁။ ဣတ္ထိဓုတ္တ = မိန်းမလိုက်စားခြင်း
၂။ သုရာဓုတ္တ = သေသောက်ကြူးခြင်း
၃။ အက္ခဓုတ္တ = လောင်းကစားခြင်း
.
════════════════════
သရဏဂုံပျက်ရသောအကြောင်း နှစ်ပါး
════════════════════
၁။ မိစ္ဆာဒိဌိအယူကိုပြောင်းယူခြင်း          ၂။ သေဆုံးခြင်း
.
══════
ကံသုံးပါး
══════
၁။ ကာယကံ = ကိုယ်ဖြင့်ပြုခြင်း
၂။ ၀စီကံ = နှုတ်ဖြင့်ပြုခြင်း
၃။ မနောကံ = စိတ်ဖြင့်ပြုခြင်း
.
════════════════════
အာရုံ ခြောက်ပါး ကာမဂုဏ်တရားများ
════════════════════
၁။ ရှုပါရုံ = အဆင်းအာရုံ
၂။ သဒ္ဒါရုံ = အသံအာရုံ
၃။ ဂန္ဓာရုံ = အနံအာရုံ
၄။ ရသာရုံ = အရသာအာရုံ
၅။ ဖောဌဗ္ဗရုံ = အတွေ့အာရုံ
၆။ ဓမ္မာရုံ = တရားသဘောအာရုံ
.
═════════
ပိဋကတ် သုံးပုံ
═════════
၁။ သုတ္တန်        ၂။ ဝိနည်း       ၃။ အဘိဓမ္မာ
.
══════════
စေတနာ သုံးတန်
══════════
၁။ ပုဗ္ဗ = ကြိုတင်စေတနာ
၂။ မုဉ္စ = ပြုဆဲစေတနာ
၃။ ပရ = ပြုပြီးစေတနာ
.
══════════════════════════════════════
လောကပါလ တရားနှစ်ပါး ( လောကကို စောင့်ရှောက်သော တရား။ )
══════════════════════════════════════
ဟိရီ = အပြစ်မကင်းသော အမှု၊ မကောင်းမှု ပြုလုပ်ရမည်ကို ရှက်ခြင်း၊
ဩတ္တပ္ပ = အပြစ်မကင်းသော အမှု၊ မကောင်းမှု ပြုလုပ်ရမည်ကို ကြောက်ခြင်း၊
.
═════════
လောက သုံးပါး
═════════
၁။ သတ္တလောက = လူသတ္တဝါများ၏ လောက
၂။ သင်္ခါရလောက = ဖြစ်ပျက်ပြုပြင်လောက
၃။ သြကာသလောက = ရှိရှိသမျှလူသတ္တဝါအားလုံးရှိသောလောက
.
══════════
ဗြဟ္မစိုရ်တရား လေးပါး
══════════
၁။ မေတ္တာတရား       ၂။ ကရုဏာတရား       ၃။ မုဒိတာတရား      ၄။
ဥပက္ခာတရား
.
══════════
သမ္ပတ္တိတရား လေးပါး
══════════
၁။ ကာလသမ္ပတ္တိ = ခေတ်အခါကောင်းနှင့် ကြုံတွေ့ရခြင်း။
၂။ ဂတိသမ္ပတ = လူ့ဘ၀နတ်ဘ၀ကဲ့သို့ ကောင်းသောဂတိနှင့် ကြုံတွေ့ရခြင်း။
၃။ ဥပဓိသမ္ပတ = ခြေလက်အင်္ဂါညီညာပြည့်စုံခြင်း၊ ရုပ်ရည်ရူပကာတင့်တယ်ခြင်း။
၄။ ပယောဂသမ္ပတ = ကာယကံ၊ ၀စီကံ၊ မနောကံ ကံသုံးပါးဖြူစင်ကောင်းမွန်ခြင်း။
.
══════════════════════════════
သမ္ပဒါတရား လေးပါး (မျက်မှောက်ကြီးပွားကြောင်းတရား လေးပါး)
══════════════════════════════
၁။ ဥဌာနသမ္ပဒါ = ထကြွလုံ့လဝီရိယနှင့် ပြည့်စုံမှု
၂။ အာရက္ခသမ္ပဒါ = စောင့်ရှောက်ခြင်းနှင့် ပြည့်စုံမှု
၃။ ကလျာဏမိတ္တသမ္ပဒါ = မိတ်ဆွေကောင်းရှိမှု
၄။ သမဇီဝိတသမ္ပဒါ = မျှတစွာအသက်မွေးမှု
.
══════
ခန္ဓာ ငါးပါး
══════
၁။ ရူပက္ခန္ဓာ
၂။ ဝေဒနာက္ခန္ဓာ
၃။ သင်္ခါရက္ခန္ဓာ
၄။ သညာက္ခန္ဓာ
၅။ ဝိညာဏက္ခန္ဓာ
.
════════
သိက္ခာ သုံးပါး
════════

၁။သီလ
၂။သမာဓိ
၃။ပညာ
.
══════════
သစ္စာ လေးပါး
══════════
၁။ ဒုက္ခသစ္စာ
၂။ သမုဒယသစ္စာ
၃။ နိရောဓသစ္စာ
၄။ မဂ္ဂသစ္စာ
.
════════
စေတီ လေးမျိုး
════════
၁။ ဓမၼေစတီ
၂။ ဓါတုစေတီ
၃။ ဥဒ္ဓိဿစေတီ
၄။ ပရိဘောဂစေတီ
.
══════════
ဥပါယ်တံမျဉ် လေးမျိုး
══════════
၁။ ဘေဒဥပါယ် = သဘောထားအယူအဆကွဲလွဲအောင် သွေးတိုးသပ်လျှိုသည့်နည်းလမ်း။
၂။ ဒဏ္ခုဥပါယ် = ထောင်ချခြင်း၊ အချုပ်ချခြင်းစသော ဒဏ်ခတ်သည့်နည်းလမ်း။
၃။ သာမဥပါယ် = ရင်းနှီးအောင်ပေါင်းသင်းဆက်ဆံခြင်း၊ ကိုယ်ဘက်ပါအောင် ဖျောင်းဖျ
ပြောဆိုစည်းရုံးခြင်းနည်းလမ်း။
၄။ ဒါနဥပါယ် = ပေးကမ်းခြင်းနည်းလမ်း။

သင်ကြားလေ့လာဗုဒ္ဓဘာသာ

Thanks;
Buddhism Beams (Myanmar)
www.facebook.com/pahtanpuzawkyathumyar
https://pahtanpuzawkyathumya.blogspot.com

ပျော်ရွှင် အောင်မြင်ကြပါစေ
ချစ်တတ်တဲ့ မေတ္တာသမားကြီး
Crd All

သုဝဏ္ဏဘုမ္မိသို့ သက်ဝင်ခြင်း

ကေလာသ
မြေလွှာက တစ်စတစ်စကြွေ
မုန်တိုင်းမိုးလေကမစဲ
ဖြစ်ပျက်မြဲ လောကဝဲ
ရှေးဟောင်းမြို့တော်ရယ် ပျက်စဲတော့မှာလား။

ကျောက်ချပ်တွေတစ်ဒိုင်းဒိုင်း ထုတ်
သစ်တောခုတ်ဖြုတ်ဖြုတ်ကြေ
ခုချမ်းသာနေဖို့အရေး
ကုမ္ပဏီဆိုတာတွေကို လုပ်ကွက်ပေး
မုတ္တမပင်လယ်ကွေ့ကခနခနအော်
ငါ့ထံခိုနားလှည့်ပါနော်။

ကျောက်ဂဝံတံတိုင်းခတ်
တပ်လှန့်နေကြ မနုဿီဟ
ခုခံနိုင် စွမ်းအင်မပြ
သုဝဏ္ဏဘုမ္မိနဲ့ မနူဟာ
ခုမှဆုံမိပီ အိုပြည့်ဇာရယ်။

ယခင်နှစ်က ကြောင်တစ်ရာ
ခုတော့ ကေလာသကိုတောင်ခြိမ်းခြောက်လာခဲ့
ကြောက်စရာ သဘာဝဘေး
မနှေးအမြန်ပြေးကာတွေ့
ကြိုတင်ပြင်ဆင်မှုလေးတွေနဲ့ပညာပြ
ငါတို့ အဝေးကနေ ရင်တမမ။

ဖြစ်ဖို့သာ အရင်းတည် ကြာ
ဖျက်ခနဲ ပျောက်ပျက်နေတာမို့
အနာဂတ်ကို သေချာတွေး
ပညာရှင်တို့နဲ့ ပူပေါင်းကြံဆ
အရာရာ တွန်းလှန်တိုက်ဖျက်နိုင်ကြပါစေ။

ဇာမဏီ

ရဟန်းတော်တွေ ညီမခေါ်သင့်သလား

"ရဟန်းတော်တွေ ညီမခေါ်သင့်သလား"
========================
တချို့လူတွေက သံဃာတော်တွေ "ညီမ" လို့ ခေါ်တာကို မသင့်တော်ဘူးလို့ ထင်နေကြတယ် ...

တချို့ကလဲ ရဟန်းဆိုတာ ရဟန်းအသုံးဖြစ်တဲ့ "ဒကာမ" လို့ပဲ ခေါ်သင့်တယ်လို့ ပြောကြပါတယ် ...

အဲ့ဒါကြောင့် ရဟန်းတော်တွေအနေနဲ့ "ညီမ" လို့ ခေါ်တာ သင့်,မသင့်ကို ဝေဖန်ပြပါမယ် ...

---
----

မြန်မာလို "ညီမ" ဆိုတာ ပါဠိလိုဆိုရင် "ဘဂိနီ" ဆိုတဲ့ စကားလုံးနဲ့ တူပါတယ် ...

ပါဠိ"ဘဂိနိ"ဟာ အင်္ဂလိပ်လို "sister" နဲ့ ပိုပြီး တထပ်တည်းကျတယ်လို့ ပြောနိုင်ပါတယ် ...

ဘာလို့လဲဆိုတော့

"ဘဂိနိ" ဟာ အင်္ဂလိပ်"sister" လို ကိုယ့်ထက် ကြီးသူ,ငယ်သူ အမျိုးသမီးနှယောက်လုံးကို ဆိုလိုတာမို့ပါ ...

မြန်မာ"ညီမ"ကတော့ ကိုယ့်ထက် ငယ်ရွယ်သူကိုပဲ ရည်ညွှန်းတာမို့ "ဘဂိနိ"နဲ့ သဘောတူရုံပဲရှိမှာပါ ...

"ဘဂိနိ" ဟာ "မညှိုးပန်း"လို့လဲ အဓိပ္ပါယ်ရှိပါတယ် ...

မညှိုးပန်းဟာ တင့်တယ်လှပသလို

အကိုတွေမောင်တွေရှိတဲ့ အမျိုးသမီးဟာလဲ တင့်တယ်လို့

အဲ့ဒီပန်းအမည်နဲ့တင်စားပြီး "ဘဂိနီ" လို့ ခေါ်ကြတာပါ ...

---
----

ရဟန်းတွေ ကိုယ့်ထက်ငယ်ရွယ်သူအမျိုးသမီးတွေကို ညီမလို့ခေါ်တာ သင့်,မသင့် ဆုံးဖြတ်မယ်ဆိုရင်

ဘုရားရှင်ခေတ်က ရဟန်းတွေ ဘယ်လိုခေါ်ခဲ့ကြသလဲ ကြည့်ဖို့ လိုပါတယ် ...

မြတ်စွာဘုရားရှင်ကတော့ အမျိုးသမီးတွေနဲ့တွေ့ရင် "ညီမ" လို့ သဘောထားကြဖို့ ဟောတာတွေရှိပါတယ် ...

ရဟန်းတော်တွေကလဲ အမျိုးသမီးတွေကို မြန်မာလို "ညီမ" နဲ့ သဘောထားတူတဲ့

ပါဠိ "ဘဂိနိ" ဆိုတဲ့ နာမ်စားနဲ့ ခေါ်ကြတာတွေ ရှိကြပါတယ် ...

ရဟန်းတော်တပါးဟာ သူ့မယားဟောင်းကို "ဘဂိနီ" လို့ ခေါ်လို့

အဲ့ဒီသူ့မယားဟောင်းဟာ မခံစားနိုင်တော့ပဲ မေ့တောင်လဲသွားတယ်ဆိုပဲ ...

ဒီလို သာမန်လူတွေနဲ့ဝေးကွာလွန်းတဲ့ စာပေတွေကို အသာထားပါ ...

လူတိုင်းနီးပါး အလွတ်ရကြတဲ့ ပရိတ်ကြီး (၁၁) သုတ်ထဲက

"အင်္ဂုလိမာလသုတ်" မှာလဲ သတိထားကြည့်ရင် တွေ့ပါလိမ့်မယ် ...

"ယတောဟံ ဘဂိနိ အရိယာယ ဇာတိယာ ဇာတော" ... စသည်ဖြင့်ပါ ...

အဓိပ္ပါယ်ကတော့

"ညီမရေ ... ငါဟာ အရိယာဖြစ်ပြီးကတည်းက သတ္တဝါတခုကို သိလျက်နဲ့ မသတ်ဘူးတော့ပါဘူး" လို့ ဆိုလိုတာပါ ...

အဲ့ဒီလို ရဟန္တာဖြစ်နေပြီဖြစ်တဲ့ အရှင်အင်္ဂုလိမာလတောင် မီးမဖွားနိုင်ဖြစ်နေတဲ့ အမျိုးသမီးတယောက်ကို "ညီမ" လို့ ခေါ်ခဲ့ဘူးပါတယ် ...

အဲ့ဒါကြောင့် ဘုရားရှင်လက်ထပ်မှာ ရဟန်းတော်တွေဟာ အမျိုးသမီးတွေကို "ညီမ" လို့ ခေါ်ခဲ့တာတွေ ရှိပါတယ် ....

---
-----

ခုခေတ်အနေနဲ့ကြည့်ရင်လဲပဲ "ညီမ" ဆိုတဲ့ နမ်စားဟာ

ကိုယ့်သွေးရင်းသားရင်းတယောက်လို သဘောထားပြီး ချစ်ခင်မှုနဲ့ ဖော်ရွေမှုကို

ပေါင်းစပ်ပြီး ခေါ်တဲ့ အာလုပ်စကားမျှသာမို့ ရဟန်းတော်များနဲ့ မသင့်စရာအကြောင်းမရှိပါ ...

ဒီလိုခေါ်တာဟာ ဘုရားရှင်ရဲ့ ကိုယ့်ညီမအရင်းလိုသဘောထားရမယ်ဆိုတဲ့ စကားနဲ့လဲ ကိုက်ညီလှပါတယ် ...

---
----

အဲ့ဒါကြောင့် ရဟန်းတော်တွေအနေနဲ့ ကိုယ့်ထက်ငယ်ရွယ်သူ

အမျိုးသမီးတွေကို "ညီမ"လို့ ခေါ်တာဟာ သင်တော်ပါတယ်လို့ ပြောပါရစေ ....

Credit op