ဝိသာၒခာၒ ကသဲင္ꩻလြဥ္ꩻအဝာꩻ အဖါေဗြၒဓနဥၥယ ဆြံုꩻမ
ေဖၒသဲင္ꩻပါ ဩဝာဒေငာဝ္း(၁၀)ငြါ
========================
မြိုးေက်ာင္ꩻဝိသာၒခာၒ အဇာၒတိေနာဝ္ꩻ အဂၤခမ္းနယ္ၒ ေဝင္ꩻဘဒၵိယ၊အဖါမဥ္ꩻ
" ဓနဥၥယ" သေဌꩻ၊အမြိုးမဥ္ꩻ"သုမန"သေဌꩻမူၒ
နဝ္ꩻသြူ။
ဝိသာၒခါၒအသက္ကထင္ၒလꩻနြတ္ေနင္ၒတြင္ꩻနဝ္ꩻ နီေဗြၒဘုရာꩻက်ြꩻ ေဝင္ꩻဘဒၵိယတဲင္အဖါ
ျဖား ေမ႑ကသေဌꩻတန္ထြဥ္ၒေတြာ့ တြမ္ၒ
အသြꩻမူၒေပၒငတ္ꩻရ်ာꩻဖံုၒေလြꩻက်ိုၒဆြုမ္ၒဘုရာꩻ
ကုသိုလ္ၒပန္ခ်ာ အာၒတလာတဲင္ နာၒဘုရာꩻ
ေဟာ္ꩻတရာꩻထြူခါ ထြာစြဥ္ၒေသာတပန္ၒ လꩻစြဥ္ၒတမဂ္တဖိုလ္ၒနဝ္ꩻသြူ ။
အခ်ိန္ၒအရြယ္ၒကထြိုင္ၒတြိုၒေနာဝ္ꩻ ေတာၒလမ္းခန္းတြမ္ၒ ပာꩻသာဝတၳိခမ္း သေဌꩻပိုခို ပုဏၰဝဎနတဲင္ သဲင္ꩻလြဥ္ꩻခန္း
အဝါꩻေနာဝ္ꩻသြူ။
ကတိန္ၒအီၒသဲင္ꩻလြဥ္ꩻအဝာꩻနဝ္ꩻဝိသာၒခါၒသီးဖါဆြံုꩻမသြဥ္ေဖၒ အပိုမူၒဗြာ၊ေငာဝ္းအငြါတဆီ လꩻယိုအတြိုင္ꩻသြူꩻ ။
၁။ ေမၒအကိုယို အီထန္ၒမြိုန္းအထန္ၒ။
၂။ ေမၒအထန္ၒေနာဝ္ꩻ အီနြို့ မြိုန္းအကို။
၃။ ပာꩻကေဖၒနဝ္ꩻ ေဖၒေသြာ့ေနာ။
၄။ ပာꩻတေဖၒတဝ္းနဝ္ꩻ တြမ္ၒေဖၒမြိုန္း။
၅။ ေဖၒတဲ့နဝ္ꩻ ေဖၒတဝ္းတဲ့နဝ္ꩻ
ေဖၒေသြာ့ေနာ။
၆။ အံုအဝ္ၒခ်မ္ꩻခ်မ္ꩻသာၒသာၒေသြာ့ေနာ။
၇။ အံၒအြꩻခ်မ္ꩻခ်မ္ꩻသာၒသာၒေသြာ့ေနာ။
၈။ ေဗင္ၒခ်မ္ꩻခ်မ္ꩻသာၒသာၒေသြာ့ေနာ။
၉။ လြူးမြီၒေသြာ့ေမၒေနာ။
၁၀။ ဝုဲင္ၒေသြာ့လူꩻလမ္းကိုေနာ။
ငာဝ္းငြာတဆီအဓိပၸာယ္ၒအအဲဥ္ၒ
၁။ ေမၒအကိုယိုအီထန္ၒမြိုန္းအထန္ၒကရိုꩻနဝ္ꩻ
ဖူဖီသီးအပဲစ္ ဝာꩻခိုအပဲစ္ဖံုၒယို ထီၒေသ
စြဥ္ၒတဲယဝ္း၊အြဥ္ၒေဒာ့လြင္ꩻေတားမြိုန္း
လိုꩻလမ္းေလာင္ၒလင္။
၂။ ေမၒအထန္ၒနဝ္ꩻ အီနြို့မြိုန္းအကို ကရိုꩻနဝ္ꩻ
လိုꩻလမ္းထ်ꩻ လမ္းေသာင္၊လိုꩻေလာင္ၒ
လိုꩻလင္ မဥ္ၒအြဥ္ၒေဒာ့ꩻဖူဖီမဥ္ꩻ၊ဝာꩻခိုမဥ္ꩻ
တဲ့ သဲင္ꩻေဒာ့ꩻနယ္ခ်ာမြိုန္း ဖူဖီ ဝာꩻခို လိုꩻ
လမ္းကို။
၃။ ပာꩻကေဖၒနဝ္ꩻမꩻ ေဖၒ ေသြာ့ေနာ ကရိုꩻနဝ္ꩻ
ကြီငားတဲင္ ေဖၒငားထြူေတြာ့ ပာကေသ
ေျဖာ္ခ်ာ ပာꩻကေသေဖၒခ်ာနဝ္ꩻမꩻေဖၒငာၒ
ေသြာ့ေနာ။
၄။ ပာꩻတေဖၒတဝ္းနဝ္ တြမ္ၒေဖၒမြိုန္း ကရိုꩻနဝ္ꩻ
ကြီငားတဲင္ ေဖၒငားထြူေတြာ့ တေသေျဖာ္ခ်ာ
တဝ္း တေသေဖၒခ်ာတဝ္းနဝ္ꩻ လိုꩻစားနဝ္ꩻ
နဝ္ꩻ ေဖၒငားမြိုန္းေတာဝ္းေနာ။
၅။ ေဖၒတဲ့နဝ္ꩻ ေဖၒတဝ္းတဲ့နဝ္ꩻ ေဖၒ
ေသြာ့ေနာ ကရိုꩻနဝ္-
ဖူးေဝးစြိုးခြိုꩻ သြꩻေပၒခြꩻေပၒ မဥ္ၒေမာ့
ထာꩻဒုကၡနဝ္ꩻ ဝင္ꩻေဖၒခ်ာေနြာင္ꩻတဲ့နဝ္ꩻ
ေဖၒခ်ာေနြာင္ꩻတဝ္းတဲ့နဝ္ꩻ ေဖၒဗဲင္ၒ
ေသြာ့ေနာ။
၆။ အံုအဝ္ၒခ်မ္ꩻသာၒသာၒေသြာ့ေနာ ကရိုꩻနဝ္ꩻ
ဖူဖီသီးတဲ့နဝ္ꩻ ဝာꩻခိုတဲ့နဝ္ꩻေလြꩻထာꩻမဥ္ၒ
သဲင္ꩻလြဥ္ (မဥ္ၒလြဥ္ေထ့)နဝ္ꩻ ေလာၒထြိုင္ၒ
က်ိုၒဆြုမ္ေနာ အံုအဝ္ၒဒာၒဒာၒ အံုအဝ္ၒလိန္ၒ
လိန္ၒမာၒမာၒ ေသြာ့ေနာ။
၇။ "အံၒအြꩻခ်မ္ꩻခ်မ္ꩻသာၒသာၒ
ေသြာ့ေနာ ကရိုꩻနဝ္ꩻ"-
တြမ္ၒအံၒအြꩻရီးမြိုန္းေသြာ့ ဖူဖီ ဝာꩻခို
(ဖူဖီတြမ္ၒဝာꩻခို အံၒ)မဥ္ၒထြူမꩻအံၒအြꩻ
ေသြာ့ေနာ။
၈။ ေဗင္ၒခ်မ္ꩻသာၒသာၒေသြာ့ေနာ ကရိုꩻနဝ္ꩻ-
တြမ္ၒေဗင္ၒရီးမြိုန္း ဖူဖီဝာꩻခို၊ဖြစ္ꩻဖ်ိုးဒာေဖၒ
ထြူ ဖူဖီဝာꩻခို ခင္ၒလမ္းေဗင္ၒထြူတဲင္
ေဝြꩻသီးမဥ္ၒေသာ့ထြူ အခင္ၒလမ္းေဗင္ၒမꩻ
ကြဲနြို့ေဗင္ၒဆုဲင္ꩻေသြာ့ေနာ။
၉။ လြူးမြီၒေသြာ့ ေမၒေနာ ကရိုꩻေနာဝ္ꩻ-
ထီၒဖူဖီေနာဝ္ꩻ မတ္နုဲင္းစြဥ္ၒေမၒ မတ္နုဲင္းစြဥ္ၒ
ရူးနဂါꩻစြူၒသားတဲင္ ရက္ ငမ္း ရိုၒေသၒ၊ဝြတ္
ပတ္ ထြားဟဝ္ဟဝ္ေဖၒေသြာ့ေနာ။
၁၀။ ဝုဲင္ၒေသြာ့လူꩻလမ္းကိုေနာ ကရိုꩻနဝ္ꩻ
ထီၒဖူဖီတဲ့နဝ္ꩻ ဝာꩻခိုတဲ့နဝ္ꩻ မတ္ေသြာ့နုဲင္း
လူꩻတန္တဲင္ ရိုၒေသၒဝုဲင္ၒေသြာ့ေနာ။
ဝိသာၒခါၒယိုေနာဝ္ꩻ ဇာတ္ကရီးပန္ခ်ာတဲ့ မာꩻအာ
ေမြးစြဥ္းကုသိုလ္ၒ၊တြိုၒသဲင္ꩻဘဝယိုတဲ့ ထြာသေဌꩻ
ပိုမူၒ၊ေယာင္ꩻဆင္ꩻတဲ့တေရꩻေမြးငာၒ လိန္ၒတဲ့လိန္ၒ
မာၒ၊ေစၒတနာၒ သဒၶါၒတရာꩻတဲ့ဟဝ္၊ဆို့လူၒက
ပုဗၺာရြုံၒေက်ာင္ꩻတန္တျဖံုၒ၊နာၒကုဲင္းတရာꩻ၊မာꩻ
ေမြးကုသိုလ္ၒတဲင္ ျဖားဒာၒတဝ္းထာꩻ၊ထီၒျဖားတဝ္း
(ဝိသာၒခာၒ သက္လꩻသြူ သြစ္ꩻဆီလြိုတဲ့ လိုꩻအမ်ာꩻ
ထီၒဝိသာၒခာၒနဝ္ꩻ အဝ္ၒထင္ၒဒ်ာၒသက္ꩻလꩻ ဆီသူ
ဆီနြုတ္ꩻမူၒနမ္ꩻအရြယ္ၒသြူꩻ )အသက္တဲ့ဆြာꩻ
အံုဗာၒစြဥ္ၒ အသက္တရ်ာꩻနီဆီနဝ္ꩻသြူ ။
ဝိသာၒခါၒနဝ္ꩻ အပိုအဝ္ၒနီဆီ၊အပိုတျဖာꩻတျဖာꩻ
နဝ္ꩻတဲ့ အပိုသမ္းအဝ္ၒဖ်င္ နီဆီ'နီဆီစီၒတဲင္၊
အလီꩻနဝ္ꩻအဝ္ၒလစ္ꩻရ်ာꩻ၊အလီꩻတျဖာꩻတျဖာꩻ
နဝ္ꩻ အပိုသမ္းအဝ္ၒဖ်င္ နီဆီ နီဆီစီၒတဲင္၊ အလင္ꩻအဝ္ၒသြစ္ꩻေရင္ အေက်ာင္ꩻ သဂၤါၒယနာၒတင္ၒဆရာၒေတာၒေဗြၒဗြန္တန္သီးဖံုၒ ဒင္ၒေသꩻခါꩻမတ္တန္ꩻ နုဲင္းလꩻယို
အတြိုင္ꩻသြူ။
ဝိသာခာ ဝီသတိ ပုတၱာ၊နတၳာစ စတုေရာသတာ။
ပနတၱာ အဌသဟႆာနိ၊ဇမၺူဒီေပ သုပါကဋာ။
ဝိသာခါ-ဝိသာၒခါၒနဝ္ꩻ၊ဝီသတိပုတၱာ-အပိုအဝ္ၒ
အျဖာꩻနီဆီ၊နတၳာစ စတုေရာသတာ-အလီꩻတဲ့
အဝ္ၒအျဖာꩻလစ္ꩻရ်ာꩻ၊ပနတၳာ အဌသဟႆာနိ-
အလင္ꩻအဝ္ၒသြစ္ꩻေရင္၊ဇမၺုဒီေပ-ဇမၺူၒက်ြန္ꩻကို
ေက်ာၒစြဥ္ၒဗြိုင္းဗြိုင္းနဝ္ꩻသြူ ။
ေနာဝ္ꩻမꩻ နင္ꩻဝိသာၒခါၒပအိုဝ္ၒမူၒဖံုၒတဲ့ အံုနုဲင္း
အဝ္ၒနုဲင္ၒ မာꩻနုဲင္း လူၒနုဲင္း တန္ꩻနုဲင္း ထြားနုဲင္း
ေသြာ့ မြိုးေက်ာင္ꩻဝိသာၒခါၒ၊သာၒသနာၒအက်ိုꩻတဲ့
ေဖၒကထြာ၊နမ္းတာၒ ပိုတာၒ လီꩻတာၒတဲ့ အက်ိုꩻ
ေဖၒကအာ၊အံုလိန္ၒလိန္ၒမာၒမာၒ က်ိုꩻစာꩻမာꩻဒါၒ
ဒာၒေသြာ့ဝင္ꩻေနာ။
[ဓမၼပဒ ဒုတိယတြယ္ꩻ ဝိသာၒခါၒဝတၳု]
ဝိသာၒခာၒသီးဖါ ေငာဝ္းငြာဆြံုꩻမ အငြါတဆီကဗ်ာ
***********************************
ေမၒနြို့ ထန္ၒေမြာ့ ေသ်ာင္ၒေသြာ့ပိုမူၒ
ဟဝ္ေဖၒ ဟဝ္တဝ္း ယူၒကဝ္းေသစူꩻ
ေဖၒေသြာ့ အံု အံၒ ေဗင္ၒခံၒ စံုရ်ူၒ
လြူးေသြာ့ေမၒ ရိုၒေသၒလမ္းကိုလူꩻ။
ပအိုဝ္ၒမူၒဗြာ ယံထြာေသဒာၒ
ထြားဝိသာၒခါၒ လိန္ၒမာၒက်ိုꩻစာꩻ
ဝြတ္ပတ္ယံေသ ယံေျခြယံျခာၒ
သာၒသနာၒ နမ္းတာၒက်ိုꩻယံအာ။
သုခိတာ ေဟာထ
နီꩻပာꩻ နမ္းသꩻ ျခိုင္ၒသန္ꩻ ခ်မ္ꩻသာၒ ယံအဝ္ၒလြꩻေသြာ့ဝင္ꩻေနာ
@ND
No comments:
Post a Comment